Skip to main content

Gurean Gaur

EGUNEKOA: politika eta gizarte albiste nagusien bilduma

2018-10-22
Iñigo Urkullu Eusko Jaurlaritzako lehendakariaren eta Pablo Iglesias Podemoseko idazkari nagusiari bilkurari, 'Cabacas auziari' eta EH Bilduk torturarekin lotura duten polizien kondekorazioez egindako salaketari erreparatu diegu gai politikoetan. Gizarte arloan, berriz, pentsiodunen aldarrikapenak eta sexu bidezko infekzioen prebentziorako Nafarroan abiarazitako kanpaina hartu ditugu hizpide.
Sexu-transmisiozko infekzioen kasu kopurua jaisteko kanpaina jarriko du abian Nafarroako Gobernuak

2018-10-22
Sexu-transmisiozko infekzioen prebentziorako kanpaina abian jarriko du Nafarroako Gobernuak, azken hamar urteotan izandako hazkundeari aurre egiteko helburuarekin. Kanpainaren helburu nagusiak dira informatzea eta sentsibilizatzea, preserbatiboaren erabilera balioan jartzea, sexualitatearen bizipen atsegingarria sustatzea eta infekzio zein nahi gabeko haurduntze kopuruen gorako joera aldaraztea.
Torturatzaileei dominak kentzeko eta biktima guztiak erreparatzeko eskatu du EH Bilduk

2018-10-22

EH Bilduk salatu du dominak mantentzen dituztela tortura kasu latzekin lotutako “gutxienez” ehun bat poliziak. Datu hori Espainian frankismo garaitik hona saritu diren torturatzaileen zerrenda osatuta ondorioztatu du koalizioak. Eta Marian Beitialarrangoitia diputatuak Espainiako Gobernuari eskatu dio ken ditzala torturekin zerikusia duten kondekorazio guztiak eta aitor dezala torturaren errealitatea.

Polizien bahiketa, tortura eta hilketen senideen biktimekin batera egindako agerraldi batean egin du salaketa EH Bilduk. Informazio bilketa eta ikerketa eginda, frogatutzat jo dute tortura “praktika ohikoa” izan dela denbora luzean, eta Espainiak inplikatutakoak babestu dituela, kondekorazioa, indultua edota goi karguetara mugitzea eskainita.

Adibide gisara aipatu dute Sebastian Sotos Garciaren kasua ere: Espainiak bost aldiz saritua Jose Mari Larretxea Goñiren bahiketa saiakeran parte hartzea leporatuta. Gobernuburu guztiek saritu zuten gerora: Felipe Gonzalezek, Jose Maria Aznarrek, Jose Luis Rodriguez Zapaterok eta Mariano Rajoyk.

Azken asteotan, zeresana eman du ‘Billy el Niño’ goitizenez ezagun egindako poliziari domina kentzeko erabakiak. Beitialarrangoitiaren hitzetan, albiste ona da baina ez da nahikoa.

Are gehiago, salatu du Kepa Urraren torturatzaile Manuel Sanchez Corbi koronel ohiari Espainiako Gobernuak berriki eman dion domina. Hori dela eta, EH Bilduk Espainiako gobernuari exijitu dio ken diezaiela kondekorazioa guztiei eta biktima guztien erreparaziorako eskubidea aldarrikatu du Beitialarrangoitiak.

Balmasedan San Severino jaietan euskaraldiaren alde dantza egin dute

2018-10-21
Euskaraldiari hasie emateko hilabete bat faltan, eta San Severino jaietan Balmasedako herria murgilduta egonik, aitzakia ederra topatu dute Balmasedako batzordeak euskaraldiaren alde dantzan egiteko. Enkarterri osotik sortu dira batzordeak, Zaramillotik hasi eta karrantzaraino. Estiren hitzetan jendea gogotsu eta pozik dabil lanean, izen emateak astiro joan arren.
Etxebarrik 2018ko Ondarearen Jardunaldietan herriko emakumeak gogoratu ditu

2018-10-21
2018ko ondarearen jardunaldien harira, Etxebarrik atzoko emakumeek udalerrian utzitako ondareari erreparatu dio. Etxebarriko emakumeek izan duten ekarpena eta garrantzia azpimarratzea izan dute helburu jardunaldiek. Bisita gidatua, testigantzak, proiekzio eta mahai inguru batekin, XX.mendeko bigarren erdialde industrialean emakumeek izandako papera eta rolak azaltzen dira, pasarte pertsonalek transmititzen duten hurbiltasun eta sinesgarritasunaz.
Nafarroa Oinez inklusibo eta jendetsua

2018-10-21
Arrakastatsua izan da aurtengo Nafarroa Oinez, Iñigo Aritza Ikastolak antolatuta. Igandearekin milaka euskaltzale hurbildu dira Altsasuraino Nafarroako ikastolen aldeko egunarekin bat eginez. Uxue Barkos Nafarroako Gobernuko presidenteak nabarmendu zuen egunaren garrantzia, oztopoen gainetik, euskara bizi eta euskaraz bizi ahal izateko.
 
bannerra

bannerra