Skip to main content

Gurean Gaur

Igor Astibia (Hekimen): "Herritarrek euskarazko hedabideetara jo dute informazio zuzena eta kalitatezkoaren bila"

2020-06-17
Inoizko daturik onenak eman dituzte euskal hedabideek pandemian zehar audientziari dagokionez. Hekimen euskal hedabideen elkarteak egindako inkestaren datuak kaleratu ditu eta horien arabera, milioi erdi hartzaile gehiago izan zituzten herri ekimeneko hedabideek martxoko bigarren erdian. Jendeak, informazio bila, gertukora jo duela dio Igor Astibia Hekimeneko kideak eta hedabideen esfortzua nabarmendu du.
Igor Astibia (Hekimen): "Akordioa oinarri bat da baina eskaintza hobetzen, berritzen eta egunean egoten jarraitu behar dugu"

2020-06-17
Pandemiak herri ekimeneko hedabideen izandako ondorioak aztertu ditu kaleratu berri duen txostenean. Etxealdian, ikusitako orrialdeen kopurua, webguneek jasotako bisitek eta erabiltzaileek nabarmen gora egin zuten. Aldiz, aspektu negatiboen baitan, publizitatearen beherarakada aipagarria da baita. Sektorearen indartzea eta etengabeko eraberritzea defendatu ditu Astibiak.
‘Euskal Y’-ak “gaitasun osoz aritzeko” 2037rainoko atzerapena izango duela adierazi dute

2020-06-17
Obralanen amaieraren atzerapena beraz 29 urtekoa izango da. Ondorioak Europar Batasuneko Kontu Auzitegiaren azken txostenetik ateratakoak dira, eta bertan adierazi dute abiadura handiko trenaren azpiegitura 2030erako amaiturik egon daitekeela baina Ipar Euskal Herriarekiko lotura 7 urte beranduago iritsiko dela.
Jaurlaritzak ingurumen baimen integratua eman dio Zubietako erraustegiari

2020-06-17
Lakuako Gobernuak argi berdea eman die Zubietako erraustegiaren ingurumen eraginari buruzko adierazpenari eta ingurumen baimen bateratuari.
Venezuelak Espainian duen enbaxadoreak gezurtatu egin du Gobernu Bolibartarrak Italiako 5 Izar Mugimendu ezkertiarra finantzatu izana

2020-06-17
ABC egunkariak ziurtatu du Venezuelako Gobernuak Italiako 5 Izar Mugimendu ezkertiarra finantzatu zuela sortu zenean. Nabarmendu du egunkariak, 2010eko udan, Hugo Chavez buru zuen gobernuak hiru milioi eta erdi euro bidali zituela Milango Kontsulatura, Beppe Grillok sortu zuen alderdiarentzat. Venezuelak Espainian duen enbaxadoreak, Mario Iseak Hamaika Telebistari adierazi dionez, existitzen ez diren gertaeretan oinarritutako informazioa eman du egunkariak, eta existitzen ez diren muntatutako dokumentuei egiten dio erreferentzia.
Ekonomia berpizteko 1.825 milioi euro bideratzea helburu duten neurriak proposatu ditu EH Bilduk

2020-06-17
Politika ekonomiko eta industrialerako proposamenak aurkeztu ditu Bilbon Maddalen Iriarte Euskal Herria Bilduko lehendakarigaiak. Ekonomia berpizteko asmoaz, 1.825 milioi euro bideratzea helburu duten lau neurri nagusi aurkeztu ditu: likidezia, babesa eta erreskatea, inbertsio estrategikoa eta eraikuntza.
 
bannerra

bannerra