Skip to main content

Azken bideoak: Politika

bideoa prestatzen
Pau Sarrate aktoreak jaso du EHGAMen Urrezko Hirukia

2019-06-28
Sari honek helburutzat du berdintasunerako mugimenduan aniztasunaren alde lagundu duten pertsona, elkarte edo erakundeak saritzea. Pau Sarrate aktoreak, Il Circo Italiano-n Paute pailazoaren rola betetzen du. Adierazi dute, saria eman diotela ume eta nagusiei zuzenduriko ikuskizunean dibertsitatea ikusarazi eta berdintasuna eta inklusibotasuna bultzatzeagatik. Eskertuta agertu da Sarrate. Esan du, beti normaltasunez onartu eta adierazi duela bere sexualitatea. Horregatik, gaineratu du, ikuskizunean ere gaia naturaltasunez jorratzen duela. Bestalde, Trapuzko Espartina ere entregatu dute urtero bezala. Ana Beltran PPko diputatuarentzat izan da, LGBTIQ+ eskubideak zapaltzeagatik eta mespretxuzko adierazpenak egiteagatik.
bideoa prestatzen
San Ferminetako txupinazoan banderak eta tamaina handiko oihalak sartzea debekatu du Enrique Mayak

2019-06-27
Neurri horren helburua txupinazoaren unean plazan ikurriña erraldoiak eta aldarrikapen pankartak debekatzea izango litzateke
bideoa prestatzen
Bartzelonan egingo du Foro Sozialak biktimen arteko kurtso honetako azken topaketa

2019-06-27
Bartzelonan, hango eta hemengo lau biktima elkartuko ditu Foro Sozialak. Jatorri ezberdinetako indarkerien biktimak izango dira uztailaren bat eta bian egingo den ekimenean parte hartuko dutenak. 2018-2019 ikasturtearen balantzea egiteko deitutako prentsaurrekoan eman du horren berri Foro Sozialak. Bertan azaldu dutenez, Euskal Herrian bizikidetza demokratiko bat eraikitzeko oinarriak finkatzen hasteko helburua jarri zioten euren buruari, giza eskubideen eta bakearen kultura erreferente izanda. Ikasturtea nabarmen baldintzatu duten hainbat mugarri aipatu dituzte, ETAren desegitea edo Pedro Sanchez gobernu espainiarreko presidentetzara iritsi izana kasu.
bideoa prestatzen
Unai Rementeria izendatu dute Bizkaiko Ahaldun Nagusi, PSEren babesarekin

2019-06-27
Bizkaiko ahaldun nagusia aukeratzeko bilkuran, Rementeriak esan du Jaurlaritzaren lehentasuna dela kalitatezko enplegua sortzea, eta horretarako 10 milioi euroko plan berezi bat gauzatuko dutela. "Hirugarren iraultzaz" hitz egin du; aurreko biak "Guggenheim Museoa eta industria iraultza" izan zirela adierazi du. Gernikako Batzarretxean egindako bilkuran, EAJko Unai Rementeriak, EH Bilduko Bea Ilardiak eta Elkarrekin Podemoseko Eneritz de Madariagak aurkeztu dituzte hautagaitzak. De Madariagak, eskubide sozialen alde egingo duen sistema baten beharra azpimarratu du. Ilardiak, aldiz, adabaki gabeko epe luzerako planteamendua azaldu du.
bideoa prestatzen
Ahotsa.info-ren aurkako salaketa artxibatu du Espainiako Auzitegi Nazionalak

2019-06-27
Ahotsa.info-ren aurkako salaketa artxibatu du Espainiako Auzitegi Nazionalak. Terrorismoa goratzea leporatuta salatu zuen Espainiako Poliziak ikus-entzunezko hedabide digitala, iazko uztailan, bi albistetan “euskal preso politikoak” terminoa erabiltzeagatik.
bideoa prestatzen
Urriaren 16ra atzeratu du Parisek Josu Urrutikoetxearen kontrako euroagindu eskaera saioa

2019-06-26
Urriaren 16ra atzeratu du Parisek Josu Urrutikoetxearen kontrako euroagindu eskaera saioa. Gizarteriaren aurkako krimenak leporatuta eskatu du estatu espainiarrak euroagindua. Epaileak gaur hartutako erabakiaren arabera, ordura arte preso jarraitu beharko du Urrutikoetxeak. Dena den, defentsako abokatuek dagoeneko iragarri dute behin behinean libre uzteko eskatuko dutela. Aste pare batean egin daiteke hori erabakitzeko saioa.