Skip to main content

Azken bideoak: Politika

bideoa prestatzen
Nafarroako Parlamentuak eskuin muturreko biktimen aitortzarako lege berria onartu du

2019-02-14
Nafarroako Parlamentuak gaurko bilkuran eskuin muturreko taldeen edo funtzionario publikoen jazarpenaren biktimak erreparazio eta aitortzarako Foru Lege proposamena onartu du. Izaera administratiboa du lege proposamenak eta helburua eskuin muturreko taldeen edo funtzionario publikoen indarkeriazko jardunak eragindako biktimen errekonozimendua eta erreparazioa sustatzea da.
bideoa prestatzen
Aurrekonturik gabe, hauteskundeak aurreratu ditzake Pedro Sanchezek

2019-02-13
Diputatuen kongresuak atzera bota du Pedro Sanchezen gobernuak aurkeztutako aurrekontu proiektua. Azken orduko negoziaketek ez dute emaitzarik izan, eta PSOE eta Podemosek adostutako aurrekontu proiektuak ez du alderdi kataluniarren babesik lortu. Aurrekontuak bertan behera geratu ondoren, posible da Pedro Sanchez presidenteak hauteskundeak aurreratzea. Duela egun batzuk Apirilaren 14a aipatu zen arren, geroz eta gehiago dira hauteskundeak Apirilaren 28an izan daitezkeela diotenak. Beste aukera, hilabete gehiago itxaron eta estatuko hauteskundeak ere Maiatzaren 26an deitzea da. Kasu horretan egun berean ospatuko lirateke Udal eta Foru hauteskundea, Europar parlamenturakoak, eta Kongresu eta Senaturakoak.
bideoa prestatzen
Fiskaltzaren txanda, Kataluniako prozesuaren aurkako epaiketan

2019-02-13
Preso politiko Kataluniarren aurkako epaiketaren bigarren saioa izan da gaur Auzitegi Goren espainiarrean. Atzokoan defentsen txanda izan ondoren, gaurkoan akusazioek hartu dute hitza.
bideoa prestatzen
Foro sozial iraunkorrak biktimen alorrean garatzen ari den lanaren logikaren berri eman du

2019-02-13
Adierazi dute aitortza eta erreparazioa maila berdina behar dutela giza-eskubide urraketa berdinek. Ezin dela biktimen arteko diskriminaziorik onartu. Urrian egin zen 5.Foro Sozialaren ondorio nagusia izan zen egia jakiteak, egia osoa eta egia guztiak jakiteak, egingo duela askeago gizarte hau. Horregatik azpimarratu dute ardura hori euskal gizarte osoarena dela; herritar zein instituzio eta eragile politikoena. Horren adibide da Otsailaren 23an egingo duten topaketa. Jardunaldiak bi mahai-inguru izango ditu: Alde batetik aita galtzea zer den ondo dakiten bi pertsonak hartuko dute parte Maria Jauregi ETAren biktimaren alaba eta Peru Del Hoyo berriki espetxean hil den preso politikoaren semea. Bigarren mahai inguruan, berriz, euskal gatazka delakoan, arrazoi politikoak tarteko, sufrimendua pairatu duten pertsonak egongo dira.
bideoa prestatzen
Giza katea egin da Bilbon Herri Ekimen Legegilearen defentsan

2019-02-13
Prentsaurrekoan adierazi dute pobreziaz eta bazterketa sozialaz eztabaidatzeari uko egitea dela ekimenari kontra bozkatzea. Euskal Herriko Eskubide Sozialen Kartak protesta egin du Bilbon, eztabaidatzeari uko egin zioten EAJ, PSE eta PPren jarrera «autoritarioa» salatzeko. Hauen egoitzak batuz egin da ibilbidea. Amaierako ekitaldian, gogoratu dute Gasteizko Parlamentuan aurkeztu zuten Herri Ekimena Legegilearen helburua prestazio sozialen sistema nabarmen hobetzea zela.
bideoa prestatzen
Mila aulki huts jarri dituzte Gaztelu Plazan, torturaren biktimak irudikatzeko

2019-02-13
Nafarroako Torturatuen Sareak eragile politikoei dei egin die hauteskunde programetan torturaren inguruko ikerketa egiteko konpromezua hartzera. Horretarako gaur, Joxe Arregi Carabanchelgo Ospitalean Polizia Nazionalaren eskutik jasandako torturaren ondorioz hil zenetik 38 urte betetzen diren egunean, Iruñeko Gaztelu plazan 1.000 aulki huts jarri dituzte, Nafarroan tortura pairatu duten pertsonak irudikatzeko.