Skip to main content

Azken bideoak: Politika

bideoa prestatzen
Inkestek huts egin dute Gasteizen eta EAJ garaile atera da, PSN eta EH Bilduren aurretik

2019-05-26
PNV nagusitu da Gasteizen, zazpi zinegotzi eskuratuta, eta modu honetan Gorka Urtaranek eskura du alkatetza. PSEren hautagaitza izan da bigarren indarra. EH Bildu sozialistengandik gertu geratu da eta hirugarren indarra izan da Miren Larrionen hautagaitza.
bideoa prestatzen
Laukoak galdu du gehiengo parlamentarioa

2019-05-26
Laukoak ez dio Nafarroako Gobernuari eutsi. Geroa Bai eta EH Bildu parlemantari kopuruan mantenduta, Podemosen bost parlamentariren galerak gogor jo du aldaketa. Alderdi morearen kolpea PSNk probestu du eta bigarren indar da 11 parlamentarirekin. Gobernu aldaketa abian da Nafarroan, eta ikusteke dago Navarra Sumaren agintean izango den ala Maria Chivitek babes nahikoa lortzen duen.
bideoa prestatzen
Gehiengo osorako zinegotzi bakarraren faltan geratu da EAJ Bilbon

2019-05-27
Ezusterik gabe joan dira udal hauteskundeak, inkesta gehienek iragarri bezala, 14 hautetsi dituzte Jeltzaleek udalean. Orain arte baino bat gehiago izango du agintaldi berrian, 8.000 boto gehiago izan baititu. Atzetik jarraituko diote PSE-EEK eta EH Bilduk, 5 eta 4 zinegotzirekin hurrenez hurren. Bart hunkiturik agertu da alkatetzari eutsiko dion Juan Mari Aburto.
bideoa prestatzen
Protesta artean eskatu du bozka EAJk Donostian egindako ekitaldian

2019-05-24
Kontxako hondartzane gin du EAJk Gipuzkoan bozka eskatzeko azken ekitaldia. Eneko Goia Donostiako alkategaiak, Markel Olano Gipuzkoako Batzar Nagusietarako zerrendaburuak eta Joseba Egibar GBB-eko presienteak hartu dute bertan hitza. EAJko hautagaiak azken aldiz bozka eskatzen ari ziren bitartean, baina, euren atzean, protesta ekimena egin dute Gipuzkoako helduen egoitzetako langileek, LAB sindikatuak deituta.
bideoa prestatzen
Diputatu izendatutako preso politiko kataluniarrak kargugabetu ditu Kongresuak

2019-05-24
Diputatu gisa hautatuak izan diren preso politiko kataluniarrak kargugabetu egin ditu Kongresuko Mahaiak. PSOE, PP eta Ciudadanosek babestu dute erabakia. Unidas Podemosek aurka bozkatu du. Kongresuko zerbitzu juridikoei aholku eske eskatutako txostena jaso ondoren hartu du erabakia mahaiak. Kongresuko legelariek preso politiko kataluniarrak kargugabetzearen aldeko jarrera azaldu dute.
bideoa prestatzen
Raquel Gonzalezek (PP) EAJrik gabeko Bilbo posible dela aldarrikatu du

2019-05-24
Bizkaiko Alderdi Popularrak Bilboko erriberako merkatuan egin du kanpaina itxierako ekitaldia. Raquel Gonzalez PPko Bilboko alkategaiak EAJrik gabeko Bilbo posible dela aldarrikatu du. Adierazi du segurtasuna indartu eta auzoak hirian integratzeko jardungo duela lanean. Aldi berean, babes sozialerako laguntzetan gertatzen ei den iruzurraren aurkako borrokan engaiatzeko asmoa adierazi du. Bestalde, Amaya Fernandez Batzar Nagusietarako zerrendaburuak nabarmendu du Bizkaiarako Popularrek duten proiektua enpleguan oinarritzen dela.