Skip to main content

Gurean Gaur

Telelana arautuko duen legearen negoziaketetan aste erabakigarria izan daiteke

2020-09-10
Azken zirriborroaren arabera, telelana, borondatezkoa da, langileak zein enpresak etxetik lan egitearen hautua atzera bota dezake eta gastuen inguruan enpresarekin heldu behar da behargina adostasunera. Hala ere, administrazio publikoko langileen inguruko irizpiderik ez du jasotzen proposamenak. Lege honek dituen ertzak aztertu ditugu Angel Elias EHUko lan harremanetako dekanoarekin.
LABek mobilizatzen jarraitzeko deia egin du "langile klaseak behar dituen akordioak lortzeko"

2020-09-09
LABek prentsaurrekoa egin du gaur, Covid 19ak hainbat esparrutan eragin duen egoera baloratzeko. Garbiñe Aranburuk adierazi duenez, egoera honetan norbanakoen ardura “ukaezina” da, baina nabarmendu du “jasangaitza” dela “erantzukizun horien atzean dauden ardura politikoak ezkutatzea”.
Lesbos uharteko Moriako migratzaileen kanpalekua kiskali da

2020-09-09
Bart gauean sua piztu da Moriako migratzaileen kanpalekuan, Lesbos uhartean. Protestetan piztu ziren suteak. Izan ere, kanpalekuetan 35 koronabirus kasu baieztatu dituzte orain arte, eta bart beste 125 lagun jarri zituzten berrogeialdian, baina kanpalekuko arduradunek ez zieten inolako azalpenik eman horiei, eta protestak piztu ziren. Zaporeak elkarteko kideek laguntza eskatu dute, eta diru ekarpena bi kontu korronte jarri dituzte herritarren eskura: ES32 2095 5011 80 9115250322 (Kutxabank) eta ES71 3035 0103 88 1030035880 (Laboral Kutxa).
Londresek tentsioa areagotzen jarraitzen du Brexiterako negoziaketaren zortzigarren txanda hasi berritan

2020-09-09
Boris Johnson-en exekutiboak urrian adostutakoa ez betetzearekin mehatxatu du Europa. Hain zuzen, ipar irlandari dagokion akordioaren zatia berrikusiko du Erresuma Batuak, iragarri dutenez, aurrera atera asmo duten lege berriaren bitartez. Onartu dute, gainera, nazioarteko legedia urratuko lukeela horrek.
Nafarroako hezkuntza eragileek mobilizazioak iragarri dituzte irailerako

2020-09-09
Helburua eskolentzako itun pedagogiko adostua lortzea dela azpimarratu dute gaurkoan “itzulera ere, adostua izan dadin”. Hezkuntza foroa osatzen duten sindikatu eta eragileetako kideek elkarretaratzea egin dute Nafarroako Parlamentuaren aurrean.
Pilar Kaltzada (Kazetaria): "Haurrak genero indarkeriaren biktima dira, eta aintzat hartu behar ditugu"

2020-09-09
Haur eta nerabeengan genero indarkeriak dituen eraginak eta ondorioak aztertzeko, “Adingabeak genero-indarkeriazko testuinguruetan” jardunaldiak antolatu dituzte Iruñean.
 
bannerra

bannerra