Skip to main content

Ertzak

Antzerki topaketak egingo dituzte asteburu honetan Lekeition, 'Ertzak' izenburupean

2019-03-28
Euskal eszenarentzako leiho bat dauka lematzat. Izan ere, ertzak proiektua, antzerkiaren ertzak batu eta ikustarazteko espazio bat proposatzen duen proiektua da. Antolatzaileek adierazi dutenez aurten jaiotzearen arrazoia da, Ibilaldi kulturalak babesa eman diola. Martxoaren 29-30-31n egingo dira topaketak. Euskal Herrian zehar, zirkuitu arruntetatik aparte antzerkia egiten ari diren taldeei beraien lana erakutsi eta partekatzeko espazio bat izango da “Ertzak”. Tailer eta mahai inguruak egongo dira obrez gain. Asmoa da elkarlana eta sinergiak bilatuz, antzerkizaletasunean mugitzen diren talde guztiak harremanetan jarriko dituen sare bat eraikitzeko lehen urratsa ematea. Zazpi antzerki obra, bi tailer eta mahai-inguru bat aurkeztuko dira lehen urte honetan.
Adarretatik jaialdia Zarautzen, musikaren ertzak ukitzeko

2018-07-06

Sustatzaileen hitzetan, ez da edonolako jaialdia izango, musikaren ertzak ukituko baititu. Hiru agertoki izango dira horretarako: eguerditan, Merkatu Plazan, kaleko musika edo proposamen akustikoagaoak izango dira entzungai; arratsetan, Musika Plazan, euskal musika; eta gauetan, itsas pasealekuan, Borghetto parean eskainiko dituzte kontzertuak.

Guztira, dozena bat proiektuz gozatzeko aukera izango da hiru egunetan. Besteak beste, Sara Mansilla, Juan Valls, Oso Fan, Rafa Rueda, Buffalo, DJ Tahira edota Elkano Browning Cream taldeen doinuez gozatzeko aukera eskainiko dute. Zarauzko Udaleko Kultura sailaren eta Gipuzkoako Foru Aldundiko Katapulta programaren babesa izan dute, eta aurten estreinakoz antolatuko dute egitasmoari jarraipena eman nahiko liokete datozen urteetan ere.

Nondik datorkigu langile borroka?

2017-01-26

Langile borroka desegin al da? Saio honetan, langile kontzientzia eta nortasuna nondik datozen eta orduko elkartasuna berreskuratzea posible ote den erantzuten saiatu gara. Nerea Perez historialaria eta Eli Zugaza Euskalduna ontziolako borrokan parte hartu zuen emakumea izan ditugu gonbidatuak.

Ertzak | Genero indarkeria zahartzaroan

2017-01-18

Genero indarkeriaz mintzo garenean, gehienetan sexu erasoak etortzen zaizkigu burura; gorputzak, gazte gorputzak. Baina genero indarkeriak ez dauka adinik. Zahartzaroan emakumeak jasaten dituzten erasoez jardun dugu Ertzak saioan Lurdes Rodrigez (GITE-IPES), Amaia Herrero (Berdintasun teknikaria) eta Txus Andresekin (pentsionistak martxan).

Ertzak | "Cyberbullying" fenomenoa

2016-12-27

Geroz eta bullying kasu gehiago daude. Arreta berezia jarri nahi izan diogu "cyberbullying" deitzen zaionari. Nola detektatu eta saihestu daiteke? Hiru aditurengana jo dugu gaian sakontzeko: Julen Linazasoro, Ageda Laraudogoitia (Kiva programa) eta Aritz Anasagasti (Emotional Network).

Ertzak | Komunikabideak: komunitateen eraikitzaile?

2016-12-07

Euskal komunikabideak euskararen normalizaziorako gakoa izan dira; zama handiegia akaso? Sektorearen prekarizazioa bizi dugula diote askok, gero eta kazetari gehiagok uzten dute lanbidea; nolako eragina du horrek transmisioan? Leire Palacios, Jexux Mari Zalakain, Samara Velte eta Maialen Huarte.

 
bannerra

bannerra