Skip to main content

Azken bideoak: Politika

bideoa prestatzen
Pentsiodunek mobilizazioak deitu dituzte maiatzaren 11rako

2019-05-09
Bilbon egin dute maiatzaren 11rako deituta dauden mobilizazioetarako prentsaurrekoa. Araba, Bizkaia eta Gipuzkoako eta baita Nafarroako hiriburuetan, manifestaldia egingo dute Pentsiodunen plataformek, haien eskubidean berma daitezen. Pentsiodunak ez ezik, gizarteko eragile guztiei eta adin guztietako jendarteari luzatu diete deia. Eskatzen dituzten aldaketak hauek dira: pentsio duinak bermatuko dituen Sistema Publiko bat, pentsioen eguneratzea KPIren arabera, 1080 euroko gutxieneko pentsioa, 1200 euroko gutxieneko soldata, 2011 eta 2012ko pentsio erreforma atzerakoiak indargabetu, soldata eta pentsio arrakalekin amaitzea eta pentsio pribatuen zerga-salbuespenekin bukatzea. Bilbon, manifestaldia Bihotz Sakratuko plazatik aterako da, arratsaldeko seietan.
bideoa prestatzen
Bakartxo Ruizek eta Adolfo Araizek legealdiaz hausnartu dute

2019-05-08
Bakartxo Ruiz eta Adolfo Araizek legealdiaren errepasoa egin zuten Hamaika Telebistako, Nafarroa Gaur saioan. EH Bilduren Nafarroako Parlamenturako zerrendaburu eta zerrendaburu ohiak, euren ikuspegia eman zuten azkeneko lau urteei buruz egindako ibilbideaz eta eskualdeak dituen erronkez.
bideoa prestatzen
Eta segi aurrera! liburua aurkeztu dute Añorgako zinema zaharrean

2019-05-07
Eta segi aurrera! Liburua aurkeztu zuten maiatzaren 6an Añorgako zinema zaharrean. Izan ere, 1979ko maiatzaren 6an sortu zen Jarrai gazte antolakundea, orain dela 40 urte. Liburuan ezker abertzaleko gazte antolakundeek lau hamarkadatan eginiko topaketak, eztabaidak, gogoetak eta landutako gaiak jaso dituzte: soldadutza, drogen kudeaketa, feminismoa, hezkuntza, Ipar eta Hego Euskal Herriaren arteko harremanak, besteak beste. Txalaparta argitaletxeak argitaratu du liburua, eta koordinazio lanetan Markel Ormazabal, Irati Sienra eta Xabier Iraola aritu dira beste zazpi lagunekin batera. Artxiboko lanaz gain, garai ezberdinetako 53 pertsona elkarrizketatu dituzte zazpi taldetan banatuta. Horretaz gain, pasarte batzuk lehen pertsonan daude idatzita, testigantza gisa. Sortzaileek Eduardo Galeanoren eltzearen ipuinaren kontzeptua erabili dute gazte antolakundearen bilakaera erakusteko.
bideoa prestatzen
Istanbulgo hauteskundeetako emaitzak baliogabetu ditu Hauteskunde Batzordeak Erdoganen eskaria beteta

2019-05-07
Oposizioko CHP alderdi sozialdemokrataren hauteskunde garaipena bertan behera utzi du Turkiako Hauteskunde Batzordeak. Ondorioz Ekrem Imamogluk Istanbulgo alkatetza galdu du, kargua hartu eta hiru astera. Hauteskunde batzordearen erabakiak gobernu zentralaren oposizioaren haserrea eragin du eta milaka pertsona atera dira gauean kalera protesta egitera.
bideoa prestatzen
Txus Martin preso gaixoari emandako tratu 'krudela' salatu du Sarek

2019-05-07
Egoera ikusita larriki gaixo dagoen presoaren kaleratzea eskatu du gaur Bilbon. Euskal presoen eskubideekiko errespetua eskatu du, eta larriki gaixo dauden presoen kasuan, dagokien tratamendua espetxetik kanpo eta senideekin jaso ahal izateko aukera izatea. Eusko Jaularitzaren delegaritzaren aurrean izan da elkarretaratzea. Izan ere Herrizaingo Sailaren jarrera salatu nahi izan dute, autoaren interpretazio esan dute murriztailea eta Ertzaintzaren presentzia handitzen zuena gelaren barruan. Hala ere, adierazi dute zaintza modua aldatu egin dela azken orduetan. Ertzaintzak jarrera aldatu arren, Sarek elkarretaratzeari eustea erabaki du, Txusek eta bere senideek jasan behar izan duten tratua salatzeko eta larriki gaixo diren presoen berehalako etxeratzea eskatzeko.
bideoa prestatzen
Balizko aliantzak eta gobernu akordioak, maiatzaren 26ko gauaren ondoren iritsiko dira

2019-05-06
Hego Euskal Herriko alderdi politikoak, apirilaren 28ko bozen ondoren, maiatzaren 26ko hauteskundeetara begira daude. Orduan finkatuko dira, balizko gobernu aliantzak. Bestalde, epaileek argi berdea eman diete Carles Puigdemont, Toni Comin eta Clara Ponsatí-ri Europako parlamentuko hauteskundeetarako hautagai izateko. Guzti honen inguruan aritu gara Elsa Pamparacuatro eta Izaskun Duquerekin batera.