Skip to main content

Gurean Gaur

Bartzelonan egingo du Foro Sozialak biktimen arteko kurtso honetako azken topaketa

2019-06-27
Bartzelonan, hango eta hemengo lau biktima elkartuko ditu Foro Sozialak. Jatorri ezberdinetako indarkerien biktimak izango dira uztailaren bat eta bian egingo den ekimenean parte hartuko dutenak. 2018-2019 ikasturtearen balantzea egiteko deitutako prentsaurrekoan eman du horren berri Foro Sozialak. Bertan azaldu dutenez, Euskal Herrian bizikidetza demokratiko bat eraikitzeko oinarriak finkatzen hasteko helburua jarri zioten euren buruari, giza eskubideen eta bakearen kultura erreferente izanda. Ikasturtea nabarmen baldintzatu duten hainbat mugarri aipatu dituzte, ETAren desegitea edo Pedro Sanchez gobernu espainiarreko presidentetzara iritsi izana kasu.
Unai Rementeria izendatu dute Bizkaiko Ahaldun Nagusi, PSEren babesarekin

2019-06-27
Bizkaiko ahaldun nagusia aukeratzeko bilkuran, Rementeriak esan du Jaurlaritzaren lehentasuna dela kalitatezko enplegua sortzea, eta horretarako 10 milioi euroko plan berezi bat gauzatuko dutela. "Hirugarren iraultzaz" hitz egin du; aurreko biak "Guggenheim Museoa eta industria iraultza" izan zirela adierazi du. Gernikako Batzarretxean egindako bilkuran, EAJko Unai Rementeriak, EH Bilduko Bea Ilardiak eta Elkarrekin Podemoseko Eneritz de Madariagak aurkeztu dituzte hautagaitzak. De Madariagak, eskubide sozialen alde egingo duen sistema baten beharra azpimarratu du. Ilardiak, aldiz, adabaki gabeko epe luzerako planteamendua azaldu du.
Deabru Beltzak taldeak Symfeuny ikuskizuna aurkeztuko du Bilbon

2019-06-27
Ikusleekin topaketa eta elkarrekintza sustatzen duen kale ikuskizuna egingo dute uztailaren 5 eta 6an. Perkusionistak ikusleengana hurbiltzen dira, esan dutenez, kalea eta ikusleak eraldatzeko helburuarekin. Orain arte egin duten espektakulurik handiena izango da. Lehenengo zatia ibiltaria da, pirotekniako efektu batekin hasiko dena. Gero, agertokian, sei musikari eta piroteknikarik sorkuntza berri honi emango diote bizia. Bilboko Kalealdia Kaleko Antzerki eta Arteen jaialdiaren barnean kokatzen da aurtengo ikuskizuna. Symfeuny emanaldiak argiak, musika eta piroteknia nahastuko ditu.
EHZ jaialdia Irisarrin ospatuko dute asteburuan, "auzolanaz berpiztu" lelopean

2019-06-27
“Auzolanaz Berpiztu” leloa ipar, musika festibala baino gehiago den elkartruke kulturalerako topaguneak, ostiralean irekiko ditu ateak, aurten Nafarroa Beherako Irisarriko herrian. Asteburu osoan zehar, kontzertuak ez ezik, tailerrak, antzerkiak, zirkoa eta gai desberdinen inguruko kontzientziazio solasaldiak izango dira, beste batzuen artean. EHZ 1992an sortu zen, trukerako eta laguntza plataforma gisa, Ipar Euskal Herriko gazteen PIZTU elkartearen jarraipena izanik. 1996an lehen jaialdia antolatu zuten, eta, Idauze-Mendi, Heleta eta Lekornetik pasa eta gero, aurten Irisarriko herrian plazaratuko ditu, bi urtez landutako aire berriak. Liher, Anarai, Koban, Niña Coyote eta Chico Tornado, Willis Drummond, Izaki Gardenak, Nizuri ta Zuneri edo Madeleine, izango dira, beste askoren artean.
Ahotsa.info-ren aurkako salaketa artxibatu du Espainiako Auzitegi Nazionalak

2019-06-27
Ahotsa.info-ren aurkako salaketa artxibatu du Espainiako Auzitegi Nazionalak. Terrorismoa goratzea leporatuta salatu zuen Espainiako Poliziak ikus-entzunezko hedabide digitala, iazko uztailan, bi albistetan “euskal preso politikoak” terminoa erabiltzeagatik.
Adbenabi Mellase Huerta de Peraltako langilearen aldeko kanpaina aurkeztu dute

2019-06-27
Poliziaren aldetik indarkeria erabili izana salatuta, Abdenabi Mellaseren errugabetasuna defendatu dute gaurkoan. Horrela, Abdenabi Mellase Huerta de Peralta enpresako langilearen aldeko kanpaina abiatu du LAB sindikatuak. Fiskaltzak 2 urte eta 6 hilabeteko kartzela zigorra, 2.500 euroko isuna eta Hego Euskal Herritik eta estatutik 5 urteko kanporatzeko agindua eskatu du Abdenabirentzat, autoritatearen aurkako delitua egitea egotzita.
 
bannerra

bannerra