Skip to main content
bannerra

Gurean Gaur

Lauko Gobernua, Patxi Zamoraren kaleratzearen inguruko azalpen eske

2018-01-29

Patxi Zamora Kontuz!-eko bozeramaileak aho bilorik gabe dio bere kaleratzearen atzean arrazoi ideologikoak daudela. Orain 10 egun salatu zuena berretsi du gaur; oraingoan, Nafarroako parlamentuan, eta lauko gobernuak babestuta.

Iberia konpainiako hegazkin zerbitzari gisa lan egin du Kontuz!eko eledunak 31 urtez. Aireportuetako langileek hegazkinetan sartzeko baimen bat behar izaten dute, eta Zamorari azaroaren 22an Guardia Zibilak baimena atzera bota zion, «ezgai» zela ebatzita. Iberia erabakiaren aurka azaldu arren, bere lanpostutik kaleratu du, azkenik.

Kontuz elkarteak «jazarpen ideologikoa» salatu du. Taldearen arabera, Nafarroako Kutxaren inguruan egindako salaketek min handia egin zieten Nafarroan garai hartan agintzen zutenei, eta horietako batzuk «zitalkeriaz eta mendekuz» jokatu dute Zamoraren aurka.

Donostia, Bilbo eta Gasteiz lotuko ditu Gure Esku Dagok erabakitzeko eskubidearen alde

2018-01-29

201,9 kilometro, Gipuzkoa, Bizkaia eta Arabako hiriburuak lotzeko. Kontxatik, Gasteizeko Legebiltzarreraino, erabakitzeko eskubidearen alde. Hori da Gure Esku Dagok ekainaren 10ean egin nahi duen erronka. Giza katea, Euskal Herrian inoiz egin den mobilizaziorik handienetakoa izatea nahi dute.

ASTEKO KRONIKA: Cabacas auzian akusatuen aulkira, kazetari eta abokatuak

2018-01-26

Cabacas Auziari lotutako epaiketa egin dute Bilboko Auzitegian. Epaituko dutena ez da arduradun politikoa, ezta Iñigo Cabacas hil zuten egunean Ertzaintzaren lana koordinatu zuen eta "Ugarteko" ezizenez ezagutzen dugun ertzaina ere: GARA egunkariko Iñaki Soto eta Iñaki Iriondo eta Jone Goirizelaia abokatua dira epaitu dituztenak.

Abian da Ikusi eta Ikasi ikuskizun zikloa

2018-01-26

Urtarrilaren 20tik apirailaren 20ra bitartean, Bilbon, 2 eta 8 urteko umeek gozatzeko parada ezin hobea izango dute "Ikusi eta Ikasi"-ren eskutik. Euskara Elkarteen Federazioak eta Topaguneak antolatuta, orotara, haurrentzako 66 ikuskizun burutuko dira.

Ikastolen eredua Koldo Tellituren eskutik

2018-01-26

Matrikulazio kanpainan sartuta gauden honetan, Irati Elizalde eta Ilargi Aristondo lankideak, Euskal Herriko Ikastolen Elkarteko presidente den Koldo Telliturekin egon gara. Berak, Ikastolen eredua balioan jartzeaz gain, proiektu pedagogiko eta erdaltzaileak azpimarratu ditu.

GUREAN GAUR: Gure Esku Dagok mobilizazio erraldoia iragarriko du

2018-01-26

Erabakitzeko eskubidearen aldeko mugimenduak, Iñigo Urkullu EAEko lehendakariarekin bilera egin du. Topaketa, 2018ko ekainean egitekoak diren ekimen masiboaren aurretik izan da.

 
bannerra

bannerra