Skip to main content

Azken bideoak: Politika

bideoa prestatzen
Madrilen "pentsiodunen ahotsa" izango dela adierazi du EH Bilduk

2019-04-25
Gaur egin duten prentsaurrekoan Oskar Matutek adierazi du kolektibo honen eskakizunak bidezkoak eta beharrezkoak direla bizi baldintza duinak bermatzeko. Eh Bilduko Bizkaiko Kongresurako hautagaiak esan du pentsioak eskubide bat direla eta inoiz ez pribilegio bat. Pentsiodunei duintasuna bueltatzeko garaia dela adierazi du, pentsio minimoak segurtatuz, sostengarritasun faktorea indargabetuz eta Gizarte Segurantza gestionatuz. Banku desberdinen aurrean eman du alderdiak prentsaurrekoa, hauek pentsioetan duten erantzukizuna azpimarratzeko. Izan ere, bankuak erreskatatzeko erabili ziren 4 euroetatik 1 erabili zen pentsioetarako.
bideoa prestatzen
Joseba Agirretxea: “EAJren esku baldin badago eskuineko hirukotea ez da gobernatzen arituko”

2019-04-24
Joseba Agirretxea EAJren Kongresurako hautagaiarekin hitz egin dugu gaurko albistegian. EAJk kongresuan akordioetara iristeko duen malgutasunaz, VOX alderdiari buruz, Kataluniako autodeterminazio prozesuaz, transferitzeke dauden eskumenez eta autonomia estatutu berriari buruz hitz egin dugu besteak beste.
bideoa prestatzen
Espainiako Gobernuan herritarren lehentasunak defendatuko dituztela adierazi du PSEk

2019-04-24
Gaur goizean, Izaskun Gómez Pasaiako alkateak eta Odon Elorza PSOEko kongresurako hautagaiak, Pasaiako tren estaziora eraman dute hauteskunde kanpaina etorkizunari nola aurre egingo dioten azaltzeko. Hauteskundeei begira, PSOErengan konfiantza eskatu dute eta herritarrek dituzten lehentasunak Espainiako gobernura eramango dituztela agindu. Izaskun Gómezen esanetan, Pasaiako herritarren beharrak eta lehentasunak ondo ezagutzen dituzte eta justizia soziala, bizi-kaliatea, bizikidetza eta berdintasuna aldarrikatzen dute. Gaineratu du egun bizitzen ari garen giro politikoan kontzeptu asko bereiztea falta dela, alkatearen ustez, inposizioz beteriko eta Europan eta Espainian ezagutu izan dugun eskuineko gobernua ekiditeko era bakarra.
bideoa prestatzen
Txus Martin preso gaixoaren ebakuntza atzeratu egin dutela salatu dute

2019-04-24
Txus martinen askatasunaren aldeko plataformak elkarretaratzea egin du gaur Bilboko Justizia jauregiaren aurrean, larriki dauden preso gaixoen askatasuna aldarrikatzeko, bereziki egoera oso larrian dagoen Txus Martinena. Plataformatik adierazi dutenez, Txusen ebakuntza atzeratu egin da, eta hurrengo egunetan emango da bere egoeraren berri, adi-adi jarraituko dute kasua bere eskubideak urratu ez daitezen.
bideoa prestatzen
Hala Bedik ez du Mozal Legeagatik ezarritako isuna ordaindu beharko

2019-04-24
Ertzaintzak 600 euroko isuna jarri zion, 'mozal legea' baliatuta. Epaileak dio ez dela frogatu kazetariak ertzainen aurka egin nahi izan zuela. Eusko Jaurlaritza zigortu du auzibideak eragindako kostuak ordaintzera. Hedabideak behin eta berriz salatu ditu prozesu judizialean izan diren trikimailu eta haien esanetan gezurrak direnak. 2017ko maiatzean jazotako gertakariengatik jarri zion isuna Ertzaintzak Saenz de Buruagari. Kazetaria Hala Bedirako ari zen lanean, Gasteizko Errekaleor auzoko argindarra moztu zuten eguneko operazioaren berri ematen. Hainbat hilabete geroago, Ertzaintzak isuna bidali zion, ertzainen aginduen aurka polizia hesia apurtzeagatik. Epaileak ondorioztatu du Kazetariak arau-haustea aurreikus zezakeela, baina ezin izan zuela saihestu; besteekin mugitu zela, jendetzaren mugimendua gelditu ezinik. Momentu hartan kazetariak ere salaketa jarri zuen: ertzain batek telefonoa lurrera bota ziolako, gertakariak grabatzen ari zela. Salaketa EAEko Arartekora eraman zuen. Ezin izan zuen auzibiderik abiarazi, ez zelako polizia identifikatzeko modurik egon. Epaia behin betikoa da, eta ezin zaio helegiterik jarri.
bideoa prestatzen
Rafa Sainz de Rozas: "Arriskua ez da VOX, arriskua PSOEk Ciduadanosekin hitzarmen bat lortzea da"

2019-04-23
Elkarrekin Podemosen Gipuzkoako Kongresurako zerrendako bigarrena da Rada Sainz de Rozas. Alderdiak azken lau urteotan izan duen bilakaeraz, alderdiaren barne gatazkek izan ditzaketen eraginez, euren proposamenez, ultraeskuinaren igoeraz eta autodeterminazio eskubideari buruz hitz egin dugu berarekin.