Skip to main content

Gurean Gaur

Inoizko ikusminik handiena sortu duen emakumezkoen munduko futbol txapelketa abiatu da

2019-06-07
Guztira, 24 talde arituko dira koroaren bila eta Amerikako Estatu Batuetako taldea da faborito nagusia. Hala ere, etxean jokatzen duen Frantziak, Ingalaterrak, Alemaniak edo Japoniak zeresana eskainiko dute. Euskaldunen artean, figurarik aipagarriena, Irene Paredes atzelari legazpiarrarena da. Hamaika Telebistan, txapelketa, Ane Urkiri Ansola GARAko kazetariarekin batera aztertu dugu.
PSNk Nafarroan gobernua eratzeko trabak jar ditzake Ferrazek

2019-06-07
Jose Luis Abalos eta Carmen Calvo ministroek ontzat jo dute UPNri Nafarroan gobernatzen utzi eta, trukean, regionalistek Espainiako Kongresuan Sanchezen aldeko bozka emateko aukera. Bitartean, Chivitek aurrera jarraitzen du gobernua osatzeko bilera errondarekin. Izquierda Ezkerrarekin bildu da gaurkoan.
Migratzaileek pairatzen duten egoera salatu dute Donostiako udaletxe atarian

2019-06-07
Moraza kaleko eraikin okupatuan poliziak egindako operazioen harira, elkarretaratzea deitu dute hainbat eragilek. Bertan salatu dutenez, egun 200 lagun baino gehiago duade Donostian etxebizitzarik gabe kalean. Azaldu dutenez, horiek denak gutxienez urtebetez egon behar dute kalean erakundeek lo egiteko toki egokia eman diezaieten. Egoera are gogorragoa da ginera etorkinen kasuan.
Greenpeace erakundeak hainbat ozeanotako egoera salatu du Bilbon

2019-06-07
Greenpeace-ren Artic Sunrise itsasontzia Bilbon dago, ozeanoek pairatzen dituzten egoerak salatzeko asmoz. Ingurumenaren zein plastikoaren aurkako borroken nazioarteko egunen baitako astean, krisi klimatikoaren aurrean, Greenpeacek inplikazio gehiago eskatu die erakundeei. Ozeanoetan bizi diren izaki bizidunek eta baliabide naturalek pairatzen duten egoera larriaz ohartarazi nahi dute eta hiriz hiri arituko dira kontzientziak astindu nahian.
Markaz Tulkarem talde palestinarraren erakusketa ikusgai da Kondestable Jauregian

2019-06-07
Penak nagusi diren herrialdeetan ere, futbolak, beste hainbat zaletasunek bezala, egunerokotasunetik ihes egin eta itxaropenari eusteko tresna gisa balio du. Sionismoaren okupaziopean, Palestinan, Cisjordanian, Markaz Tulkarem taldeak herrialdeko errefuxiatu kanpaleku handienetako baten pozen bandera da.
Bixente Perurena omendu dute, GALek hil eta 35 urtera

2019-06-07
GALek erahildako Bixente Perurena oroitzeko ekitaldia burutu dute Perurena tabernan, Errenteria eta Astigarraga artean, GALek hil eta 35 urtera. Errenteriatik Hendaiara egin behar izan zuen Perurenaren familiak ihes eta bertara heldu eta hiru hilabetera etxe aurrean tiroz hil zuten Bixente, Angel Gurmindorekin batera. Hitza hartu dute Errenteria eta Hendaiako alkateek, biktimaren alaba batez gain. Ekitaldiak segida ematen dio Errenteriako udalak indarkeria mota ezberdinen biktimak aitortzeko eta elkarbizitzaren alde azken urteetan abiatu duen lanari.
 
bannerra

bannerra