Skip to main content
bannerra

Gurean Gaur

Baskonia, berdinketaren bila

2018-06-19

Norgehiagoka erabakigarria Gasteizen. Baskoniak garaipena lortu behar du kanporaketa berdindu eta finaleko bosgarren partida behartzeko. Pedro Martinezen jokalariak ahalegin handia egin beharko dute Real Madril gainditzeko baina zaletuak itxaropentsu azaldu dira. Pablo Lasoren taldeak, Luca Doncic buru duela, titulua gaur bertan eskuratu nahi du.

World's 50 Best Restaurants sariak Bilbora iritsi dira

2018-06-19

Gastronomiaren "Oscar" sariak deiturikoak Bilbon banatuko dira bere aurtengo edizioan. Aurrekoetan London, New York eta Melbourne hirietan ospatu ostean, oraingoan Bilbon erabakiko da zeintzuk diren munduko 50 jatetxerik onenak.

Murguia Yeick eta Oruntz, artzai-txakurrik onenak Arrietan

2018-06-19
Artzai-txakurrak izan ziren protagonista larunbat eta igandean Arrietan. Bertan ospatu zen Udalak antolatutako artzai-txakurren txapelketaren hirugarren edizioa. Aurtengo froga, gainera, Espainiako txapelketarako puntuagarria izan da eta antolatzaileek adierazi dutenez, Europa mailara begira jarri dira dagoeneko. Oscar Murguia zen faborito eta ondo erantzun du arabarrak, izan ere, larunbatean lehengo bi postuak lortu zituen bi txakur ezberdinekin eta podium-a bera bakarrik bete zuen igandean hiru txakurrekin. Aurreneko biak, Murguia Yeick eta Oruntz izenekoak.
Euskara eta Ikastolen alde, milaka lagun elkartu ziren Argantzunen

2018-06-18

"Irrikitan" lemapean, Arabako Ikastolek euren urteroko festa ospatu zuten Argantzunen. Hirugarren aldia zen eta aurtengoan ere milaka lagunek bat egin zuten Trebiñun euskara indartzearen aldarriarekin.

Mexikoren aurkako porrotak kritika gogorrak eragin ditu Alemanian

2018-06-18

Duela lau urteko txapeldunek, Suedia eta Hego Korea gainditu beharko dituzte final zortzirenetako txartela eskuratzeko. Brasilen titulua irabazi zutenetik, Lahm-ek, Mertesacker-ek, Schweinsteiger-ek, Podolskik eta Klosek taldea utzi dute. Horrekin batera, Joachim Löw hautatzaileak Leroy Sané gaztea deialditik kanpo utzi du. Horrekin batera, mexikarren aurkako norgehiagokan Gundogan edo Goretzka bezalako jokalariak ez zelairatu izana komentario ugari eragin ditu. Beñat Zarrabeitia lankidearen kronika Berlinetik.

Gurutze Gorria arduratuko da Donostiara iritsi diren migranteez

2018-06-18

Goiza geltokian pasatu dute eta ondoren Gurutze Gorria egin da haien kargu: janaria eman eta ostatua bideratuko dietela jakinarazi dute. Ondoren, banakako balorazioa egin eta baliabiderik egokienak eskuragai jarriko omen dizkiete.

Ba, hain justu, CEAR Euskadik datuak eman ditu eta esan du iaz ia 1.000 lagunek eskatu zutela asiloa EAEn.

Zehazki, 2017an 970 lagun inguruk eskatu zuten asiloa Araban, Bizkaian eta Gipuzkoan. 2016an zenbatutako kopuruaren bikoitza litzateke hori. CEAR Euskadik eman du datua, urteko txostena aurkeztearekin batera. Errefuxiatuei babes ematen dien erakundeak ohartarazi du baliabide guztiak erabiltzen ari direla errefuxiatuen krisiari erantzuteko: eta sistema kolapsatuta dagoela, eta baliabide gehiago behar dutela.

 
bannerra

bannerra