Skip to main content

Gurean Gaur

Marc Cardona aurkeztu du Osasunak

2019-06-26
Marc Cardona aurrelaria aurkeztu du Osasunak. Eibarren aurreko denboraldian ibilitako jokalariak, 24 urte beteko ditu uztailean eta Gaztelu plazako klubak Barçatik fitxatu du 2,5 milioiren truke.
Unai Hualdek kontaktu erronda hasi du IE, Podemos eta EH Bildurekin

2019-06-26
Inbestiduraren aukerak aztertzeko, Unai Hualde, Nafarroako parlamentuko presidentea, banan bana, Izquierda-Ezkerra, Podemos eta EH Bildurekin batzartu da. Marisa de Simon eta Mikel Buil, Chivite presidente egiteko prest agertu dira, lehenak desadostasun batzuk aipatu baditu ere, eta bigarrenak programan sakontzea eskatuta. Maiorga Ramirezek bere aldetik ez du ikusten inbestidura saio bat antolatzeko aukerarik.
Bero boladak alerta laranja piztu du Hego Euskal Herrian

2019-06-26
Termometroa 42 gradura hel daiteke Nafarroako erdialde eta hegoaldean. EAEn muga hori joko ez duen arren, 35 gradutik gora kokatuko dira maximoak, kostaldean zein barnealdean. Gaur eta bihar izango dira egunik beroenak baina asteburuan ere alerta piztuta mantenduko da, tenperaturek behera egingo duten arren ostiraletik aurrera.
E28 koordinadorak borrokarako deia egin du Bilbao Bizkaia Pride gisako ekitaldien aurrean

2019-06-26
E28 koordinadorak Bilbo Bizkaia Prideri aurre egiteko boikot kanpaina baloratu du. Irabazi ekonomikoak eta irabazkin politikoak lortzeko helburuarekin borroka bat bereganatzea onartu ez eta Pridea gaitzesten du koordinadorak. Bestalde, ekainaren 28an, 19:30ean Jesusen Bihotzean hasiko den manifestaziorako deialdia luzatu dute prentsaurrekoan.
"Obabakoak" Stuttgart-eko Antzerki Nazionalean antzeztuko da euskaraz

2019-06-26
Bernardo Atxagaren "Obabakoak" gure lurraldearen mugak aspaldi zeharkatu zituen. Oraingoan, Calixto Bieitok zuzenduriko antzerkia, Arriagatik Stuttgarteko Antzerki Nazionalera egingo du salto. “Bidaia esperimental” honen ñabardura guztiak ezagutzeko, Lander Otaola akotrearekin egin dugu hitzordua, Alemanian antzezteko gogotsu dagoena.
Torturaren Biktimen Babeserako Nazioarteko Eguna onartzeaz gain, neurri zehatzak eskatu ditu Egiari Zor fundazioak

2019-06-26
Pozik agertu dira fundazioko kideak Legez Besteko Proposamena onartu duelako Legebiltzarrak. Izan ere, esan dute, torturaren sufrimendua mapan kokatzea ahalbidetuko duela. Halabaina, Eusko Jaurlaritzari eskatu die gogoratzeko Nazio Batuen Erakundeak sustatzen duen biktimen babeserako eguna. 2017ko abenduan aurkeztu zen Kriminologia Euskal Institutuak egindako ikerketa. Han frogatu zen tortura praktika sistematikoa zela, 4113 pertsona torturatu egonik EAEn. Txostenean, ordezkaritza politiko ugari interpelatzen dira eta hala egin dute elkartekoek ere.
 
bannerra

bannerra