Skip to main content
bannerra

ERE

Galindoko ABB enpresak Lan Erregulazio Txostena aurkeztu du

2019-06-28
Galindoko ABB enpresak Lan Erregulazio Txostena aurkeztu du. Ondorioz, Ezkerraldeko plantak dituen 40m langileetatik, 10 kaleratuko dituzte. Egoera honen aurrean, beharginak antolatzen hasi eta eragile ezberdinekin biltzen hasi dira. EH Bildurekin izandako topaketan, enpresaren itxiera eta Europako ekialdera leku aldatzearen arriskua nabarmendu dute. Koalizioko kideek, beharginei elkartasuna erakusteaz gain, Ezkerraldeak zein Meatzetak pairatzen duten egoera ekonomiko larriaren inguruko hausnarketa plazatu dute.
DIA supermerkatuetako langileek greba mugagabeari ekin diote Bizkaian eta Gipuzkoan

2019-03-11
Manifestazioa egin dute Bilbon supermerkatu kateak aurkeztutako enplegu erregulazioko espedientea gaitzesteko. Estatuan, guztira, 2.100 langile kaleratu nahi dituzte, horietatik 81, Hego Euskal Herrian. Hiru lanuzte egin dituzte orain arte, baina enpresak aurkeztutako enplegu erregulazioko espedientearen harira akordiorik lortu ez dutela ikusita, greba mugagabea abiatu dute gaur. Supermerkatuen administrazio-kontseiluak 300 milioi eurotik gorako galerak iragarri ditu. Gainera, Dia supermerkatuak salaketa bat jarri dute Fiskaltzaren aurrean, kontuetan irregulartasunak antzeman ostean. Langileek informazio falta salatu dute. Enpresak ez ditu negoziazio mahaietara deitu eta ez dakite beren lanpostuekin zer gertatuko den.
Sindikatuek Arcelor Mittal-eko aldi baterako erregulazio espedientea lau urtez luzatzea salatu dute

2019-01-11
LAB, CSI, CGT eta ESK sindikatuek agerraldi bateratua egin dute Bilbon Arcelor Mittalek aldi baterako enplegu erregulazioa 2022. urtera arte luzatuko duela salatzeko. 2009tik datorren erregulazioa lau urte gehiagoz luzatuko dela komunikatu die burdingintzako multinazionalak. Sindikatuen aburuz, langileekiko gehiegikeria eta iruzurra 13 urtez luzatuko da. Sindikatuek esan dute aldi baterako erregulazio espedientea salbuespenerako neurria beharko lukeela izan, kaleratzeak ekiditeko eta enplegua sostengatzeko norabidean. Gehitu dute, enpresak milioi askotako mozkinak ateratzeko, truke txanpon bezala erabiltzen dituela langileak, eta kaleratuen kopuruak beldurgarriak direla. Beste sindikatuei ere kritika gogorrak leporatu dizkiete, batuzk enpresaren morroi izateagatik eta besteak batasun sindikaletik kanpo egoteagatik.
Sestaoko La Naval kinka larrian, konponbiderik egon ezean larunbatean langile guztiak kaleratuko dituzte

2019-01-09
Egun erabakigarriak Sestaoko La Naval ontziolako langileentzat. Azken orduko aldaketarik egon ezean, larunbatean, enpresako 177 beharginak kaleratuko dituzte. Horiek horrela, langileak bilera ezberdinak egiten ari dira, sindikatu zein exekutiboekin. Lakua eta Madrilgo gobernuei eskaera zehatza egin diete, ontziola bere gain hartzea. Bide beretik mintzatu dira EH Bildu eta Elkarrekin Podemos. La Navalen itxierak kolpe gogorra suposatuko luke Ezkerraldean.
Desadostasunak La Naval-eko langileak eta Arantxa Tapiaren artean baina bi aldeek irtenbidea bilatzen segituko dutela azpimarratu dute

2018-10-31
Sestaoko La Naval ontziolako enpresa batzordeak Arantxa Tapia Eusko Jaurlaritzako Garapen Ekonomikorako sailburuarekin bildu da. Topaketak ez du adostasunik ekarri, baina epeak agortzen ari diren arren, bi aldeek soluzioak bilatu behar direla nabarmendu dute. Langileek, esku hartze zuzena eskatu diote Lakuari eta exekutiboak "inbertsore pribatuen beharra" azpimarratu du. Gobernuak, Madril, enpresa eta inbertsoreeekin negoziatzen jarraituko duela azaldu du eta beharginek, behin lan-erregulazio txostena indarrean dagoela, mobilizazio gehiago egingo dituzte. Euren artean, azaroaren 8an Barakaldon egitekoa duten manifestazioa.
EGUNEKOA: abuztuaren 27ko albiste nagusiak

2018-08-27

Pentsiodunek Bilbon egindako asteleheneroko mobilizazioari eta urriaren 1erako iragarri dutenari erreparatu diegu, besteak beste. Horrez gain, Volkswagen Nafarroa enpresan negoziatzen ari diren aldi baterako erregulazio txostenaren ingurukoak ere ekarri ditugu. Baita bihar izango den Eusko Jaurlaritzako lehen gobernu kontseiluaren aurrerapena egin ere.

 
bannerra

bannerra