Skip to main content
bannerra

Gurean Gaur

ArgazkiPressetik Fokura, izenetik harago doan aldaketa

2018-03-22

Foku agentziako Jagoba Manterolarekin hitz egin dugu komunikabideen eta ikus-entzunezkoen sektore aldakorrera egokitzeko egin duten urratsaz. Duela 16 urte ArgazkiPress bezala sortu zutena, gaur Foku da. Eta aldaketa, izenetik haragokoa da. Teknologia berriei esker, askoren eskura daude egun argazkigintza eta bideogintza. Horrek ez luke kolokan jarri beharko, ordea, profesionalen lana, jendeak beti nahi eta beharko baititu kalitatezko lanak. 

Presidente izateko babesik gabe, elkarrizketarako deia Turullek Madrili

2018-03-22

Gehiengo osoa behar zuen Jordi Turullek Generalitateko presidente hautatua izateko. Junts Per Catalunyako eta ERCko diputatuen botoez gain, CUPekoenak ere behar zituen, beraz. Baina inbestidurarako urjentziazko bilkura hasi baino minutu batzuk lehenago jakinarazi du CUPek abstentzioaren hautua egin dutela. Ondorioz, Turullek ez du presidente izendatua izateko nahikoa babes lortu.

Edonola ere, mantendu egin dute Parlamenteko bilkura, eta Turullen beraren hitzaldiarekin hasi da gaurko inbestidura saioa. Espetxean edo erabestean diren Kataluniako gobernuko kide kargugabetuak eta ordezkari publiko ohiak gogora ekarri ditu. Turullek elkarrizketa eta negoziazioa eskatu dizkio Madrili, "gobernutik gobernura".

Thierry Biscaryk 'Manez' gisa omendu ditu bere erroak, bakarkako lehen lanean

2018-03-22

Thierry Biscary, Kalakan taldeko Thierry gisa ezagunak, Manez izen artistikoa, aitonaren goitizena hartu du bakarkako ibilbiderako eta Manez eta kobreak diskoa kaleratu berri du. Oso lan intimoa egin du, oso barrutik ateratakoa ahalegindu bere etxeari, bere erroei omenaldi bat egiten. Aurki hasiko da aurkezpen birarekin, zehazki, martxoaren 28an, Bilboko Azkuna Zentroan izango dira, Basque Fest jaialdian. Ondoren Hendaia, Baiona, Iruñea eta, besteak beste, Leioan ere joko dute. Hamaika telebistak Bilbon dagoela baliatu du harekin egoteko.

Denetariko produktu ekologikoak eskuragai Landare Elkartean

2018-03-22

Produktu ekologikoen ekoizpena bai eta kontsumoa ere handitzen ari da azken urteotan. Hori sustatzeko politika publikoak abian jartzen ari dira Nafarroako Gobernua, Nafarroako Nekazal Produkzio Ekologikoaren Kontseilua eta INTIAren arteko elkarlanari esker. Horretan, hain justu, lanean ari da Iruñeko Landare Elkartea 1992az gertoztik Elikagai zen bestelako edozein produktu eskuratzeko aukera dago bertan, guztiak, beti ere, ekologikoak direlarik. David Garnatxo da Landareko kidea eta berarekin izan gara, elkarteak egiten duen lanaren inguruan solasean.

 

Gorenean prozesatu baino lehen inbestitu nahi dute Turull independentistek

2018-03-21

Kataluniako Generalitateko presidentearen inbestidurarako ostegunean urjentziazko plenoa egitea negoziatzen dihardute JxC, ERC eta CUPek. Izan ere, Jordi Turull eta iazko urriaren 1eko erreferendumarekin lotutako beste bost auzipetu prozesatuko ditu ostiralean Pablo Llarena Espainiako Auzitegi Goreneko epaileak. JxCk eta ERCk Jordi Turull Kataluniako presidentetzarako hautagai berria iragarri eta gutxira eman du Llarenak erabakiaren berri.

Irriziklo: Pantxika Lamur, Ainhoa Juaniz aktorearen eskutik

2018-03-21

Irriziklo euskarazko ikuskizunen zikloak 10 urte bete ditu aurten egunotan taularatzen ari diren antzezlanekin. Gaurkoan, Sexijentziak askatuz izeneko lana izanen da ikusgai Nafarroako Antzerki Eskolan arratsaldeko 8etan. Horren ondoren, Pantxika Lemur igoko da oholtzara, Ainhoak Juaniz aktoreak antzeztutakoa. Berarekin, hain justu, izan gara bere pertsonaiaren inguruan solasean.

 

 
bannerra

bannerra