Skip to main content

Azken bideoak: Politika

bideoaren irudia
Udalbiltzak euskal herritartasuna bultzatzeko ekimenak aurkeztu ditu

2014-03-19

Udalbiltzak Euskal Herriaren eta euskal herritartasunaren aitortza bultzatzeko ebazpena aurkeztu du. 200 alkate eta zinegotzik ekarpenak egin ostean onartu zuten agiria pasa den ostiralean. Bizi dugun unea euskal herritartasunean sakontzeko egokia dela azaldu dute eta hori dela eta hainbat ekimen zehaztu dituzte. Batetik, euskal sinboloen erabilera handituko dute. Bestetik, udaletako webguneetan .eus erabilera bultzatuko dute eta azkenik, euskal herritartasuna publikoki adieraziko duen agiri ofizial bat sortuko dute.

bideoaren irudia
Iheslari ohiek konponbide prozesuarekiko konpromiso osoa adierazi dute

2014-03-17

50 iheslari ohi inguru elkartu ziren atzo Altsasuan, Iortia kultur etxean egindako agerraldian. Euskara hutsean irakurritako agirian, konponbide prozesuarekin konpromiso osoa erakutsi zuten, eta iheslariek etxera itzultzeko hartutako bidean laguntzera datozela adierazi. Ihesaren soka betiko eteteko laguntza eskaini zuten.

bideoaren irudia
Donostiarrak bosgarren edukiontzia erabiltzen hasiko dira

2014-03-17

Groseko bizilagunak edukiontzi organikoa erabiltzen hasiko dira gaur eta dagoeneko txartelak dauzkate etxean. Sistema berria Gros eta Amara auzoetan probatu eta egokitu ostean, hiriko beste auzo guztietan ezarriko dute. Prozesua lau fasetan egingo dute, eta guztira, 450 edukiontzi jarriko dituzte. Gainera, honen erabiltzaileek zabor tasetan deskontuak jasoko dituzte.

bideoaren irudia
Konponbidearen aldeko manifestua aurkeztu dute hainbat herritarrek

2014-03-15

Arlo ezberdinetako zenbait herritarrek, giza eskubideen defentsa beharrezkoa dela aldarrikatu dute, Donostiako San Telmo museoan egindako ekitaldi batean. “Konponbidea, Euskal Presoak Euskal Herrira” izeneko manifestua, Eneko Olasagasti zinegileak, Joseba Azkarraga politikariak eta Teresa Toda kazetariak irakurri dute, hiru hizkuntzetan. Ekitaldian izan dira bestalde, manifestuaren beste sinatzaile batzuk. Hala nola, Maialen Lujanbio, Jabier Madrazo, Jule Goikoetxea eta Ramon Zallo.

bideoaren irudia
Cabacas auzian inputazio gehiago iragarri ditu Goirizelaiak

2014-03-14

Bi urte beteko dira laster Iñigo Cabacas Athletic zalea hil zuela Ertzaintzak jaurtitako gomazko pilota batek. Hori dela eta ekitaldi sorta antolatu du "Iñigo Gogoan" herri ekimenak. Besteak beste, errepresioari zein polizia ereduari buruzko mahai inguruak egingo dituzte eta Cabacasen lagunek bi urteotan bizitakoa kontatuko dute. Apirilaren 5ean, eguerdian, ekitaldia egingo dute senide eta lagunek. Arratsaldean manifestazioa izango da, Fermin Muguruzak, Jare musika taldeak eta bertsolariek lagunduta.

bideoaren irudia
Romerok Giza Eskubideen Batzordeko presidentetza utziko du

2014-03-13

Rafaela Romero sozialistak Giza Eskubideen Batzordeko presidentetza utzi du. Gipuzkoako Batzar Nagusiek Sevilla II espetxea bisitatzea erabaki zuten, EAJ, Aralar eta Bilduren babesaz. Hori horrela, Lohitzune Txarola eta Rafaela Romero ziren espetxea bisitatzekoak, bertako presoek jasaten duten egoera gertutik ezagutzeko. Romerok ordea, hau ukatu eta "koherentzia politikoagatik" dimitu duela esan du.