Skip to main content

Azken bideoak: Gizartea

bideoa prestatzen
Lehen Fasea bukatze aldera, gazteen koronabisrus kasuek gorakada xumea pairatu dute

2020-05-20
Lehen Fasea bukatze aldera, gazteen koronabisrus kasuek gorakada xumea pairatu dute. Hala ere, datu horiek igoera txikia adierazten dute, bereziki ospitalizatutako biztanleen kopurua jaitsi egin delako eta larritasun arinak duten gazteak artatzeko aukera eduki dutelako. Gazteen Euskal Behatokiak, martxoan, konfinamendu egoerako momenturik gogorrenean 15-35 urteko gazteen iritziak bildu zituzten txosten batean. Orain, neurriak leunduz doazela, gazteen egoera eta jarrerari buruz galdetu diogu Oskar Longo behatokiko teknikariari.
bideoa prestatzen
2050erako “karbono neutroa” izateko Klima Aldaketaren eta Trantsizio Energetikoaren lege egitasmoa onartu du Madrilek

2020-05-20
Ministroen Kontseiluak onartu du lege proposamena. 2050erako jarritako helburua lortzera bidean, zuzeneko CO2 emisiorik gabeko autoen erabilera eta energia berriztagarrien ekoizpena sustatzeko neurriak bideratuko ditu. Karbonoan neutroa izateak esan nahi du, planeta berotzen duten gas emisioen bezain beste baliabide daudela isuri horiek atzemateko eta deusezteko. Horretarako, adituek nabarmendu dute ezinbestekoa dela emisioak nabarmen murriztea. 2015ean Parisko Akordioan ezarritako helburua betetzea dago oinarrian: planetaren berotzea bi graduren azpitik mantentzea industrializazio aurreko garaiarekin alderatuta.
bideoa prestatzen
GAKOAK | 2020-05-18

2020-05-18
Uztailaren 12rako deitu ditu Eusko Legebiltzarrerako hauteskundeak Iñigo Urkullu lehendakariak. Bolo-bolo zebilen data posibleetako bat zen uztailaren 12a eta egun horretarako deitu ditu azkenean. Ez ohiko hauteskundeak izango dira noski. Pandemia baten erdian, ikusteko dago oraindik zein neurri berezirekin joan beharko duten Araba, Bizkaia eta Gipuzkoako herritarrek bozka ematera. Oposiziotik, arduragabekeriaz jardutea leporatu dio lehendakariari Arnaldo Otegi EH Bilduko koordinatzaileak.
bideoa prestatzen
GAKOAK | 2020-05-07

2020-05-07
23 pertsona hil dira azken orduotan Hego Euskal Herrian koronabirusa zutela: 19 EAEn eta 4 Nafarroan. Atzo jakianrazitako 16ak baino 7 gehiago, guztira. Aldiz, PCR bidez baieztatutako kasu berri kopuruak behera egin du: 50 kasuen berri eman dute gaur, asteazkenean 73 izan ziren.
bideoa prestatzen
GAKOAK | 2020-05-06

2020-05-06
Emakumezko bat hil dute Angelun, eta senarrak bere buruaz beste egin du. 2003az geroztik, 106 emakume hil dituzte Euskal Herrian; aurten laugarrena da, konfinamendu aldiko bigarrena. Koronabirusari dagokionez, hamasei pertsona hil eta PCR bidez 73 kasu berri baieztatu dira Euskal herrian azken orduotan. Datuen arabera, badirudi egunean hildako kopurua egonkortzen ari dela guera. 16 hil dira azken 24 orduotan, atzo baino bat gutxiago, eta herenegun beazinbeste.
bideoa prestatzen
GAKOAK | 2020-05-12

2020-05-12
Hezkuntzan, klase presentzialetara itzuli ala ez erabakitzeko autonomia izango dute ikastetxeek Euskal Autonomia Erkidegoan. Hala erabaki du Eusko Jaurlaritzak. Irizpide pedagokikoak aintzat hartuta hartu beharko dute erabakia ikastexteek. Sindikatuak haserre agertu dira Jaurlaritzaren erabakiarekin. Bitartean, Ipar Euskal herriko haurrak gaur itzuli dira klasera.