Skip to main content

Gurean Gaur

"Gure historia osatzeko, gatazkaren atzeko gizon-emakumeen izenak jasotzen ari gara"

2018-04-20

Euskal Memoria fundazioak jaso du ibilbidearen Elkar saria eta fundazioak egiten duen transmisio lana nabarmendu du Elkarrek aitortza horrekin. Zehazki, burujabetza ahalegina eta transmisioan egindako lana nabarmendu ditu Elkarrek. Sariaren harira, Iñaki Egañarekin hitz egin dugu 2009an sortutako fundazioak egin duen eta egin asmo duen ibilbideaz.

Productos Tubulares-eko langileek greba bertan behera utzi dute

2018-04-19

Enpresak Lan Erregulazio Txostena atzera bota ostean, beharginek 43 egun iraun dituen greba mugagabeari amaiera eman diote. Atzoko asanbladaren ostean, gaurko bozketan 288 langilek bat egin dute protestaren etetearekin. Langileen ordezkariak enpresarekin bilduko dira astelehenean.

Osakidetzako langilegoaren kudeaketarekiko ezinegona azaldu dute sindikatuek

2018-04-19

“Emergentziak, negozizazioa orain”, lemapean Osakidetzako emergentzia langileak eta  ELA, CCOO, LAB, SATSE, ESK, SME eta UGT sindikatuak elkarrateratzea egin dutea gaur Bilboko Osasun sailaren aurrean,  plantillaren gestio zerbitzu kudeaketarekin daukaten ezinegona salatzeko, eta Jaurlaritzari negoziazio prozesuari bultzada bat eman dezan erreklamatzeko.

Langileek azaldu dutenez, “ larrialdietako zuzendaritzak, erabaki desberdinak hartzen ari dira langilegoaren iritzia kontutan hartu barik , ezta sindikatuekin akordioarik hartu barik”.

Spectorowskiren baieztapena: ETAren amaiera, maiatzeko lehen asteburuan

2018-04-19

Alberto Spektorowski HNT Harremanetarako Nazioarteko Taldeko kideak adierazi du ETA erakundeak bere ibilbideari amaiera emango diola maiatzeko lehen asteburuan, "ez bada azken orduko ezustekorik". Hala, baieztatu egin du asteazkenean EITBk aurreratutako albistea.

Spektorowskiren esanetan, ETAren adierazpena "oso argia" izango da, eta "ez dio inori zalantzarik utziko" haren ibilbidearen bukaerari buruz.

Bien bitartean, Bake Bideak eta Foro Sozialak iragarri dute "ETAren desmobilizazio prozesuari buruzko datu garrantzitsuak" emango dituztela astelehen arratsaldean Baionan egingo duten prentsaurrekoan.

Iñigo Urkullu Eusko Jaurlaritzako lehendakariak ez du adierazpenik egin nahi izan ETAren ibilbidearen amaierari buruz. Eusko Legebiltzarreko korridoreetan, kazetarien galderei erantzunez, esaldi bakarra eskaini dio gaiari.

Jaurlaritzako Giza Eskubide eta Elkarbizitza zuzendari Jonan Fernandezek, berriz, adierazi du ETAren amaiera baieztatuko balitz, "albiste oso ona" litzatekeela.

Nafarroako Gobernuko bozeramaile Maria Solanak nabarmendu du ETAren amaierak "behin betikoa, egiazkoa eta aldebakarrekoa" izan behar duela.

EGUNEKOA: apirilaren 19ko albiste nagusiak

2018-04-19

Productos Tubulareseko langileek greba bertan behera uzteko hartutako erabakiari, Frantziako Gobernuaren erreformen aurka Angelun egindako protestei zein UEMAk eta .EUS fundazioak sinatutako hitzarmenari erreparatu diegu gizarte gaietan. ETA erakundearen amaiera maiatzeko lehen asteburuan etorriko denaren iragarpena eta Kuban Miguel Diaz-Canel presidente izendatu izana ere jaso ditugu. Baita kultura eta kirol arloko zenbait kontu ere.

"Lan- bizi- herri duina, burujabetza ezkerretik", LAB-en aldarria maiatzaren 1-erako

2018-04-19

LAB sindikatuak agerraldia egin du gaur Bilbon Maiatzaren bateko mobilizazioak deitzeko. Lan- bizi- herri duina, burujabetza ezkerretik lelopean, manifestaldiak deitu dituzte Euskal Autonomia Erkidegoan, Nafarroan eta Iparralden.

 
bannerra

bannerra