Skip to main content

Txina

Munduan koronabirusaz kutsatutako pertsona gehien dituen herrialdea da AEB

2020-03-27
85.000 herritar baino gehiago kutsatu dira azken asteetan. Ondorioz, atzean utzi ditu Txinako eta Italiako datuak. New York da kutsatu gehien dituen hiria 39.000 gaixo baino gehiagorekin, eta hango ospitaleetan gainezka egiten hasi dira jada. Hori dela eta, astelehenerako kanpaina-ospitale bat prest izatea espero dute, 1.000 gaixo artatzeko lekua izango duena. Hala ere, Italiak, Espainiak eta Txinak aurretik jarraitzen dute heriotzei dagokienez.
Asier Blas (Politologoa): “Txina munduko lehenengo potentzia izango bada, koronabirusaren krisia izango da momentu fundatzailea”

2020-03-26
COVID-19ak eragindako kirisia eragina izaten ari da nazioarteko harremanetan. Errusia, Kuba eta Txina laguntza bidaltzen ari dira Europara, eta bitartean, Europar Batasuneko herrialdeek eta Amerikako Estatu Batuek jarrera itxia agertu dute. Egoera honek geopolitikan eragingo dituen aldaketez aritu da Asier Blas politologoa eta irakaslea.
Amaitu da konfinamendua Txinako Hubei probintzian, Wuhan hiriburuan izan ezik

2020-03-25
11 milioi biztanleko Wuhan hirian apirilaren 8ra arte jarraituko dute indarrean berrogeialdiaren neurriek, bertan antzeman baitziren lehendabiziko koronabirus kasuak.
Eneko Axpe: "Covid19ak sortutako krisiari aurre egiteko hiru eredu daude: korearra, europarra eta anglosaxoia"

2020-03-17
Eneko Axpe fisikari barakaldarra Kaliforniako Stanford unibertsitatea eta NASArentzat lanean dabilen ikertzailea da. Berarekin batera, Covid19 gaitzaren ingurukoak aztertu ditugu. Besteak beste, AEBk berriki hartutako neurriak eta munduan zehar Estatu ezberdinek izandako jarrerak. Axperen esanetan, hiru jarduera eredu daude.
Gora egiten ari da Txinan koronabirusak hildako pertsonen kopurua

2020-01-27
Gora egiten ari dira kaltetuak, momentu honetan, datu ofizialen arabera, 81 dira hildakoak, eta 5.800 inguru kutsatutakoak. Txina "egoera larrian" dagoela aitortu du Xi Jinping presidenteak eta lehentasuntzat jo du koronabirusa geldiaraztea. Wuhanen mila gaixorentzako tokia izango duen erietxe bat eraikitzeko lanak hasi dituzte dagoeneko. Otsailaren 3rako amaitua egotea espero dute. Birusak berak baino gehiago, herritarren artean zabaldu den izuak kezkatzen ditu agintariak. Izan ere, erietxeak gainezka daude, herritarrak sintomarik txikienak izanda ere joaten direlako.
Txinan 26 pertsona hil dira dagoeneko Wuhango koronabirusaren ondorioz

2020-01-24
Txinako koronabirusak 18 hildako eragin ditu jada, eta, kutsatzearen erraztasuna ikusita, herrialdeko agintariek erabaki dute Wuhan-eko hiria ixtea. Aireportuak zein tren eta bus geltokiak guztiz itxi egin dituzte, birusa beste hiri batzuetara hedatu ez dadin. Gauzak horrela, hainbat neurri hartu dira, tartean, babes maskarak une oro eramatea, jende pilaketetatik urruntzea edota norberaren etxeko garbitasunean arreta berezia jartzea.
 
bannerra