Skip to main content

Gurean Gaur

Osasunak Chimy Avila fitxatu du

2019-06-27
Osasunak Chimy Avila jokalaria fitxatu du. Aurrelari argentinarrak 25 milioiko deuseztatze klausula izango du Gaztelu plazako klubarekin, eta lau urteko kontratua sinatu du.
Ostalaritzako hiru langilek jasotako isuna "astakeria hutsa" dela salatu du Eraginek

2019-06-27
2.250 euroko isuna jaso duten Bilboko hiru ostalaritzako langilek zigorra bertan behera uzteko exijitu diote udalari. Eragin plataformarekin batera, dagozkien eskubideak betetzen ez direla jakinda, kartel informatiboak pegatzeari ekin zioten hiru langileak identifikatu eta zigortu ditu udalak. Eraginek salatu du Bilboko hiri modeloa langileen prekarizazioan oinarritzen dela eta zigor bidegabea bertan behera uztea eskatu dute.
Urriaren 16ra atzeratu du Parisek Josu Urrutikoetxearen kontrako euroagindu eskaera saioa

2019-06-26
Urriaren 16ra atzeratu du Parisek Josu Urrutikoetxearen kontrako euroagindu eskaera saioa. Gizarteriaren aurkako krimenak leporatuta eskatu du estatu espainiarrak euroagindua. Epaileak gaur hartutako erabakiaren arabera, ordura arte preso jarraitu beharko du Urrutikoetxeak. Dena den, defentsako abokatuek dagoeneko iragarri dute behin behinean libre uzteko eskatuko dutela. Aste pare batean egin daiteke hori erabakitzeko saioa.
Nevadako Unibertsitateak emakume bertsolarien inguruko liburua argitaratu du

2019-06-26
Nevadako Unibertsitateak emakume bertsolarien inguruko Female improvidational poets ikerketa liburua argitaratu du ingelesez. Emakumeek lehen munduan, eta euskal gizartean zehazki, berdintasuna lortzeko izaten ari diren arazoen berri ematen dute liburuko artikuluek eta bertsolaritzan zein country musikan emakumeek izan dituzten erronkak mahai gainean jarri dituzte argitalpenean. Liburuan, Miren Artetxe, Oihana Iguaran, Maialen Lujanbio, Jone Miren Hernandez, Caroline Dufurrena eta Joseba Zulaikak gaiaren inguruan egin dituzten ekarpenak jaso dituzte. Testuingurua dela eta, euskal bertsolaritzaren eta Estatu Batuetako poesia country-aren arteko paralelismoak antzeman dituzte egileek.
Begoña Urroz DRILen biktima izan zela aitortu du Gobernu espainiarrak

2019-06-26
Terrorismoaren Biktimen Memoriaren Zentroak egindako txosten baten arabera ez zen ETA izan 1960an haurra hil zuena, DRIL (Directorio Revolucionario Iberico) taldea baizik.
Gipuzkoako papergintza eta grafikagintzako greba jarraipen zabala izaten ari da

2019-06-26
Gaur, Gipuzkoako industria alorreko bi sektoreek, Grafikagintzak eta Paperak, egun osoko greba burutu dute beren hitzarmen kolektiboen defentsan eta benetako negoziazioa aldarrikatzeko. Langileek kontzentrazioa egin dute ADEGIren egoitzaren aurrean. Papergintzaren kasuan, gaurkoa hirugarren greba eguna izan da eta aurreko bi greba egunetan bezala %90ko jarraipena izan du, ekoizpena geldiaraziz. Grafikagintzako sektorean gaurkoa lehenengo greba eguna izan da, eta grebak arrakasta handia lortu du, %80ko jarraipena izan baitu. Bihar, bi sektoreek beste greba egun bat burutuko dute. 12:00etan, manifestazioa egingo dute Tolosako triangulo plazatik.
 
bannerra

bannerra