Skip to main content
bannerra

Azken bideoak: Ekonomia

bideoa prestatzen
Bilbobuseko langileek lanuzteekin jarraitzen dute

2019-01-07
Bilbobuseko langileak lanuzteak egiten ari dira. Akordio bat lortu ezinik dabiltza zerbitzua daraman BioBide enpresarekin. Gaurkoaz gain, urtarrilaren 10ean, 14an eta 17an zortzi orduz utziko diote lan egiteari. Urte amaieran, Bilbobuseko langileek ezezkoa eman zioten CCOOk, UGTk eta USO sindikatuek enpresarekin lortutako aurreakordioari. Atzera bota duten hirugarren aurreakordioa da.
bideoa prestatzen
Lantegi Batuak Fundazioko langileek ez dute onartuko galera gehiago eros ahalmenean

2018-12-20
Lan hitzarmenaren alde, greba egin dute Lantegi Batuak Fundazioko langileek. Azken urteetan galdutako eros ahalmena berreskuratzeko negoziatzen ari dira langile batzordea eta zuzendaritza, baina oraingoz ez dute adostasunik lortu eta 2.000 langile inguru daude lan itun berririk gabe, aurreko hitzarmena iazko abenduaren 31n bertan behera geratu eta gero.
bideoa prestatzen
ELAk ez du onartuko estatalizazioaren amaiera ez dakarren lan erreformarik

2018-12-19
Espainiako Gobernua CCOO eta UGT sindikatuekin negoziatzen ari den lan erreforma salatzeko, elkarretaratzea egin du ELAk Espainiako Gobernuaren Bilboko ordezkaritzan. Eta salatu du estatu mailako itunek euskal langileen baldintzak okertzeko aukera zabaltzen dutela.
bideoa prestatzen
Jai egunetan denok jai lemapean elkarretaratzea egin dute merkataritza sektoreko ergile zein sindikatu ezberdinek

2018-12-18
Merkataritza eta kontsumo arduratduagatik, sektoreko enplegua mantentzeagatik, lan eskubideen defentsagatik eta auzoko bizikidetzagatik ari dira borrokan. Horretarako kontzientziazio kanpaina hasiko dute. Dendetan kartel bat izango da kanpainan parte hartzen dutela adierazteko.
bideoa prestatzen
Pentsiodunek Eusko Jaurlaritzaren "borondate falta" salatu dute manifestazio masiboaren bidez

2018-12-17
Hego Euskal Herriko lau hiriburuetan eskatu dituzte «pentsio duinak», eta adierazi dute gobernuei «presio egiten» jarraituko dutela kalean, beren eskakizunak bete arte. Oraindik ere, gutxiengo diru sarrera 1.080€ izatea da haien borrokaren helburua. Gaur, beste astelehen batez bere aldarriak kalera eraman dituzte.
bideoa prestatzen
Nafarroan 2019an ekonomiak %2,8an gora egitea aurreikusten du Laboral Kutxak

2018-12-13
Laboral Kutxak aurkeztutako txostenaren arabera, ikuspegi ekonomikotik 2018a urte positiboa izaten ari da. Nabarmendu dutenez, Nafarroako ekonomiak hazkunde jarraitua izan du azken 21 hiruhilekoetan eta langabezia tasa %10a baino gutxiagora jaistea eragin du. Datorren urtean Nafarroan ekonomiak %2.8an gora egitea aurreikusten du txostenak eta langabezia tasa, %8.9an kokatzea.