Skip to main content
bannerra

Azken bideoak: Gizartea

bideoa prestatzen
Hiri Baratzea: Erremolatxa landatu, tomatea kimatu, jateko kontsumo taldea eta denboraldiko loreen arteko desberdintasuna.

2019-08-30
Aingeru Tabar nekazariarekin Bidaurretan erremolatxa landatzen erakutsiko digu. Ondoren, Bidaurretako Mikel Etxegarairen eskutik tomate landareak kimatzen ikasiko dugu. Oskar Sanz de Acedok jateko kontsumo taldearen berri emango digu. Azkenik, Iñigo Segurolak denboraldiko loreen arteko desberdintasunak azalduko dizkigu, urteko landareak eta bianualak.
bideoa prestatzen
Sandra Ruiz, sistemak inposatutako eredutik haratago

2019-08-28
Sandra Ruizek orain dela 23 urte bere bizitza aldatzea erabaki zuen. Aritzkuren izeneko herria berreraiki eta bizitza berri bat hasi zuten lagun talde batek. Gaur egun, bizitzeko moduko espazio bat eraiki dute. Gizarte sistematik at bizitzea lortu duten arren, genero rolak barneratuak dituztela nabari dute eta horiek hausteko barne lanketa batean daude.
bideoa prestatzen
Aitatxi, non zaude?

2019-08-28
Pitillaseko alkatearen gorabeherak kontatzen dira hemen
bideoa prestatzen
Jose Moreno hil da, San Andres batailoiko gudaria

2019-08-27
100 urterekin hil da Bilboko Santa Marina ospitalean Jose Moreno. 1936an, ELAren San Andres batailoian eman zuen izena 17 urte zituela. Santoñako gertakarien ondoren, lan behartuetan aritu zen Zaragozan, kartzelan ere eduki zuten, eta 24 urterekin aske utzi zuten. 1936ko gudarietan ezagunenetariko bat izan da, publikoki asko agertu baita azken urteetan.
bideoa prestatzen
Amaia Ariztegi, doula lanetan

2019-08-07
Gure deskantsutik bueltan, gogotsu etorri gara Amaia Ariztegirekin solas egitera. Berak doula moduan egiten du lan; emakumeei bere haurdunaldian eta erditu ondoren babes emozionala emanez. Yoga hormonaleko eta Chi kung-eko klaseak ere ematen ditu. Berarentzat beharrezkoa da gorputza lantzea burua orekatua izateko.
bideoa prestatzen
G7 Ez! Manifestazioa

2019-08-24
G7 goibileraren aurka antolatutako kontragailurrari amaiera eman dio hendaiatik irten eta Irungo Fikoba parean amaitu den manifestazioak. 15.000 lagun inguruk hartu dute bertan parte, eta euren aldarriak euskaraz, gazteleraz eta frantsesez egin dituzte. Hainbat talde, elkarte eta mugimenduren ikurrak ikusi dira ibilbide osoan.