Skip to main content

Azken bideoak: Ekonomia

bideoaren irudia
Atik Zra | Arrantza sektorea hizpide

2014-05-15

Berdelaren kanpaina bukatu berri da eta antxoarena hasi denean sektorearen egoera aztertu dugu. Orain arte, lau mila tona harrapatu dituzte Bizkaia eta Gipuzkoako arrainontziek. Beraz, lau urteko etenaren ondoren ondo hasi da kanpaina. Baina badira aldatu beharreko gauzak. Bestalde, pasa den astean anisakisaren inguruan egon diren albisteak aztertu ditugu. Gaia sakon jorratzeko ondoko gonbidatuak izan ditugu saioan: Iñaki Zabaleta (Bizkaiko Kofradien Elkarteko presidentea) eta Leandro Azkue (Eusko Jaurlaritzako arrantza zuzendaria).

bideoaren irudia
Ekonomia sozial eta eraldatzailea saretzeko sortu dute OlatuKoop

2014-05-14

Ekonomia sozial eta eraldatzailean diharduten enpresa, elkarte, erakunde eta kooperatibek osatzen dute OlatuKoop sarea. Kideen arteko elkartasuna, jendartearen ongizatea, eta jarduera ekonomikoak ondare komunari ekarpen bat egitea dira sarearen helburuak. Euskal Herriak ekonomia sozial eta eraldatzailean oinarritutako olatu koooperatibo berri bat behar duela uste dute.

bideoaren irudia
Aldundiek 30 milioi euro ordaindu beharko dituzte opor fiskalengandik

2014-05-13

Europako Justiziak gaur jakinarazi du Luxenburgon hiru foru aldundiek opor fiskalengandik ordaindu beharreko kopurua: 30 milioi euro. Europako Batzordeak eskatutako zigorra baino baxuagoa da. Epaileen ustez, laguntzak berreskuratzeko izan den atzerapenak justifikatzen du zigorra. EH Bildu haserre agertu da eta urteetan garatu den politika fiskal atzerakoi eta eskuindarraren adibide dela esan du. 

bideoaren irudia
Euskal Egitura | Pilar Kaltzada kazetariarekin

2014-05-10

Oraingoan, berrikuntza izan dugu hizpide albistegian, besteak beste. Zer den, nola neurtzen den, eta jarduera ekonomikoak berritzeko duen garrantziaz aritu gara. Europako zein Euskal Herriko berrikuntza mailak ezagutu ditugu. Elkarrizketaren atalean, berriz, Pilar Kaltzada kazetari eta komunikazio estrategian aditua izan dugu. Euskal Herriak berez eta kanpoan duen irudiaz hitz egin dugu berarekin.

bideoaren irudia
EAJk Gipuzkoa paraiso fiskal izatea nahi duela salatu du EH Bilduk

2014-05-09

"Gehien duenak gehiago ordaindu behar du", hori da EH Bilduk gaur berretsi duen ideia. Adegiren Donostiako egoitzan egindako protestan esan du bertan egin dutela bera delako estatu mailan langileen eskubideen zapakuntzan adibide adierazgarrienetako bat. Horrez gain, Arantza Tapia sailburuaren hitzak salatu ditu.

bideoaren irudia
Gipuzkoako Aldundiak Ekonomia Batzordea osatzean Jaurlaritzak izandako jarrera salatu du

2014-05-08

Gipuzkoako Foru Aldundia haserre agertu da Eusko Jaurlaritzak Ekonomia Burujabetza Batzordea osatzeko proposamenaren aurrean orainarte izandako jarrerarekin. Otsaileko Finantza Kontseiluan, batzordea osatzeko proposamenari oniritzia eman ondoren hamabost eguneko epean testu bat idaztea adostu zuten eta ez dute honen berririk izan atzo gauerarte. Hori horrela, ekainaren 15erako batzordea eratzeko dei egin dio Jaurlaritzari.