Skip to main content
bannerra

Gurean Gaur

Sare: "Lopez de Abetxukoren hitzaldia egingo dugu"

2019-12-09
Jose Ramon Lopez de Abetsuko euskal preso ohiak bihar “Larriki gaixo dauden presoak etxera” hitzaldia emango du bihar EHUko gasteizko kanpusean, Sare herritarron sareak antolatuta.
Sei milioi euroko inpaktua izan du Durangoko Azokak herrian eta eskualdean

2019-12-09
Euskal kulturaren plazak mugitzen duena zifratan islatu nahi izan du Gerediaga elkarteak. Iazko Durangoko Azokan inkestak egin zituen Siadeco etxeak, datu hauek ateratzeko. Eragin ekonomiko zuzena, zeharkakoa eta induzitua kalkulatu dituzte azterketan. Bisitariek denera milioi bat euro gastatzen dute liburutan, eta ia milioi erdi diskotan. Batez beste, bisitari bakoitzak 49 euro uzten ditu azokan, eta 28, aldiz, Landako gunetik kanpo Durangaldean dauden ostalaritza zein merkataritza espazioetan.
Ituna lortu dute Eusko Jaurlaritzak eta Elkarrekin Podemosek datorren urteko aurrekontuak aurrera ateratzeko

2019-12-09
89 milioiko aldaketak aurreikusten ditu 2020rako Elkarrekin podemosek eta Jaurlaritzak adostutako itunak. Hala, hurrengo urteetarako 112,6 milioi euroko balioa duten aldaketak adostu dituzte. Equoko eta Podemoseko militanteek berretsi beharko dute adostutakoa, galdeketa bidez.
120.000 lagun inguru hurbildu dira aurten Durangoko Azokara

2019-12-09
Lau egunetako azoka izan da aurtengoa. Hala ere, jende andana bildu da Durangon. Arantza Atutxa pozik azaldu da asteburu luze honetan Landako Gunean bizi izan den guztiarekin eta balantze positiboa egin du.
Auritzeko gune termalean aurkitutako objektuak aurkeztu ditu Aranzadik

2019-12-09
Auritzeko gune termalean aurkitutako objektuak aurkeztu ditu Aranzadik. Zientzia elkartetik azaldu dutenez, emaitzek agerian uzten dute erromatar garaiko aztarnategiak duen potentzialtasuna, Zalduako terma gunea, hiri-izaerako aztarnategia dela argitu baita.
Giza Eskubideen eta Migrazioen astea aurkeztu dute Plazara osatzen duten herri-eragileek

2019-12-09
Giza Eskubideen eta Migrazioen astea aurkeztu dute Plazara osatzen duten herri-eragileek, Nazioarteko Giza Eskubideen astearen egitarauaren baitan. Aurtengo leloa “Eskubide Guztiak Pertsona Guztientzat” izango da eta 10 egunetan zehar hainbat ekimen antolatu dituzte. Bihar 71 urte beteko dira Giza Eskubideen Adierazpen Unibertsala sinatu zenetik eta gaurkoan kritikatu dutenez, urraketak geroz eta nabariagoak dira.
 
bannerra

bannerra