Skip to main content

Gurean Gaur

Gurean Gaur Berezia: Gure Esku Dagoren mobilizazioa Kataluniarekin elkartasunez

2017-09-16

32.000 lagun bildu dira Bilbon Gure Esku Dagok deitutako manifestazioan. Gehiengo politiko, sindikal eta sozialaren babesarekin, parte hartzaileek elkartasuna eta atxikimendua eskaini diote Kataluniako herriari eta bere erakundeei. Horrekin batera, Euskal Herrian ere, erabakitzeko eskubidea eta ariketa demokratikoak gauzatzearen beharra adierazi dute.

Gurean gaur albistegia: irailak 14

2017-09-14

Manu Aierdi Nafarroako Garapen ekonomikorako lehendakariordeak gogorki salatu du Espainiako Sustapen ministerioak AHTari buruz hartutako erabakia.

Katalunian, alkateek erreferenduma bideratuko dutela adierazi dute, Madrileko oztopoei aurre eginez. Izan ere, Espainiako Fiskaltzak deklaratzera deitu ditu erreferendumaren aldeko 712 alkate.

Eta kiroletan, aurreko igandean Kontxako Bandera irabazi zuten Pasai Donibaneko Batelerei omenaldia egin diete Donostiako Bera Bera eskubaloi taldeko neskek.

Hauek eta askoz gehiago gaurko Gurean Gaur albistegian. 

 

Gurean Gaur albistegia: irailak 13

2017-09-13

Aralarren ibilbidea abenduaren 2an bukatzea proposatu du alderdiko zuzendaritzak. Afiliatuek egun horretan egingo duten VII. kongresuan erabakiko dute alderdia desegin ala ez. 

Donostian, sexu eraso berri bat izan da asteburuan. Larunbat goizaldean eraso egin ziotela salatu du emakume batek, eta zabalik da erasotzailea identifikatzeko ikerketa. 

Kirolei dagokienez, ostegun honetan abiatuko da Europa League-a. Errealak eta athletic-ek beste 46 talde europarren artean jokatuko dute maiatzerarte luzatuko den txapelketa kontinentalean. 

Hauek eta askoz gehiago irailaren 13ko Gurean Gaur albistegian.

Gurean Gaur: Diadak biharamun politiko handia eragin du

2017-09-12

Milioi bat lagun bildu ziren atzo Bartzelonako kaleetan Kataluniaren independentziaren alde urriaren 1eko herri galdeketaren bezperetan. Mobilizazioaren indarrak ondorio eta erreakzio politiko ugari eragin ditu. Hortaz gain, 4000 lagun bildu dira Baionan Macronen lan erreformen aurka eta aurtengo Bertso Txapelketa Nagusia aurkeztu dute. Hauek eta beste hainbat, Gurean Gaur albistegiaren gaueko edizioan.

Gurean Gaur albistegia: irailak 12

2017-09-12

Atzoko #Diada arrakastatsuaren ajearen erdian, eta gaur Parlamentuko mahaia eta eledunen bilera zegoela baliatuz, Kataluniako Justizia Auzitegi Gorenak jakinarazi du erreferendum legea eta deialdi dekretua indargabetuta gelditzen direla. Oztopoak oztopo, Kataluniako Gobernuak bere horretan mantentzen du erreferenduma gauzatzeko konpromisoa.

Frantziako Estatuan dagokionez, Frantziako Gobernuaren lan erreformen kontra mobilizatu dira gaur. Ipar Euskal Herrian Fronte Soziala osatu dute, eta "Gure askatasunentzat gure eskubide sozialentzat" lelopean manifestazioa egin dute Baionan.

Iruñean, Sustrai Erakuntza fundazioak Nafarroako trenbide korridorearen alternatiba aurkeztu zuen atzo. Tren publiko eta soziala izateko helburuarekin sortu duten proiektua dela adierazi dute; izan ere, Nafarroako Gobernuak proposatutakoa iraingarritzat jotzen du AHT Gelditu plataformak.

Hauek eta askoz gehiago gaurko Gurean Gaur albistegian #11gaur

 

Gurean Gaur albistegia: irailak 11 (gauekoa)

2017-09-12

Urriaren 1ean independentziaren inguruan Katalunian egitekoa den kontsultaren aurretik, aurtengo Diadak berebiziko garrantzia izan du testuinguru politiko eta sozialean. Hamaika Telebistak jarraipen berezia egin du Bartzelonatik. Hementxe gaueko Gurean Gaur albistegia: irudirik onenak, adierazpenak, analisia eta elkarrizketak.