Skip to main content

Gurean Gaur

Zaldibarko zabortegiko bi langilek 18 egun daramatzate jada lurperatuta

2020-02-25
Goizeko lehen orduan berriro ekin diote Joaquin Beltran eta Alberto Sololuzeren bilaketari. Larunbatetik, bilaketa-lanak zabortegiko beste gune batean egiten ari dira, Joaquinen autoa topatu duten lekuan hain zuzen. Hala ere, baskularen ondoan daudela uste dute teknikariek, baina ezin dira momentuz bertara hurbildu.
'Bigarren sexua', emakume euskaldunen begiradapean

2020-02-25
Maitasuna, emakume izatea zer den eta aktibismoa bezalako gaien inguruan hitz egiten ikusi eta entzun ahalko ditugu emakumeok, iraganeko eta gaur egungo irudiez lagunduta. Simone de Beauvoirren ‘Bigarren sexua’ pentsamendu feministaren mugarria da eta zenbait pasarteri gorputza eman diete Iratxe Fresnedak eta Nora Alberdik.
Azorak inolako bermerik gabe utzi ditu lau familia, alokairu kontratuak bukatu direla jakinarazi ostean

2020-02-25
Ategorrietako etorbidean eta Galtzaga Nagusiko etxebizitzetan urte luzez bizi diren familiak dira kaltetuak. Horren aurrean, bi astetan hirugarren agerraldia egin dute.
Weinstein bi delituen erruduntzat jo du epaimahaiak eta Domingok sexu eraso akusazioen "erantzukizun osoa" onartu du

2020-02-25
Harvey Weinstein erruduntzat jo dute, 'Me Too' mugimendua abiatu zuen epaiketan. Bi sexu delitu egitea egotzi diote Hollywoodeko ekoizleari, tartean bortxaketa. Ordea, absolbitu egin dute akusaziorik larrienetik, zeinagatik bizi osoko kartzela zigorra zuen jokoan. Bestalde, leporatutako sexu eraso akusazioen "erantzukizun osoa" onartu du Placido Domingo tenore ezagunak. Musikariak barkamena eskatu die sexu erasoa egotzi zioten emakumeei.
LABek "birpentsatzen jarraitzeko" Biltzar Arteko Batzarra egingo du martxoaren 26an

2020-02-25
2017an egin zuen aurreko Biltzar Nagusia, ekintza sindikala berritzeko asmoarekin. Bertan prekarietateari aurre egitea jarri zen helburu nagusitzat, eredu sindikal interpelatzailea ezartzearekin batera. Bertan emandako aldaketa bat azaldu dute: hain zuzen ere, ordura arte kapital-enplegu talka erabiltzen zela borroka sindikalean eta paradigma berri bat sartu zuela LABek, kapital-bizitza talka. 2017tik honako balantzea eta aurrera begirako erronkak landuko dituzte Biltzar arteko Batzarrean. Jada hasiak dira auzo eta herrietan militanteekin biltzen, gaien inguruko ekarpenak edo proposamen berriak jasotzen.
Ainhoa Intxaurrandieta: "Agerian geratu da hondakinen kudeaketa eredua ez dela zentzuzkoa"

2020-02-24
Erraustegiaren proiektua bertan behera utzi zen garaian GHKko lehendakari izandakoak argi du ez dela jasangarria egungo hondakinen kudeaketa eredua. Zaldibarren gertatutakoaren ondotik, azpimarratu digu ez dela "bideragarria etengabe produzitu, kontsumitu eta botatzen" jardutea, gero guztia mendizulo batean ezkutatzeko.
 
bannerra

bannerra