Skip to main content

Gurean Gaur

Autobus gidariek elkarretaratzea deitu dute lan baldintza duinak eskatzeko

2019-06-25
Autobus gidarien kolektiboak errepideko garraioaren patronalak negoziazioa blokeatu duela salatzeko elkarretaratzea egin du. Egoeraren bidegabetasuna salatu dute eta takografoa lehen kilometrotik abiaraztea eskatu dute.
Bost urte bete ditu .eus domeinuak

2019-06-25
Adierazi dute bost urteko ibilbidea eginda domeinua sendotu egin dela eta 10.000 erabiltzaile gainditzetik gertu dagoela. Nabarmendu nahi izan dute, .eus domeinua dela euskaldunak interneten konektatzen eta bereizten dituen marka. Honen erakusgarri Bilboko metroan jarri duten pantaila interaktiboa. Iñaki Goirizelaia PuntuEUS Fundazioko lehendakariak azaldu du bost urtetan oztopoak izan dituztela, baina epe ertainean Euskal Herrian, hirugarren domeinu erabiliena izan nahi dutela. Ostegunean, urteurreneko ospakizun-ekitaldia antolatu du PuntuEUS Fundazioak Bilboko Kafe Antzokian. 5 urte hauetako ibilbidea baloratuko dute bertan.
Elkanoren mundu-bira musikara ekarria

2019-06-24
Euskal Barrokensemble musika taldeak Elkano eta euskal nabigazioa ardatz dituen CD-liburu bikoitza aurkeztu du Donostiako Euskal itsas museoan. Marinel getariarrak munduari emandako lehen birari buruzko proiektu hau bi urteko ikerketa lanaren emaitza dela adierazi du Bingen Zupiria Eusko Jaurlaritzako Kultura sailburuak. Sorkuntza-lan honen bidez, Elkanoren bidaia eta garai hartan munduko hainbat txokotan egiten zen musika uztartu eta gaur egungo entzuleari helarazi nahi izan zaizkiola adierazi du sailburuak.
EH Bilduk jarrera irekia mantenduko du Euskal Autonomia Erkidegoko aurrekontuetan

2019-06-24
Euskal Autonimia Erkidegoko aurrekontuen negoziaketen aurrean jarrera irekia mantentzen duela iragarri du EH Bilduk. Maddalen Iriarte, soberanisten gasteizko legebiltzarreko bozeramaileak adierazi du orain arte erakutsi duten akordiorako borondate berberarekin ekingo dietela Jaurlaritzarekin 2020ko aurrekontuari buruz egitekoak diren bilerei. Iriartek azpimarratu du akordioetarako prest egoteak ez duela esan nahi Urkulluren exekutiboak dioenarekin itsu-itsuan bat egingo dutenik, eta EAJ EH Bildurekiko mantentzen ari den jarrera erasokorra salatu du. Asteazken honetan, ekainaren 26an ekingo dio Pedro Azpiazu, Euskal Autonomia Erkidegoko ekonomia eta ogasun sailburuak, aurrekontuak negoziatzeko bilera errondari. Lehen egun horretan PP eta Elkarrekin Podemosekin bildu ondoren, uztailaren 2an, datorren asteartean egingo du bilera sailburuak EH Bilduko ordezkariekin.
7.000 pertsona bildu ditu Muskizeko suzirien jeitsierak

2019-06-24
Euskal Herri osoan zehar ospatzen den San Juan gau xarmagarriak garrantzi berezia du Muskiz-en. Bizkaian, herri horretakoa da ospakizun garrantzitsuenetakoa duen erakargarritasun eta ikusgarritasunagatik. Urtero urtero milaka pertsonek egiten dute bat, suziriak eskuetan elkarrekin egiteko tren geltokitik sanjoandarako bidea, bertan, guztien artean su erraldoia osatzen dute udako solsitizioa ospatzeko.
BBK Mendi Film Bilbao Bizkaia izena hartuko du aurrerantzean Mendi Film Festivalak

2019-06-24
Mendi Film festival jaialdiaren 12. Edizioa aurkeztu dute Bilbon. Bilboko Udalarekin, Bizkaiko Foru Aldundiarekin eta BBK Fundazioaren sinatutako akordioa medio, izen berria hartu du jaialdiak, BBK Mendi Film Bilbao Bizkaia. Jaialdia abenduaren 6tik 15era ospatuko da aurtengo edizioa eta jaialdiak ematen duen WOP sariaren irabazleak Romano Benet eta Nives Meroi alpinistak izango direla aurreratu du antolakuntzak.
 
bannerra

bannerra