Skip to main content

Gurean Gaur

Futbol&Reggae arrazakeriaren kontrako 3. mundialito mixtoa ospatuko da Bilbon Irailaren 1an

2018-08-30

Bilbo Reggae Skins eta beste hainbat elkartek arrazakeriaren aurkako 3. mundialito mixtoa antolatu dute Bilboko Santutxu auzoan, irailaren 1ean. Futbol&Reggae izenpean, musikak, kirolak, elkartasunak eta aldarrikapenak bat egingo dute hirugarren urtez jarraian, aurtengoan, antolatzaileen hitzetan, are handiagoa izango den ospakizunean.

EGUNEKOA: abuztuaren 29ko albiste nagusiak

2018-08-29

Fernando Grande-Marlaska Espainiako Barne ministroak euskal presoen gerturatzeaz esandakoei erreparatu diegu arlo politikoan. Gizarte gaietan, berriz, lan gatazkak, industria planak eta indarkeria matxista izan ditugu hizpide. Kultura albisteak eta kirol arlokoak ere jaso ditugu. Besteak beste, Real Sociedadeko Imanol Agirretxe futbolariaren erretiro iragarpena.

Edurne Egino Iruñeko zinegotziak dimisioa eman du Udal Gobernu Batzordean

2018-08-29

Ezkerrako zinegotziak, gainera, dimisioa aurkeztu du Arrosadia eta Azpilagaña auzoetako zinegotzi-ordezkari gisa ere eta ez du Iruñeko Udal Gobernua ordeztuko, orain arte egin duen bezala, Nafarroako Gobernuko hainbat zentrutan.

ImaGOLen agurra

2018-08-29
2005ean egin zuen debuta Realeko lehen taldearekin. Ondorengo urteetan Real B eta Castellon taldeetatik pasa ondoren, 2008-2009 denboraldian Realaren lehen taldean gelditu zen. Lehen mailara igotzeko gakoetako bat izan zen denboraldi hartan eta orduz geroztik bere garrantzia handitzen joan da taldean. Erasoan titular izateko hainbat jokalari fitxatu ditu Realak azken urteetan, baina Agirretxe izan da beti jokalaririk erabakigarriena. Aurrelari sendo eta gogorra izanagatik, oinetan duen kalitateak futbol zale asko harritu ditu eta ahaztezinak diren gol asko utzi ditu usurbildarrak. Baina soilik batekin geratzekotan, iaz Holandan jokatutako lagunartekoan buruz sartutako gola nabarmendu du, denbora luzez jokatu gabe egon ondoren, oso berezia izan zelako. Zubietako gimnasioan egindako agerraldian azaldu ditu bere agurraren arrazoiak. Lehengo astean entrenatzen ari zela eskuineko izterra lesionatzea erabakigarria izan dela adierazi du.Erretiroa hartu arren, "atzera begiratu eta gauza on asko ikusten dituelako "egun zoriontsua" dela adierazi du Agirretxek. Xabi Prietok, Carlos Martinezek eta Agirretxek utzi dute taldea denbora gutxian, baina gazteak indartsu daudela eta etorkizunari begira lasai egoteko arrazoiak daudela adierazi du usurbildarrak. Klubarekin lotuta jarraituko duela azaldu du Jokin Aperribay presidenteak, harrobiarekin lotutako lanen bat egingo duela aurreratuz. Irailaren 15ean Bartzelonaren aurkako neurketan, merezitako omenaldia jasoko du Anoetan eta entitate txuri-urdinaren Urre eta Brillantezko Intsignia jasoko du. Zelai berria estreinatzen den egun berean, taldeko jokalari maitatuenari agur esan beharko diote zaleek. Emozioz betetako eguna izango da, baina agur lasai esateko arrazoiak baditu, bere golak eta bere ospakizunetako hegazkina Realaren sinbolo izatea lortu baitu Imanol Agirretxek.
Koldo Mitxelenaren eraberritzea, Lasarte eta Astigarraga arkitektoen esku

2018-08-29

Kulturunearen egiturari eta identitateari errespetu handienez eutsi dien proposamena aurkeztu dute arkitektoek epaimahaiaren iritziz, espazioen komunikazioak eta moldakortasuna ondoren konpontzen dituena.

Getxo Folken 34. edizioa irailaren 13tik 16ra bitartean izango da

2018-08-29

Getxo Folkek bere 34. edizioa ospatuko du. Irailaren 13tik 16ra, Getxo herri musika eta kulturaz bustiko da. Kontzertuak Areetako metro plazan izango dira;  Ibaiondo kaleak GKE-en salmenta postuak eta Erromoko Santa Eugenia plazan “munduko terraza” jarriko dira. Kontzertu nagusiak Korrontzi, Eleftheria Arvanitaki, Fairport Convention eta Txarango izango dira, azken hauek publiko gaztea erakartzeko askoz.

 

 
bannerra

bannerra