Skip to main content

Azken bideoak: Politika

bideoa prestatzen
Ainhoa Aznarezek feminismoa lan-ildo politikotzat hartzeko hitza eman du

2019-05-14
Podemosek Nafarroako parlamentuan berdintasun arloan planteatuko dituen lan ildo nagusiak aurkeztu ditu gaur. Mikel Buil eta Ainhoa Aznarez urritik aurrera Emakumeen Etxea izango denaren aurrean mintzatu dira.
bideoa prestatzen
Pentsiodunak beste astelehen batez elkartu dira Bilboko Udaletxean

2019-05-13
Astelehenero bezala, pentsiodunak Bilboko Udaletxearen atarian bildu dira, pentsio duinak aldarrikatzeko. Gaurkoa, burutu duten 71. kontzentrazioa izan da, larunbatean Euskal Herriko eta Espainiako hainbat hiriburutan egindako mobilizazioak eta gero. Astero errepikatzen dituzten eskariekin batera, larunbateko mobilizazioen balorazioa egin dute. Hainbat hiriburu mobilizatu zirela adierazi dute, nahiz eta aurretik egindako beste manifestaldi handietan baino jende gutxiago hurbildu zen. Hala ere mugimenduaren aniztasuna eta batasuna sendo jarraitzen duela adierazi dute, eta mobilizazioekin jarraituko dutela, gutxieneko eskubide duin batzuk lortu arte. Estatuko hauteskundeen emaitzetan Pedro Sanchez irabazle atera izana ez dute begi txarrez ikusi. Hala ere, konfidantzarik ez dute parlamentuak haien egoera aldatuko duenik. Indarra eta aldatzeko gaitasuna beraiengan dagoela ondorioztatu dute, eta gauzak aldatzeko esperantzarik galdu ez dutela.
bideoa prestatzen
Alfredo Perez Rubalcaba hil da

2019-05-10
Alfredo Perez Rubalcaba Espainiako politikari ohia hil da, iktus baten ondorioz ospitalean bi egunez egon ondoren. Espainako Gobernuan izan zen Felipe Gonzalezekin eta Jose Luis Rodriguez Zapaterorekin, eta haren itzala nabaria da Euskal Herriko politikako une erabakigarri askotan. Besteak beste, ETArekin egindako azken negoziazioetan, 2007ko abuztuan Nafarroako PSNk hartu zuen erabakian eta Portu eta Sarasolaren torturen auzian. Kargu garrantzitsuak izan ditu Rubalcabak (Kantabria, Espainia, 1951) Espainiako Gobernuan. Euskal Herrian ezagunak dira haren hainbat adierazpen, bereziki, ezker abertzalearen eta gatazka armatuaren konponbide prozesuen inguruan. Itzalpetik eragin izan du gehiago, ordea.
bideoa prestatzen
Lau lagun atxilotu dituzte Derryn Lyra McKee kazetariaren hilketarekin lotuta

2019-05-09
Ipar Irlandako poliziak atxilotu ditu ustez pasa den hilean izandako istiluetan kazetariaren hilketarekin lotura izan dezaketelako. Apirilaren 9an hil zuten 29 urteko kazetaria Derryn izandako istiluen ondorioz. IRA berria deituriko disidente errepublikarrek poliziaren aurka tiroz oldartzean, zauritu zuten McKee. Bakearen Prozesuaren aurkako taldeak gero onartu zuen erantzukizuna. Gaur etxebizitzak erregistratu ostean atxilotu dituzte susmagarriak 15, 18, 38 eta 51 urtekoak. Informazio iturriaren arabera hiriko polizia-etxera eraman dituzte eta han egon daitezke 48 orduz, Erresuma batuko terrorismoaren aurkako legean jasota dagoen lez. Honen ostean, bi egunak igarota eta kargurik aurkezten ez bada, poliziak galdeketekin jarraitu dezake tribunalari luzapena eskatuz gero, 28 egun gehiagora arte.
bideoa prestatzen
FJIak onartuta, legealdiaren balantze positiboa egin du Iruñeko Udalak

2019-05-09
Iruñeko Udalbatzak onartu egin ditu Finantzieroki Jasangarriak diren Inbertsioak, Euskal Herria Bildu, Geroa Bai, PSN eta Izquierda Ezkerraren babesaz. Batzarraren ostean abertzaleen koalizioko hautetsiek legealdiaren balantzea egin dute.
bideoa prestatzen
Pentsiodunek mobilizazioak deitu dituzte maiatzaren 11rako

2019-05-09
Bilbon egin dute maiatzaren 11rako deituta dauden mobilizazioetarako prentsaurrekoa. Araba, Bizkaia eta Gipuzkoako eta baita Nafarroako hiriburuetan, manifestaldia egingo dute Pentsiodunen plataformek, haien eskubidean berma daitezen. Pentsiodunak ez ezik, gizarteko eragile guztiei eta adin guztietako jendarteari luzatu diete deia. Eskatzen dituzten aldaketak hauek dira: pentsio duinak bermatuko dituen Sistema Publiko bat, pentsioen eguneratzea KPIren arabera, 1080 euroko gutxieneko pentsioa, 1200 euroko gutxieneko soldata, 2011 eta 2012ko pentsio erreforma atzerakoiak indargabetu, soldata eta pentsio arrakalekin amaitzea eta pentsio pribatuen zerga-salbuespenekin bukatzea. Bilbon, manifestaldia Bihotz Sakratuko plazatik aterako da, arratsaldeko seietan.