Skip to main content

Erredakzioa

Ipar Euskal Herria "gune gorri" izatera pasa da

2020-09-11
Erabakia Parisen hartuko dute, baina Akitania Berriko Eskualdeko Osasun Agentziaren txostena zehatza da. Jakinarazi duenez, Ipar Euskal Herria parte den Pirinio Atlantikoetako departamendua, Girondekoa bezala, "arrisku handiko eremua" izango da. Horrek suposatzen du mugikortasuna mugatuta izango dutela biztanleek, gehienez 100km-ko zirkulu batera. Honekin batera, Pirinio Atlantikoetako prefeturak epidemiaren hedapena geldiarazteko neurri murriztaileagoak hartzeko atea irekitzen da. Frantziako Gobernuaran azken asmoen artean dago, berrogeialdia betetzeko epea astebetera murriztea. Momentuz, herritar guztien konfinamendua baztertuta dago, baina bilerak murrizteko aukera aztertzen ari dira, baita pribatuak ere, Erresuma Batuko ereduari jarraituz. Azken 24 orduetan ia 10.000 kasu berri erregistratu dira Frantzian. Azken bi asteetan, 130 kasu erregistratu ditu herrialdeak ehun mila biztanleko, Europako tasarik handienetako bat.
Osakidetzako Lan Eskaintza Publikoko oposaketen auzian, lekukoak deklaratzen hasi dira LAB sindikatuaren eskariz

2020-09-01
24 pertsonaren hitzak jasoko Ana Jesus Zulueta epaileak, gaur hasi eta datorren astelehenera bitarte. Tartean, inputatuta dagoen Covadonga Fernandez Neurokirugiako espezialistak deklaratuko du, oposaketetan epaimahai burua izan zenak, LABek honen aurka salaketa jarri eta epaileak autoz onartu ostean. Epaileak uztailean kaleratutako autoak eskatzen zituen halaber, bilera edo espedienteei buruzko hainbat dokumentu eta akta aurkezteko. LAB akusazio partikular gisa arituko da, “19 kategoriatan ohar sinesgaitzen ebidentziak zabaldu zituen txosten estatistikoaren berri emateko”. LABen arabera auto honen ondoren, “epaileak irekita uzten du Osakidetzaren aurreko zuzendaritza inputatzeko aukera, zilegi ez den elkarteagatik, kontratazioan iruzur egiteagatik eta sekretuak jakinarazteagatik, eginbideak egin arte”. 2018ko ekainaren 4an azaleratu zituzten mediku espezialisten proban izandako iruzurra azaleratu zuten paperak. Susmopean dagoen eskaintza 2016-2017koa da eta etenda daude lanpostu banaketa horiek.
Hibaika eta Tolosaldeak jokatuko dituzte Euskotren Ligara igotzeko playoffak

2020-08-31
Amaitu da ETE, Emakumezkoen Traineruen Elkartea liga. Tolosaldeak 105 punturekin izan da garaile eta Oreretako Hibaika taldea gelditu da bigarren, 78 punturekin, Zumaiak baino puntu bakarra gehiago lortuta. Ondarroak, behetik hasitako taldeak, eraman du azkenengo bandera Castro Urdialesen, Tolosaldea eta Zumaiaren aurretik. Mutiletan, Eusko Label ligan, Boiroko Bandera irabazi du Santurtzik 31 ehunenengatik eta lidergoa berreskuratu du. Jaitsiera playoffak saihesteko borrokan, Zarautzek eta Aresek buruz burukoa egin dute. KAE 1 Ligako azken estropada, berriz, San pedrok irabazi du eta Eusko Label Ligara igotzeko playoffetan izango da hau ere, Tiran, Meira eta Pedreñarekin batera.
Seulek zazpi eguneko nahitaezko konfinamendua ezarri du berragerraldiengatik

2020-08-31
Neurriak 10 milioi pertsonari eragingo die eta Hego Korean azken bi asteetan 5.100 positibo berri zenbatu ostean heldu da. Administraziotik adierazi dute, positibo gehienak Seul iparraldean dagoen eliza kontserbadore bati eta Gobernuaren aurka egindako manifestazio bati lotutakoak direla. Herrialdeko gainerako hiri jendetsuenetako agintariek 10 pertsona baino gehiagoko manifestazio guztiak debekatu dituzte, eta Seulen maskara erabiltzea derrigorrezkoa da uneoro, bai gune publiko irekietan, bai itxietan
Laguntza humanitarioaren menpe

2020-08-27
Fatimetu Zenan Sahararra da, Tindufeko errefuxatuen kanpalekuan jaio zen eta haurra zela etorri zen bere familiarekin Euskal Herrira. Hala ere, jaioterrian dauzka gainontzeko senideak. Duela 45 urte pasa beren herrialdetik kanporatuak izan ziren Sahararrak, laguntza humanitariotik bizi dira Argeliako desertuan. Orain ordea, mugen itxierarekin Covid 19ak eragindako pandemiari aurre egiteko baliabiderik gabe daude.
Urtea amaitu baino lehen Covid19aren aurkako txertoa prest egon daitekeela iragarri du Salvador Illa Espainiako Osasun ministroak

2020-08-27
Azaldu du negoziatzen ari direla Oxfordeko Unibertsitateko ikertzaileak garatzen ari diren txertoa eskuratzeko, AstraZeneca botika etxeak saldutakoa da. “Dena ondo badoa” epe horretan egongo litzatekeela eskuragarri txertoa esan du. Hala ere, elkarrizketa batean egindako adierazpenak dira, ez da iragarpen formal bat izan. Txertoa 3. Fasea gainditu zain dago eta Europar Batasunak jeda injektagarri horren 400 milioi dosi aurre-erosi ditu, nahikoa ez den arren herritar guztiei txertoa jartzeko. EBk 446 milioi biztanle ditu, eta kontuan izan behar da pertsona bakoitzeko bi dosi behar direla txerto zehatz horretarako.
 
bannerra

bannerra