Skip to main content

Gurean Gaur

Pentsiodunak beste astelehen batez Bilboko udaletxean bildu dira pentsio duinak aldarrikatzeko

2018-08-27

Pentsiodunak Bilboko udaletxearen atarian bildu dira gaur ere. 1080 euroko pentsio unibertsala eskatzeaaz gain, abuztuaren 20ko manifestaldi erraldoiaren balorazioa egin dute. Emakume pentsiodunen egoera hauskorra aho batez azpimarratu dute; bestalde, Aburtok eta telebista publikoak kritika gogorrak jaso dituzte nagusiengandik.

Bilboko Konpartsek Aste Nagusia modu baikorrean baloratu dute

2018-08-27

Bilboko Konpartsek Aste Nagusia modu baikorrean baloratu dute, 500 ekimenetik gora antolatu dituztela nabarmenduz. Baina, puntu beltz nagusitzat, izandako eraso sexistak azpimarratu dituzte. Dagoeneko, konfirmatutako lau kasu daudela adierazi dute, baina federaziotik jakinarazi dutenez eraso gehiago egon dira. Azkenik, udalak, segurtasunaren alorrean, izan duen jarrera kritikatu dute, jaigunea “militarizatu” dutela azalduz. Konpartek, txosnak deseraikitzeari gaur bertan ekin diote.

Aurrekontuei eta Estatus berriari begira hasiko du Jaurlaritzak kurtsoa

2018-08-27

Aurrekontuei dagokienez, egoera aldatu egin da aurreko bi urteekin alderatuta: azken bi urteetan PPren babesarekin atera ditu aurrera aurrekontuak Eusko Jaurlaritzak, eta Espainiako Gobernuak EAJren botoei esker onartu ditu bereak. Orain, baina PSOE dago Moncloan, eta hala izatea babestu zuen EAJk ere, Mariano Rajoy presidente popularraren aurkako zentsura mozioa babestuta. Nolanahi ere PPrekin aurrekontuak negoziatzen saiatzeko asmoa dute jeltzaleek aurten ere. Pedro Azpiazu Ogasun eta Ekonomia sailburuaren arabera, popularrekin ezin badute akordiorik lortu, Elkarrekin Podemosekin edo EH Bildurekin saiatuko dira.

Estatutu berriari dagokionez, berriz, jeltzaleek uda aurretik EH Bildurekin adostu zuten testua autogobernu lantaldean. Baina Aitor Esteban Kongresuko EAJren bozeramaileak onartu du badakitela bi alderdi horien babesarekin bakarrik ezin dutela estatutua aldatu. Horregatik "ideologia desberdinekoen artean" adosten saiatuko direla jakinarazi du. 

Bere arabera, EH Bildu gerturatu da EAJren jarreretara, eta horregaitik izan da posible bien arteko elkar ulertzea. Elkarrekin Podemosi akordioarekin bat egiteko ausardiarik ez izatea egotzi dio, eta PSE-EEri "erabakitzeko" eskatu dio, beti Madrilera begira egoteari utzita.

AtxuriGorri elkarteak instituzioek ematen ez dieten harrera ematen ari die 60 bat migranteri

2018-07-20

Atxuriko saskibaloi kantxa batean egiten dute lo Bilbon babesik gabe dauden 60 migrantek. Instituzioek hiru egunez aterpetxe batean lo egiteko aukera ematen die trantsitoan dauden pertsonak direla argudiatuta. Horren kontra, hainbat elkartek salatu dute horietako askok Bilbon geratzeko intenzioa daukatela eta administrazioak utzitako zuloa betetzen saiatzen dira, gauero produktu freskoak afaria presta dezaten, mantak eta esterillak eskeintzen dizkiete migrateei.

Sakana zeharkatuko du Eskola Ibiltariak

2018-07-20
«Urrats bat marraztuz etorkizunean» lelopean, uztailaren 25etik 28ra Eskola Ibiltaria antolatu du Ikasle Abertzaleak taldeak. 2014.urtean Ziburutik Donostiara egin zuten bidaia eta aurtengoan Sakana zeharkatuko dute, Irurtzunen hasi eta Altsasuraino. Bidean zehar, ikasturtean landutako borroka lokal eta ildo ezberdinak elkar banatu eta horien inguruan hausnartuko dute. Ekimenaren barruan, mendi ibilaldiak, formakuntza saioak, tailer praktikoak eta kontzertuak ere egongo dira. Hiru etapatan banatuko da Eskola Ibiltaria: Irurtzun-Uharte Arakil (Uztailak 25), Uharte Arakil-Etxarri (Uztailak 26) eta Etxarritik Altsasura joango dira uztailaren 27an. Hurrengo egunean, denek batera gosaldu eta goizeko 11etan abiatuko dira beraien etxeetara autobusez. Egun bakoitzean dagokion herrira iritsita, bazkari herrikoiaren ondoren, eduki ezberdinen inguruko hitzaldiak antolatu dituzte, ikasi, eztabaidatu eta hausnartzeko helburuarekin. Arlo teorikoa ez ezik, arlo praktikora bideratutako tailer praktikoak ere prestatu dituzte. Uztailaren 27an, kontzertuak eskainiko dituzte gaueko bederatzietatik aurrera Altsasun. Eskola Ibiltarikobonoak salgai daude Euskal Herriko herri desberdinetan. 4 egunetan parte hartzeak 20 euro balio du eta bestela, parte hartzen den egun bakoitzeko 8 euro ordaindu beharko dira.
PDeCATen barne lehia, independentisten ilusioaren galarazlea

2018-07-20

Astean zehar, Pascalek garrantzia kendu die alderdi barruko ustezko liskarrei eta esan du zenbaitek nahiko luketela subiranismoa zatituta ikusi. 

Diari Jornadako zuzendari Laia Altarribak, ordea, uste du baietz, lehengo Convergencia zenaren espazioa bitan zatituta dagoela: Pascalen eta Puigdemonten aldekoen artean, hain justu. Eta lehia horiek, jendeari ilusioa galarazten diotela.

Aurrera begira, berriz, bi ildotan lan egin beharko dela uste du Altarribak, errepresioari aurka egiteaz gain, proposamen politikoarekin aurrera egin behar dela.

 
bannerra

bannerra