Skip to main content

Gurean Gaur

Dimisioa eman du Urizarrek, "ziklo politiko baten amaierara iritsi delako"

2019-06-25
Ziklo politiko baten amaierari irtsi delako hartu du dimisioa aurkezteko erabakia Pello Urizar, orain arte Eusko Alkartasunako idazkari nagusi izan denak. Astelehen arratsaldean eman zuen Urizarren dimisioaren berri alderdiak, eta astearte goizean azaldu ditu erabaki hori hartzeko arrazoiak Urizarrek berta.
Altzoko Handia, istoriotik historiara

2019-06-25
Altzoko Handia, ‘Euskaldun mitiko bat (nahiz guztiz erreala) XIX.mendeko Europan’ liburua aurkeztu dute Koldo Mitxelena Kultur etxean. Luis Angel Sanchez madrildarrak idatzi du liburua; historian doktorea eta antropologiako irakaslea da bera. Idazleak pertsonaiaren inguruan eraiki diren mitoak eta kondairak alde batera utzi, eta Migel Joakin Elizegi altzoarrak bizi eta pairatu behar izan zuena azaldu du liburuan. XIX.mendearen erdialdean, Europan bizi izan zen erraldoirik ezagunena aztertu dute liburuan. ‘Altzoko Handia’ ezizena jarri zioten Migel Joakin Elizegi Ateagari , eta 1818tik 1861.urtera arte bizi izan zen. Ez dago argi zenbat neurtzen zuen, baina Sanchezek adierazi du 2,42 metrorainoko altuera izan zuela. Euskal Herrian orain arte izandako pertsonarik altuena da, nahiz eta nazioartean badiren handiagoak ere. Altuera horren zergatik azaldu ditu Sanchezek liburuaren aurkezpenean. "Hipofisian tumor bat zuen, tumor onbera bat. Tumor horrek zapaldu egiten zion hipofisia, eta hazkunde hormona asko sorrarazten zizkion horrek".
Nafarroako Gobernua osatzeko txostena aurkeztu die PSNk Geroa Bai, Podemos eta IE-ri

2019-06-25
Nafarroako gobernu itunerako zirriborroa aurkeztu zien atzokoan PSNk, Geroa Bai, Podemos eta Izquierda Ezkerrari. Ez zen ordea Euskal Herria bilduren babesaz hitz egin. Gaurkoan parlamentuko eledunen batzordea batu da lehendabiziko aldiz eta bertan adostuta, Parlamentuko mahaia zabaltzea posible ote den aztertuko dute Parlamentuko zerbitzu juridikoek. Gobernua osatzeko negoziazioei dagokienez, Euskal Herria Bilduko Adolfo Araizek zuzeneko bitartekaritza eskatu dio PSNri koalizoarekiko.
"Sei Stolpersteine, sei barakaldarrentzat"

2019-06-25
Jagoba Alvarez Alazne ikastetxeko historia irakaslea da. DBHko laugarren mailako bere ikasleekin bigarren mundu gerra lantzerakoan, liburuetatik harago eraman nahi izan du gaia. Espainiako Kultura Ministerioaren datu baseetan arakatu eta nazien kontzentrazio esparruetara bidalitako 6 Barakaldar topatu zituen eta horien inguruan ikertzera gonbidatu zituen ikasleak. Ikasturtean zehar gaia landu ostean, klasetik atera eta herriarekin partekatzeko intentzioa dute orain. Gunter Demning artistaren sei Stolpersteine instalatzeko eskatu diote Barakaldoko udalari, nazismoak atxilotu eta torturatutako sei barakaldarren omenez.
Eusko Legebiltzarreko Ikerketa Batzordeak administrazioaren "kudeaketa traketsa" azpimarratu du eskola jangelen auzian

2019-06-25
Eskola jangelen auzia aztertzeko Eusko Legebiltzarrean sortutako batzordea bildu da gaur. Araba, Bizkaia eta Gipuzkoako eskola publikoetako jangeletan zerbitzua eman izan duten katering enpresen auzia aztertu dute. 2003-2015 urteen artean Eusko Jaurlaritzak “kudekaeta traketsa” egin zuela jasotzen du batzordeak egin duen txostenak. 2016an, jada, agintaritzak frogatutzat jo zuen zortzi enpresek “merkatua banatu” zutela. Honen balorazioa egin du Eh Bilduko Larraitz Ugartek, administrazioak utzikeriaz eta prepotentziaz jokatu duela adierazi du.
Autobus gidariek elkarretaratzea deitu dute lan baldintza duinak eskatzeko

2019-06-25
Autobus gidarien kolektiboak errepideko garraioaren patronalak negoziazioa blokeatu duela salatzeko elkarretaratzea egin du. Egoeraren bidegabetasuna salatu dute eta takografoa lehen kilometrotik abiaraztea eskatu dute.
 
bannerra

bannerra