Skip to main content
bannerra

Gurean Gaur

Uztaila eta abuzturako mobilizazioak iragarri ditu G7 EZ! plataformak

2019-07-10
Iazko azaroan sortu zen G7 gailurraren kontrako mugimendua eta ordutik hasi baino ez da egin. Horren adierazle izan da gaur goizean Irungo Ficoba erakustazokan G7 EZ plataformak egin duen agerraldia. Egun plataforma osatzen duten 49 elkarte, sindikatu eta mugimendu politikoetako ordezkariek «atxikimendu gehiago biltzeko asmoa» dutela iragarri dute, «ez soilik Euskal Herrian, baita Estatu frantsesean eta mundu mailan ere».Gailurrak suposatuko duen diru xahuketa «gehiegizkoa» eta okupazio poliziala ere gaitzetsi dituzte, eta zentzu horretan, hiritarrak haien desadostasuna agertzera deitu dituzte. Uztailaren 13an egingo dute lehen mobilizazio esanguratsua Biarritzen. Bigarren mobilizazio garrantzitsua abuztuaren 19 eta 23 bitartean gauzatuko da Hendaia eta Irun artean, hain zuzen ere G7 gailurra egin aurretiko egunetan. Eremu desberdinetan antolatuko dituzten ekimen anitzekin «Alternatiben lurraldea» irudikatuko dute. Abuztuaren 21, 22, eta 23an, Irunen eta Hendaian ekimen desberdinak izango dira, hala nola, hitzaldiak, ekitaldi kulturalak, merkatu sustatzaileak, eta abar. Abuztuaren 24ean, G7 gailurra hasten den egunean, Manifestazioa izango da Hendaian. Goizeko 11:30etan Abuztuaren 25ean, ostera, «desobedinetzia zibil masiboa» egiteko deia luzatu dute. Horrela, Angelu, Baiona eta Biarritzeko zazpi eremutan, «kolore anitzeko» guneak eraikiko dituzte.
Izaro Lestayo, ARC ligan jokatzen duen lehen emakumea

2019-07-10
Izaro Lastayo Getariako Arraun Taldeko patroia da. Gizonezkoen ARC ligako Getarian patroi lanak egiten dituen lehen emakumea da. Berarekin hitz egin dugu arraunaz, eta kiorl horretan oraindik gizonen eta emakumeen artean dauden ezberdintasunez.
Nekane Arzallus Donostiako Udaleko hirigintza zinegotziaren agerraldia eskatu du EH Bilduk

2019-07-10
Nekane Arzallus Donostiako Udaleko hirigintza zinegotziaren agerraldia eskatu du EH Bilduk, Belartza II eremuan Donostiako Udalak egindako kudeaketari buruzko azalpenak eman ditzan. Auzitegiek obrak egin ahal izateko Donostiako Udalak emandako baimenak legez kanpokoak direla ebatzi ondoren eskatu du agerraldia EH Bilduk.
47 deliturengatik auziperatu dute Kote Cabezudo argazkilaria

2019-07-10
Donostiako 4. instrukzio epaitegiak itxi du argazkilariaren aurkako auzi nagusiaren instrukzioa, 21 emakumeren salaketagatik hasi zena 2013an eta 47 delitu leporatuta epaituko dute 2018 maiatzetik espetxean dagoen Cabezudo. Horietako lau, askatasun sexualaren aurkakoak.
Bilboko Udalak harrera egin die hirira uda pasatzera etorri diren Saharako eta Europa ekialdeko haurrei

2019-07-10
48 adin txikiko etorri dira aurten eta magia ikuskizun batekin egin diete ongi etorria. Tindoufeko saharrarren errefuxiatu kanpalekuetatik eta Ukraina, Errusia eta Bielorrusiako umezurztegi eta familia behartsuetatik etorri dira neska-mutikoak. Eskertuta agertu dira haurrak eta baita haiekin etorri diren elkarteetako ordezkariak ere.
Urtea hasi denetik 27 langile hil dira lan istripuetan Euskal Herrian

2019-07-10
Urtea hasi denetik 27 langile hil dira beraien lanpostuetan Euskal Herrian. Astelehenean Irunberrin gertaturiko lan-istripu hilgarria gaitzetsi dute zenbait sindikatuk Josenea Lan Elkartea enpresaren parean.
 
bannerra

bannerra