Skip to main content

Azken bideoak: Politika

bideoa prestatzen
Bel Pozueta: "Lantalde sendo baten babesa dut eta argi hitz egingo dut Madrilen"

2019-03-29
Bel Pozueta izango da EH Bilduko Nafarroako zerrendaburua estatuko Kongresurako apirileko hauteskundeetan. Bere eguneroko bizitza uztartzen du, eskolaz-eskola heziketa programa bateko hizlari gisa, hauteskundeetako kanpainako kontuekin. Orain arte ere, Altsasu Gurasoak plataformako bozeramaile izan da eta argi dauka ama den aldetik, taldeko bileretan parte hartzen jarraituko duela, beti ere hau politikoki baldintzatu gabe ere.
bideoa prestatzen
Maria Solana: "Nafarroako aniztasuna islatzen du aurkeztutako zerrenda kopuruak"

2019-03-27
Maria Solana Hezkuntza Kontseilari eta Nafarroako Gobernuko eledunak Estatuko hauteskundeetara aurkeztutako zerrenden aniztasuna baloratu du. Gaur jakin izan denez Kongresurako 10 hautagaitza aurkeztu dituzte alderdi eta koalizioek eta Senaturako aldiz, 7.
bideoa prestatzen
Elkarrekin Podemosek Donostia eta Gipuzkoarako hautagaiak aurkeztu ditu

2019-03-26
Gipuzkoako Batzar Nagusietako eta Donostiako alkatetzarako hautagaiak aurkeztu ditu gaur Elkarrekin Podemosek. Aitzole Araneta Donostiako alkatetzarako hautagaia izango litzateke eta Batzar Nagusietarako Maria Valiente. Donostia feminista, inkusiboa, anitza eta solidarioa eraikiko dute adierazi dute. Herritarrak erdigunean jartzen dituen lurraldea nahi dute, herritarren bizitzak hobetuko dituzten kalitatezko zerbitzu publikoekin. Era berean adierazi dute Donostiarrak kanporatuko ez dituen hiria eraikitzeko lan egingo dutela eta azpimarratu dute herritarrei ahotsa emango dietela beren egunerokotasunean eragina duten gaiei buruz.
bideoa prestatzen
EH Bilduko emakumeek hemendik aurrerako prozesu feminista aurkeztu dute Bilbon

2019-03-26
Adierazi dute zerbaiten kontra baino zerbaiten alde mobilizatu behar dela, prekarizatutako bizitzak bistaratzearen alde. Zehaztu dute zuzenki zein zeharka feminista izango dela EH Bilduren politika publikoa. Hausnarketa eta elkarlanetik egingo dutela lan. Hausnarketa fase honetan adituak eta feminismoan arituak diren emakumeekin elkarrizketak izango dituzte eta haien ekarpenak eraman parlamentura. Urratsak identifikatu eta instituzioetara eramango dituztela adierazi dute. Gainontzeko emakumeen bideak ezagutu nahi dituzte nahiz eta bakoitzak bere helburu zehatzak izan. Elkarlana eta elkarrizketak aurrera eramateko konpromisoa hartu dute.
bideoa prestatzen
Ana Beltranek adierazi du Nafarroa "defendatuko" duela Madrilen

2019-03-26
Ana Beltran bosgarren izango da PPren Madrilgo zerrendan Apirileko estatuko Kongresurako hauteskundeetan. Irribarretsu, Nafarroako PPko presidenteak argudiatu du Casadok aukeratu duela, Nafarroako interesak defendatuko duela bermatzeko modu bakarra zelako.