Skip to main content

Gurean Gaur

Gaur 100 urte betetzen dira lehen aldiz langile-erretiroa ezarri zenetik espainiar Estatuan

2019-03-11
Egun berezia honetan pentsiodunak batu dira beste astelehen batez Bilboko Udalaren aurrean pentsio publiko duina eskatzeko. Adierazi dute oraindik borrokan jarraitu behar dela. Urte askotan emakumeek, meatzariek eta beste hainbatek egindako mobilizazioak gogoratu dituzte. Adierazi dute, egoera askoz zailago batzuetan pausuak eman baziren, gaur egun ere eman daitezkeela eta gogo politiko falta dela egoera geldirik egotearen arrazoia. Aipamen berezia izan du martxoaren 8ko greba feministak.
Zaintza erdigunean jartzen duten borrokak

2019-03-11
Azken aldian, ugaritu egin dira emakumeak protagonistak dituen borrokak: zaharren egoitzetako langileak, komisaldegietako eta epaitegietako garbitzaileak, pentsionistak... Martxoaren 8ko greba feministaren testuinguruan, Maria Sarasola Zaharren Egoitzetako langilearekin eta Gurutze Etxeberria ONEKA emakume pentsionisten elkarteko kidearekin elkartu gara.
Feministez gainezka egin dute Iruñeko kaleek arratsaldean

2019-03-08
Antolakuntzak uste baino jendetsuagoa izan da arratsaldeko M8ko manifestazioa. Feminismoa eta parekidetasunarekiko aldarriak ozen azaldu dira Golemetik ateratako manifestaldian. Manifestazio burua iritsi eta 10 minutura oraindik manifestazio bukaera Catalina de Foix etorbide buru den Bakearen plazan zegoen
Bilboko kaleek gainezka egin dute arratsaldeko mobilizazioan

2019-03-08
Milaka lagunek bat egin dute mugimendu feministak egindako greba deialdiarekin eta Bilbon mobilizazio zinez arrakastatsua antolatu dute arratsaldean. Bertan, berriro ere, bizitza erdigunera ekarri behar dela aldarrikatu dute.
Bizitza erdigunera ekartzeko aldarria herri eta eskualde guztietan

2019-03-08
Milaka lagunek bat egin dute mugimendu feministak egindako greba deialdiarekin. Horiek horrela, gure geografiako herri eta eskualde guztietan mobilizazioak eta ekimenak antolatu dira. Honatx bilduma bat: Irun, Errenteria, Oiartzun, Lezo, Zizurkil, Gernika, Basauri, Amurrio, Orozko, Arbizu edo Angelu.
Greba feminista Euskal Herriko bazter guztietara iritsi da

2019-03-08
Milaka pertsona kalera atera dira mugimendu feministak deitutako grebara. Goizeko lehen ordutik piketeak martxan aritu dira eta eguerdian mobilizazio jendetsuak egin dituzte Bilbo, Donostia, Gasteiz eta Iruñean. Horrekin batera, herri guztietan ekimenak antolatu dituzte eta hainbat euskaldetan, manifestazioak. Bertan, goizak emandakoa bildu dugu.
 
bannerra

bannerra