Skip to main content
bannerra

Gurean Gaur

Belaunaldien arteko elkarlana sustatuko dutela adierazi dute pentsiodunek

2019-10-07
Pentsiodunek 91 astelehen daramatzate jada Bilboko udaletxean eguerdiko elkarretaratzea egiten. Azaroaren 10eko hauteskundeei begira dago kolektiboa. Alderdi nagusien jarrera orain arteko berdintsua izango dela uste dute eta emaitzak ere antzeakoak espero dituzte, beraz, argi dute borrokan jarraitu beharko dutela. Gainera, borroka horretan langile prekario, gazte zein emakumeen indar batuketa bilatuko dutela adierazi dute.
Zero Zabor Bizkaia plataformak lurraldeko hondakinen kudeaketa "eraginkorra" eskatu du ISWA kongresuaren aurrean

2019-10-07
Hondakinen kudeaketa integral eta jasangarrien joera berriak aztertzeko 1.200 pertsona batuko dira Nazioarteko ISWA kongresuan Bilboko Euskalduna Jauregian. Horren aurrean, Zero Zabor Bizkaia Plataforma osatzen duten 40 erakundeek lurraldeko zaborra kudeatzeko sistema eraginkorra eskatu dute. Esan dute, Europak dituen helburuetatik urruntzen dela eta ekonomia zirkularraren kontrakoa dela.
"Biktima guztiei" barkamena eskatu diete hainbat GKEetako ordezkariek

2019-10-07
Foro Sozial Iraunkorrak deituta, gobernuz kanpoko hainbat erakundek "adierazpen autokritikoa" egin dute, indarkeriaren inguruan iraganean izandako beren jarrera dela eta. Horrela, barkamena eskatu diete ETAren biktimei eta estatuaren indarkeriaren biktimei, “egoerak eskatzen zuen bezala” jokatu ez izana onartuz.
Lehenbiziko Eusko Jaurlaritza 1936ko urriaren 7an eratu zen

2019-10-07
Lehenengo Eusko Jaurlaritza eratu zeneko 83. urteurrena da gaur. Geroztik, 21 legealdi eta 8 lehendakari izan dira, Gerra Zibila, erbestealdia eta frankismoa tarteko.
Euskaraldiaren lehen edizioa aztergai XI. Euskal Soziolinguistika Jardunaldian

2019-10-07
Soziolinguistika Klusterrak eta Eusko Jaurlaritzako Kultura eta Hizkuntza Politika Sailak elkarlanean antolatu dute Euskal Soziolinguistika Jardunaldiaren hamaikagarren edizioa. Urriaren 9an, asteazken honetan, ospatuko da Tolosako Topic zentroan.
Irribarrea ahoan gogoratuko dute Jose Migel Etxeandia larrabetzuarra

2019-10-04
Pertsona militante, prestu eta eskuzabal bezala deskribatu dute bere gertukoek. Euskal preso ohiaren gorpua aurkitu zuten atzo goizean haren bila zebiltzan boluntarioek. Gorbeia mendian ikusi zuten azkenekoz igandean Larrabetzura familiarengana zihoala. Ordutik, ez zuten haren berririk eta asteartean hasi ziren haren bila, 59 urte zituen. Asko izan dira gertukoei helarazitako elkartasun keinuak. Izan ere, Etxeandiak eragin handia izan zuen herrian eta baita ezker abertzaleko eragin esparru desberdinetan.
 
bannerra

bannerra