Skip to main content

Gurean Gaur

Llarena babestea erabaki du Madrilek

2018-08-28

Quim Torra Kataluniako Generalitateko presidentea eta Carles Puigdemont
Belgikan batzartu dira, urte politikoari hasiera emateko. Eta Generalitateko presidente ohiak Pedro Sanchez Espainiako presidenteari eskatu dio, beste behin ere, azaltzeko zein den Kataluniarako duen "proiektu politikoa" .

Egutegiari begira, Torra Kataluniako presidenteak zehaztu du "errepublika egitea" izango dela helburu nagusia. Diada eguna, iazko urriaren 1eko erreferendumaren urteurrena eta prozesu subiranistaren judizializazioa izango dira hitzordu nagusiak.

Datorren asteartean, irailaren 4an, Torrak "hitzaldi politiko bat" emango du, independentisten bide orria jakinarazteko. Bitartean, urtea amaitzerako, Bartzelonan Ministroen Kontseilu bat egiteko asmoa dutela jakinarazi du Sanchezek.

Torraren hitzaldi politikoaren egun berean deitu dute deklaratzera Pablo Llarena Espainiako Auzitegi Goreneko epailea, Belgikan. Epaileen hainbat elkarteren eta PPren eta Ciudadanosen presioen ondorioz aldatu du iritzia Madrilek: gobernua ez dela bere funtzioak betetzen ari leporatu baitiote.

Dudarik gabe, independentista katalanen kontrako prozesua izango da datorren udazken-neguetako gertakaririk garrantzitsuena Espainiako politikagintzan, eta PSOEk har dezakeen jarrera moldatzeko saiakerak eta presioak nabarmenak dira dagoeneko oposizioaren eskutik.

PPk eta Ciudadanosek duten norgehiagokan, urrats bat aurrera egin du PPk. Pablo Casadok, Llarena babestu ez ezik, Belgikako auzitegiaren kontra kereila daitekeen aztertzeko ere eskatu dio Espainiako Estatuko Fiskaltza Nagusiari.

Athletic-Huesca, puntu bakarra eta Vallecasera joan gabe

2018-08-28

Athleticek ezin izan zuen Huescaren kontra irabazi. Berdinketa 2-2 amaitu zen, Huescako Ezekiel Avilak 87an sartutako gola dela eta. Horrez gain, Madrilgo erkidegoak eta Rayoko zuzendaritzak hurrengo larunbatean jolastekoa zen Rayo eta Athleticen arteko partida atzeratzea erabaki dute, zelaian abian dauder birmoldaketak direla eta.

Bilbao Basketeko jokalariak, sasoi onean

2018-08-28

Retabet Bilbao Basketeko jokalariek, denboraldiari hasiera ematek, errekonozimendu medikoa pasako dute gaur eta bihar, Zorrotzaurreko IMQ klinikan. Alex Mumbruren mutilak, gaur entrenatzen hasiko dira, Errekaldeko el Fangoko kiroldegian.

Maravillasen hustetik hamar egunera, mundua eraldatzeko prest segitzen du gaztetxeak

2018-08-27

Iruñeko Navarreria kaleko Maravillas gaztetxeko kideen hitzak jasotzeko aukera izan du Hamaika Telebistak, eta desalojo eguneko poliziaren bortizkeria gogor salatu du Saioa Alonsok.

Hustearen egun berean ireki zuten berriz gaztetxea eta Nafarroako Gobernuak huste agindua erretiratzeko erabakia hartu zuen, segurtasun arriskuak argudiatuta. Hortaz, epaileak auzia artxibatu zuen eta goru gobernua ez da bat etorri erabaki horrekin.

EGUNEKOA: abuztuaren 27ko albiste nagusiak

2018-08-27

Pentsiodunek Bilbon egindako asteleheneroko mobilizazioari eta urriaren 1erako iragarri dutenari erreparatu diegu, besteak beste. Horrez gain, Volkswagen Nafarroa enpresan negoziatzen ari diren aldi baterako erregulazio txostenaren ingurukoak ere ekarri ditugu. Baita bihar izango den Eusko Jaurlaritzako lehen gobernu kontseiluaren aurrerapena egin ere.

Athletic-en partidaren esperoan, garaipenik ez euskal taldeentzat

2018-08-27

Alavesek denboraldiko lehen puntua eskuratu zuen Betisen kontra berdindu ostean, Eibarrek aldiz hutsean jarraitzen du Getafen galdu ostean. Realak garaipena eskura izan zuen, Leganesen aurkako lehen zati ona egin ostean, baina, bigarrengoan, madrildarrek norgehiagoka berdintzea lortu zuten. Bestalde, Bigarren mailan, Osasunak Elx-en aurka berdindu zuen.

 
bannerra

bannerra