Skip to main content
bannerra

Azken bideoak: Ekonomia

bideoa prestatzen
Lan baldintza desegokiak eta prebentziorik eza, lan istripuen abuztu beltzaren eragile

2018-09-05
Abuztua hilabete beltza izan da lan istripuek eragindako heriotzei dagokienez, hamar izan dira guztira. Duela astebete, Gasteizen hil ziren beste bi langile. Datuen atzean dagoen errealitateaz sindikatuetako ordezkarien iritzia jaso nahi izan dugu Hamaika Telebistan. ELA sindikatuko Peio Igeregiren hitzetan, lan baldintza desegokiei eta segurtasun murritzei erreparatu behar zaie. LABeko Ibon Zubielak, berriz, enpresek ezarri beharreko prebentzio neurrien gabezia salatu du.
bideoa prestatzen
Arau demokratikoak ez errespetatzea leporatu dio ELAk Eusko Jaurlaritzari

2018-09-04
Eusko Jaurlaritzaren elkarrizketa soziala instituzionalizatzeko proposamena kritikatu du ELA sindikatuak. Jeltzaleei sindikalismo aldarrikatzaile eta abertzalea deuseztea leporatu die Adolfo Muñoz idazkari nagusiak. Eta Eusko Jaurlaritzako lehendakari Iñigo Urkulluri iraultza kontserbadorearen buru izatea egotzi dio.
bideoa prestatzen
Gora egin du langabeziak azken hilabetean Hegoaldeko Euskal Herrian

2018-09-04
Gora egin du langabeziak azken hilabetean Hegoaldeko lau lurraldeetan. Nafarroako Gobernuko Eskubide Sozialetako lehendakariorde Miguel Laparrak balorazio negatiboa egin du; izan ere, langabezia tasaren lehenengo igoera da, abuztuari dagokionez, 2009 urtetik. Hala ere, Laparrak nabarmendu du urte osoari dagokionez, langabeziak ia %10ean egin duela behera. Jaurlaritzako Lan eta Gizarte Politikarako sailburu Artolazabalek normaltzat jo ditu datuak.
bideoaren irudia
38 egun ondoren Azkuna zentroko mediatekako langileen greba bertan behera geratu da

2018-07-09

 

38 egun ondoren Azkuna zentroko mediatekako langileen  greba bertan behera geratu da, empresa eta langileek akordio batera heldu direlako, bilboko udalak eta Azkuna Zentroko zuzendaritzak egindako bitartekaritza-lanari esker.

Uztailaren 6an goizean goiz Odei S.A,  Scanbit S. L empresen eta langileen artean sinatu zuten akordioa, Akordioa honio esker Mediatekako langileek Bizkaiko Ekintza Sozialeko Lan Hitzarmenean jasotzen diren baldintzatan egingo dute lan.

bideoaren irudia
Azkuna zentroko mediateka 37 egun greba mugagabean

2018-07-05

Azkuna Zentroko Mediatekako langileak 37 egun daramatzate greba mugagabean. Euren prekarietatea salatzeko hasi zuten greba joan den maiatzaren 30ean. Azpikontratazioaren bidez eskaintzen du zerbitzu hau Bilboko Udalak eta langileen eskaeren artean esleipena jasotzen duten enpresen arteko subrogazioa, soldata duinak eta antzinatasuna aitortzea daude. Azken batean, langileek azaltzen dutenez, dagokien hitzarmena aplikatzea nahi dute, alegia, Bizkaiko Eskuhartze Sozialaren hitzarmena. Enpresarekin akordio batera heldu dira eta Udaletxearen eskuetan dago orain behar den aurrekontu igoera onartzea, baina ordura arte, Aburtoren lantaldea ez da horretarako prest agertu.

bideoaren irudia
LAB sindikatua Bizkaiko Metalgintzaren Hitzarmen Kolektiboaren negoziazio eten du

2018-07-03

LAB sindikatua Bizkaiko Metalgintzaren Hitzarmen Kolektiboaren negoziazio mahaiatik altxatu da. Patronalaren jarrera itxiak eta negoziatzeko erakutsi duen prestutasun ezak behartu du sindikatua negoziaketa etetera. Aurrerantzean langileenganako hurbiltasuna erakutsiko dutela eta haiekin indarrak batzeko asmoak dituztela agertu dute El Campillon egindako agerraldian.