Skip to main content
bannerra

Gurean Gaur

La Naval-eko langileek lan erregulazio-txostena sinatu dute

2019-01-17
La Naval-eko langileek lan erregulazio-txostena sinatu dute eta kaleratzeak 10 edo 15 egun barru sartuko dira indarrean. Kontsulta epea bukatuta, negoziazioak ez du fruiturik eman eta akordiorik gabe kaleratuko dituztela islatu du langileen batzordeak sinatutako dosierrean. Astelehenero ontziolan bilduko direla jakinarazi dute, egingo dituzten mobilizazioei buruz erabakiak hartzeko. Interesa duten inbertitzaileek ez dituzte ontziolako beharginak kontratatu behar izango La Navalen ardura hartzekotan.
Sindikatuen elkarretaratzea Osakidetzako lanbide karreren ordainketa exijitzeko

2019-01-17
SATSE, CC.OO. eta UGT Sindikatuek elkarretaratzea egin dute Bilbon, Osasun eta Kontsumoko Bizkaiko Lurralde Ordezkaritzaren aurrean 2011ko lanbide-karrera mailaren ordainketa exijitzeko. Sindikatuek ohar bidez jakinarazi dutenez, 2012tik Osakidetzak langileekin dituzten zorrak ordaintzera behartzen duen epaia eman zuen EAEko auzitegi nagusiak baina ez da oraindik bete.
Euskaltzaindiaren mendeurreneko ospakizunak gaur hasi dira XXIII. Jagon jardunaldiekin

2019-01-17
Euskaltzaindiak mendeurreneko ospakizunei ekin die Iruñean. Baluarte jauregian gaur eta bihar ospatuko dira Jagon Sailaren XXIII. Jardunaldiak. Bertan hizkuntza gutxituak izango dituzte hizpide.
EH Bilduk laukoaren krisiaren aurrean akordioak erdiestera deitu du

2019-01-17
Azken asteetan jazotako gertakarien ondorioz Nafarroako EH Bilduk, gobernua osatzen duen laukoa krisian dagoela aitortu du. Ezker abertzaleen koalizioko bozeramaile diren Adolfo Araiz eta Bakartxo Ruizek, herritarren hitza agindutzat hartzea eskatu eta zentzuz jokatzera deitu dituzte gainontzeko alderdiak. Gobernua hitza eta elkarrizketa, indarkeriaren gainetik erabiltzera deitu dute. Honekin batera maiatzeko hauteskundeei begira gizarte eragile eta alderdi politikoen arteko konpromiso publikoa hartzeko beharra ikusten dute.
EH Bilduk laukoaren krisiaren aurrean akordioak erdiestera deitu du

2019-01-16
Azken asteetan jazotako gertakarien ondorioz Nafarroako EH Bilduk, gobernua osatzen duen laukoa krisian dagoela aitortu du. Ezker abertzaleen koalizioko bozeramaile diren Adolfo Araiz eta Bakartxo Ruizek, herritarren hitza agindutzat hartzea eskatu eta zentzuz jokatzera deitu dituzte gainontzeko alderdiak. Gobernua hitza eta elkarrizketa, indarkeriaren gainetik erabiltzera deitu dute. Honekin batera maiatzeko hauteskundeei begira gizarte eragile eta alderdi politikoen arteko konpromiso publikoa hartzeko beharra ikusten dute.
Zaintzaren gatazkari emango diote zentralitatea M8ko greba feministan

2019-01-16
Zaintzaren gatazkari emango diote zentralitatea Martxoaren 8ko greba feministan, hala adierazi du Euskal Herriko Mugimendu Feministak. Talka espazio feminista okupatuan egin dute prentsaurrekoa, espazio autogestionatuei babesa adierazteko eta hauen desalojoen aurkako posizioa berresteko. Herri, eskualde eta maila nazionalean antolatzen hasi direla azaldu dute eta aurten aldarrikapenak zehaztu nahi izan dituztela, oinarri politiko bateratu batzuk jarrita. Hau guztia 25 puntu baino gehiago dituen dossier batean bildu dute.
 
bannerra

bannerra