Skip to main content

Azken bideoak: Politika

bideoa prestatzen
'De Miguel auziko' akusatuetako batzuk soilik daude delituak onartu eta fiskaltzarekin akordioa egiteko prest

2018-10-15

Fiskaltzaren eta akusatu nagusien arteko akordiorik gabe berrabiatu da Arabako Probintzia Auzitegian De Miguel auziko epaiketa. Joan den urriaren 1ean, auzi saioak hamabost egunez etetea erabaki zuen epaimahaiak, Arabako fiskalburuak eskatuta, Fiskaltzak eta defentsak zigorraren inguruko akordioa lortzeko lanean jarraitzeko.

Ba goizean, auzi saioa hasi aurretik, Josu Izagirre Arabako fiskal nagusiak iragarri du "tamalez" ez dutela akordiorik lortu Fiskaltzaren eta akusatu nagusien artean, nahiz eta zenbait akusatuekin akordioa erdietsi duen.

Akordio horren arabera, zenbait akusatuk onartu egingo dute fiskaltzaren tesi nagusia, hau da, legez kanpoko komisioak kobratzeko sare bat egon zela eta haiek sare horren kide izan zirela. Izagirrek ez ditu eman akordio horri buruzko xehetasun gehiago, ezta akordioa norekin lortu duen ere. Baina jakina da Alfredo de Miguel akordiotik kanpo geratu dela.

bideoa prestatzen
Alokairu sozialeko etxebizitzak sustatuko ditu Nafarroako Gobernuak

2018-10-15
100dik gora alokairuzko etxebizitza sustatuko ditu Nafarroako Gobernuak landa eremuan, Iruñerria kanpoko eskaintza handitzeko. Horrela, exekutiboak bere apustua berretsi nahi du alokairu sozialeko etxebizitza kopurua handitzeko bai eta eraikinen eraberritze lanak sustatzeko ere.
bideoa prestatzen
700 egun daramatzate preso Altsasuko gazteek

2018-10-15
Bi urte bete dira Altsasuko auziari hasiera eman zion liskarra gertatu zenetik. 700 egun daramatzate preso Adur Ramírez de Alda, Jokin Unamuno eta Oihan Arnanzek; eta 128 egun, Aratz Urrizola, Iñaki Abad, Jon Ander Cob eta Julen Etxeberriak. Egoera salatzeko ekitaldi berezia egin zuten atzokoan Altsasun eta gazteak aske uzteko eskatu zuten beste behin.
bideoa prestatzen
Ez dago lege oinarririk euskal preso politikoen %95 lehenengo graduan mantentzeko.

2018-10-11
Euskal preso politikoen % 95 inguru oraindik 1go graduan sailkaturik eta horietatik 27 bakartze moduluetan modu iraunkorrean dauzkatela gogorazi du Etxerat elkarteak. Uztailatik , gradu aldaketa lortzeko preso politikoen egindako eskaerei, espetxe zaintzako epaitegiak 47 ezezko ebazpen egin ditu, eta 2 kasuetan soilik bigarren graduaren igarotzea onartu. Irailetik 70 eskaera erantzunaren zain daudela azpimarratu du Etxeratek.
bideoa prestatzen
Eskola inklusiboaz solasaldia hezkuntza alorreko eragileekin eta arnasguneen garazpenaz Miren Segurolarekin

2018-10-10
Segregazioaren inguruan aritu gara Sabin Zubiri (Zubiak Eraikiz), Lurdes Imaz (EHIGE), Ana Perez (Steilas) eta Koldo Telliturekin (Ikastolen Elkartea) eta arnasguneen prebentziotik garapenerako jauzia egiteaz UEMAko koordinatzaile Miren Segurolarekin.
bideoa prestatzen
EAJk eta EH Bilduk erabakitzeko eskubidearen alde egin dute Bruselan

2018-10-10

Erabakitzeko eskubidearen defentsa egin dute Joseba Egibar EAJko legebiltzarkideak eta Maddalen Iriarte EH Bildukoak Europako Parlamentuan.

Ordezkapenik Gabeko Nazio eta Herrien Erakundeak eta Kataluniaren eta Europako Batasunaren arteko elkarrizketa sustatzearen aldeko plataformak autodeterminazio eskubideari buruzko mintegi bat antolatu dute eta bertan parte hartu dute euskal ordezkariek.

Egibarrek argudiatu du estaturik gabeko nazioek "leku bat" izan behar dutela Europan, eta horretarako erabakitze eskubidea oinarrizkoa dela esan du, baita Espainiarekin adostasunak eraikitzea ere.

Iriartek, berriz, estatus politiko berriaren oinarrien inguruko akordioa balioetsi du, eta Europako Parlamentuan erabakitze eskubidea naturalki egikaritu duten herrien adibideak ikusita, Espainiaren jarrera ulertezina dela nabarmendu du.