Skip to main content

Gurean Gaur

Neurri zehatzak hartzeko eta sistema osoki eraldatzeko eskatu du mugimendu feministak

2018-11-21
Euskal Herriko mugimendu feministako ordezkariek adierazi dute "nazkatuta" daudela indarkeria matxistarekin. Horri aurre egiteko baliabide gehiago jartzeko eta minutuko isilune gutxiago egiteko eskatu diete erakunde publikoei. Sistema judiziala ere patriarkala dela salatu dute, eta babestu ordez, emakumeak epaitu egiten dituela. Hargatik, instituzioetatik eta botere legegile zein judizialetik zeharkakotasunez lan egitea ezinbestekoa dela nabarmendu dute.
"Justizia matxista eta patriarkalaren" aurkako ekintza egin du Ernaik Bilboko epaitegian

2018-11-21
Justiziaren izaera patriarkala eta matxista salatzeko protesta egin du Ernaik Bilboko epaitegiaren aurrean. Kide gehienak ate nagusira kateatu egin dira eta beste bik margo gorria bota euren buruen gainean. Ekintza honen bitartez, “patriarkatuak milaka aurpegi dituela” salatu nahi izan dute eta adierazitakoaren arabera, "sarri, biktimizatu egiten gaituzte epaileek; bestetan, jasandako erasoaren erantzule egiten gaituzte, eta erasotzaileak babesten dituzte. Behin eta berriz esan digu ez gintuela sinesten gu babestea beste eginkizunik behar ez lukeen epaitegiak" Egunerokoan presente egon beharreko auzia dela nabarmenduz, Ernaik azaroaren 25ko mobilizazioetan parte hartzera deitu du.
Emakumea eta ideologia diktadura frankistan

2018-11-21
Emakumea eta ideologia diktadura frankistan’ izenburuko liburua aurkeztu dute Iruñean. Historian doktore den Gemma Piérola da liburuaren egilea eta Pamiela argitaletxeak argitaratu du lana. Liburuak 36ko gerraren osteko emakumeen bizitza hartzen du hizpide. Piérolak azaldu duenez, emakume horien errealitatea ezagutarazi nahi izan du liburuaren bidez.
Brouard eta Muguruzaren kasuetan "eragindako mina eta krimenen ardura bere gain hartzeko" eskatu dio Ezker Abertzaleak PSOE-ri

2018-11-21
Ezker Abertzaleak Santi Brouard eta Josu Muguruza gogoratu zituen euren hilketen urteurrenean. Buruzagi politikoen lanak, izaerak eta ondare humano zein politikoak etorkizunerako haziak direla nabarmendu zuten. Horiek horrela, PSOE-ri eragindako mina aitortu eta krimen hauetan izandako ardura bere gain hartu dezala exijitu zion Sortuk. Muguruza eta Brouard-en hilketetatik hiru hamarkada igaro direnean, ezker abertzaleak “bertan jarraitzen duela, zutik askatasun sozial eta nazionala eskuratzeko” prest dagoela aldarrikatu zuen.
Mastodon.eus, euskaldunak munduarekin harremanetan jarri nahi duen sare sozial askea

2018-11-21
Mastodon sare sozialaren barnean mastodon.eus instantzia aurkeztu dute hainbat erakundek. Mikroblogintza sare bat da, Twiterren antzekoa, erabiltzeko erari dagokionez. Hala ere, ezberdintasuna garrantzitsuak ditu, helburu komertzialik gabeko tresna da, publizitaterik gabea eta menpekotasuna sortzeko teknikarik gabea, esaterako.
Enplegu arloan gerturatuta, aurrekontuetarako negoziatzen segituko dute Jaurlaritzak eta EH Bilduk

2018-11-20

2019ko EAEko aurrekontuetarako negoziatzen jarraitzeko konpromisoa hartu dute Eusko Jaurlaritzak eta EH Bilduk. Astearte eguerdian bildu dira koaliziokoak Jaurlaritzako Ogasun saileko ordezkariekin eta bi aldeek onartu dute gerturatzeko borondatea.

Oposizioko gainerako alderdiek aurreratu dute ezezko botoa emango diotela Jaurlaritzaren aurrekontu proiektuari, baina EH Bilduk prest agertu da aurrekontuak ahalbidetzeko, bi abstentziorekin. Baldintzak jarrita, hori bai: pentsioen inguruan eta enplegu politikan. Hain justu, bigarren horretan gerturatzea egon dela onartu dute Pedro Azpiazu Ekonomia eta Ogasun sailburuak eta Maddalen Iriarte EH Bilduko legebiltzarkideak.

Pentsioen gaian gerturatzea falta bada ere, EH Bilduk ahalegina egiten jarraituko duela ziurtatu du. Joan den ostiraleko bilkuran Jaurlaritzak proposatutako diru kopuruak ez zaizkielako "nahikoak" iruditzen pentsiodunen beharrei erantzuteko. Eta behar horiei ez erantzutea ezin dela ulertu nabarmendu du Iriartek. Azpiazuk, bere aldetik, aurrekontuak aurrera ateratzeko babesa lortzeko eta akordiorako prestasun osoa duela ziurtatu du. Josu Erkoreka Eusko Jaurlaritzako bozeramaileak, berriz, aurrekonturik ez izatearen kostu sozial eta ekonomikoaz pentsatzeko eskatu die oposizioko alderdiei.

 
bannerra

bannerra