Skip to main content

Artekale

Terry Jones, Ilbeltza, Gladysen leihoa eta Bizkaiko sagardoa

2020-01-23
Terry Jones Monty Python taldeko kidea zendu da aste honetan, Life of Brian film mitikoaren zuzendaria, besteak beste. Bere ibilbidea errepasatu dugu. Horrekin batera, Baztango euskal nobela beltzaren jaialdia, (h)Ilbeltza; Euskal Herriko nuklearren aurkako mugimenduari buruzko dokumentala, 'Ez eskerrik asko. Gladysen leihoa'; Bizkaiko txotx garaiaren irekiera eta Bilboko Arte Ederren museoko lanen berritzeaz aritu gara gaurkoan.
"Ikimilikiliklik" antzezlana, Udane Juaristi eta Maite Mutuberria

2020-01-16
Arteak hartuko du lekurik garrantzitsuena gaurko saioan. Maite Mutuberria ilustratzailearekin izan gara "Joemak eta polasak" lanaz hitz egiten, non Iñigo Astizen poesia marrazki bilakatu duen. Bestetik, Udane Juaristi artista azkoitiarraren mural bat sartu du StreetArt360 atariak 2019ko 100 onenen artean. Albisteak ezustean harrapatu zuen Juaristi eta ez zuen espero hartu duen oihartzuna. Lana Oviedoko Parees jaialdirako gauzatu zuen irailean. Antzerkiak ere lekua tokia izan du. Marie de Jongh konpainiaren "Ikimilikiliklik" antzezlana aurkeztu dute. Arriaga Antzokian estreinatuko da urtarrilaren 21 eta 22an, ostean Euskal Herrian zehar bira abiatzeko. Lehen aldia da konpainiak testua erabiltzen duela.
Beñat Gaztelumendi, GabonakArte, Tracking Bilbao eta Iñigo Muguruza

2019-12-19
Beñat Gaztelumendik irabazi du Gipuzkoako bertso txapelketa urte honetan. Horrekin batera, Azkuna Zentroko GabonakArte programa, Tracking Bilbao jaialdia, Iñigo Muguruzari azken agurra eta beste hainbat gai dakar urteko azken Artekale saioak.
Kultura sortzaile eta erabiltzaileak bildu ditu beste urte batez Durangoko Azokak

2019-12-12
Milaka lagun bildu zituen Durangoko Azokaren 54. edizioak. Gure saioan, lau egunetan jazotako guztiaren laburpena egin dugu, Euskal Herriko hainbat sortzaile eta kultur eragile elkarrizketatu genituen Durangon bertan.
'Antzara eguna' komikia, Berri Txarrak-en agurra eta Zetak proiektua

2019-11-28
Harkaitz Cano idazleak 'Antzara eguna' komikiaren nondik norakoak azaldu dizkigu, Santi Brouard-en alde ezezagunena islatzen saiatu den obra. Bestetik, Berri Txarrak talde nafarraren azken kontzertuan izan gara eta Zetak proiektua sortu duen Pello Reparaz musikariarekin ere.
Zea Mays eta 'Azken Alabak' erakusketa

2019-11-21
Zea Mays talde bilbotarraren hamargarren diskoa, ‘Atera’, Alberto Salcedoren ‘Azken alabak’ arte erakusketa eta beste hianbat gai biltzen ditu aste honetako Artekale saioak.