Skip to main content
bannerra

Azken bideoak: Politika

bideoa prestatzen
Herrigintza aro berri baterako oinarrietan sakontzeko ariketa antolatu du Plaza Hutsak

2019-02-11
Plaza Hutsa ekimenak herrigintza aro berri baterako oinarrietan sakontzeko ariketa antolatu du asteburuan Bizkaiko metropolian, hain zuzen, Bilbon eta Portugaleten. Ostiralean hezkuntza sistema izan zuten aztergai Bilbon eta larunbatean, Portugaleteko merkatuan, herrigintzaren arloan gogoeta egiteko plaza ireki zuten.
bideoa prestatzen
Ainhoa Aznarez, Mikel Buil eta Tere Saezek Orain Bai-Podemos taldeko kide izaten jarraituko dute

2019-02-11
Txosten juridiko batean oinarrituta Orain Baik Ainhoa Aznarez, Mikel Buil eta Tere Saez taldetik kanporatzeko eskaera atzera bota du Parlamentuko mahaiak. Horrela Ainhoa Aznarezek hemizikloko presidente izaten jarraituko du.
bideoa prestatzen
Bi pertsona atxilotu ditu Ertzaintzak 2014ko sabotajeekin erlazionatuta

2019-02-07
Gaur goizean atzeman ditu Ertzaintzak Galder Barbado gazte amurrioarra eta Aitor Zelaia Gasteiztarra. Poliziak 2014an eta 2015ean egindako bi sabotaje leporatu dizkie. Ustez, Entzutegi Nazionalera, Madrilera, eramango dituzte biak. Operazioa Entzutegi Nazionalak agindu du. Atxilotze aginduaren arabera, 2018an aurkitutako bidoi batekin erlazionatzen dira gazteak. Bertan esaten da, bidoian etxe-lehergaiak fabrikatzeko piroteknia materiala zegoela. Eta bi gazteak 2014 eta 2015ean izandako ekintza desberdinen erantzuletzat hartzen dira.
bideoa prestatzen
Gure Esku Dagok Kataluniako buruzagi independentistak babestu eta demokraziaren aldeko manifestazioa deitu du Donostian

2019-02-07
Kataluniako buruzagi independentisten aurkako epaiketaren hasiera dela eta, Gure Esku Dagok mobilizazio ezberdinak antolatu ditu elkartasuna adierazi eta konponbidea, demokrazia zein askatasuna eskatzeko. Otsailaren 12an, epaiketaren hasiera egunean, elkarretaratzeak deitu dituzte Hego Euskal Herriko lau hiriburuetan eta beste hainbat herrietan. Gainera, otsailaren 17an, igandez, manifestazioa egingo dute Donostian.
bideoa prestatzen
Eusko Legebiltzarrean Herri Ekimen Legegilea bozkatzean ezezkoa atera da

2019-02-07
Euskal Herriko Eskubide Sozialen Kartak aurkeztutako Herri Ekimen legegilea bozkara eraman da gaur Eusko Legebiltzarrean. 51.000 sinadura bildu zituen Herri Ekimen Legegileak, Araba Bizkaia eta Gipuzkoan. Janire Landaluze, ekimena aurrera atera duten eragileen ordezkarietako bat, osoko bilkuran Ekimen Legegilearen defentsa egin ostean, bozkara eraman da proposamena. 75 legebiltzarkidetik, baiezkoa 29k eman dute, eta gailendu den ezezkoa 46 izan dira. Gauzak horrela, baiezko botoak EH Bilduk eta Elkarrekin Podemos alderdiek eman dituzte; ezekoa, ordea, EAJ, PSE eta PPk eman dute. Eskubide Sozialen Kartak, Herri Ekimen Legegilean ezezkoa bozkatu duten talde politikoak aintzat hartuta, mobilizazioa egitea erabaki dute. Otsailaren 13rako deitu dute, eta PP, PSE eta EAjren egoitzak lotuko dituen giza katea eratzera dei egin dute.
bideoa prestatzen
Nafarroak Madrilgo gobernuarekin pendiente dituen esku-aldatzeen berri eman du

2019-02-07
Konpetentzien esku-aldatzearen inguruan galdegin diote gaurko Nafarroako Parlamentuaren bilkuran Beaumont Kontseilariari. Barne sailburuak adierazi du Trafiko Konpetentzien transferentziaren atzerapenaren zergatia estatuko Trafiko zuzendaritzaren txosten bat dela. Espetxeko Osasun arretari dagokionez eskumenak hartzeko gai da Nafarroa, Madrilgo Gobernuarekin hala adostuta.