Skip to main content

Azken bideoak: Politika

bideoa prestatzen
Altsasuko manifestazioa jendetsua izatea espero dute

2019-03-22
Igandean Altsasun elkartasun manifestazioa deitu dute espetxeraturik jarraitzen duten gazteen askatasuna eskatu eta orain aste batzuk Auzitegi Nazionalak ezarritako kondenak salatzeko.
bideoa prestatzen
EAJ eta PDeCAT nor bere aldetik aurkeztuko dira Europako Parlamentuko hauteskundeetara

2019-03-21
EAJk ohar bidez jakinarazi duenez, "lankidetzarako jarrera" izango dute behin bozak pasatu ondoren, helbur ubatekin: "Euskadiren eta Kataluniaren defentsa egitea Europako Parlamentuan, eta ahots eta ordezkaritza justua aldarriaktzea etorkizuneko Europan". Horretarako, datozen egunetan "hauteskunde ondorengo lankidetza instituzionalerako akordioa" sinatuko dute bi alderdiek, EAJk zehaztu duenez.
bideoa prestatzen
Kazetaritza ez dela delitua aldarrikatu dute Gipuzkoako epaitegien atarian

2019-03-20
Elkarretaratzea egin du Argia aldizkariko lantaldeak Donostiako Justizia Jauregiaren atarian, Lander Arbelaitz kazetaria deklaratzera deitua zegoen ordu berean. Bi ertzain grabatu eta euren irudiak sareetan hedatzeagatik moxal legea aplikatu diote Arbelaitzi. Horregatik deklaratu behar izan du gaur epaitegian.
bideoa prestatzen
Ibon Fernadez euskal presoa aske uzteko eskatu dute Gipuzkoako Batzar Nagusiek

2019-03-15
ibon Fernandez Iradi, gaixo dagoen euskal presoa aske uzteko eskatu diote Parisi Gipuzkoako Batzar Nagusiek. Ostiral goizean bildu da Batzar Nagusietako Giza Eskubideen Batzordea, eta aho batez onartu du esklerosi anizkoitza duen presoa aske uzteko eskaria. Aho batez, PP-ko kideek ez dutelako parte hartu nahi izan. EAJ, PSE, EH Bildu eta Podemosek aurkeztu dute proposamena. Gaur onartutako testuak ,egun indarrean dagoen legedia eta larri gaixo dauden presoak askatzea ahalbidetzeko nazioarteko legeak aintzat hartzeko eskatzen dio estatu frantziarrari. Akordioa Parisko apelazio auzitegiari igorriko zaio, baita zigorrak ezarri behar dituen epaileari eta barne ministro frantziarrari ere.Presoaren senideek modu positiboan baloratu dute Gipuzkoako Batzar Nagusiek gaur hartutako erabakia.
bideoa prestatzen
Elkarrekin Podemos koalizioan aurkezteko ituna sinatu dute Ahal Duguk, Ezker Anitzak eta Equok

2019-03-15
Lander Martinez Araba, Bizkaia eta Gipuzkoako Ahal Dugu-ko idazkari nagusiak adierazi duenez, koalizioaren helburua da "ezkerrekoa, bereizia eta beharrezkoa" den espazio politiko batean sakontzea. Elkarrekin Podemos koalizioa udal eta foru hauteskundeetara hedatuko dute Ahal Dugu-k, Ezker Anitzak eta Equok, Araba, Bizkai eta Gipuzkoan. Gaur sinatu dute akordioa hiru alderdietako ordezkariek. Lander Martinez hiru lurraldeetako Ahal Dugu-ren idazkari nagusiak, Isabel Salud Ezker Anitzako koordinatzaile nagusiak eta Stella Garcia Equo Berdeak-eko koordinazio mahaiko kideak aurkeztu dute akordioa. Martinezek adierazi du taldearen eskutik ehundaka proposamen egin direla hainbat arlotan: adibidez, soldata-arrakala, energia-iraunkortasuna eta gure industria babestea. Martinezek, Saludek eta Garciak balioa aitortu die hiru indarren arteko elkarlanari.