Skip to main content

Azken bideoak: Ekonomia

bideoa prestatzen
Bost greba egun deitu dituzte sindikatuek Bizkaiko metalaren sektorean

2019-05-10
Bost greba egun deitu dituzte sindikatuek Bizkaiko metalaren sektorean, lan hitzarmen duin bat eskatzeko. Lanuzteak maiatzaren 23an, ekainaren 6an eta 7an, eta ekainaren 20 eta 21ean egingo dituzte. 49.000 beharginei eragiten die greba deialdiak.
bideoa prestatzen
Sindikatuek "joko zikinean" aritzea leporatu diote patronalari

2019-05-09
ELA, LAB, Steilas, UGT eta CCOO sindikatuek deituta, manifestazioa egin dute gaur Donostian Kristau Eskoletako eta IZEA taldeko ikastetxeetako langileek. Azken bi ikasturteetan egin duten 26.a eguna eta ikasturte honetan 24.a da gaurkoa. Aitor Nuñez LAB sindikatuko kideak salatu du 10 urte daramatzatela lan hitzarmena berritu gabe.
bideoa prestatzen
LABek industrian prekarietatea eta estatalizazioa gainditzeko borrokarako deia egin du

2019-05-09
Prentsaurrekoan adierazi dute patronalen estrategia argia dela eta ez dutela disimulatzen duten babes instituzionala. Hala, industrian dagoen prekarietatea salatu dute. Adierazi dute kontratuen %92 ebentualak direla eta gaineratu industrian krisi ekonomikoa erabili zutela aldaketa estrukturalak egiteko eta negoziazio kolektiboak eteteko. Hitzarmenak lortzeko borrokan ibili direla azaldu dute. Salatu dute enpresa esparrutik bakarrik ezin dela bermatu langile guztien negoziazio kolektiborako eskubidea. Borroka lokalez gain sektoreko hitzarmenak berreskuratzea ezinbestekoa dela zehaztuz. Izan ere, sektoreko hitzarmenek langile guztiei oinarrizko eskubideak aitortzeaz gain, estatalizazioari mugak jartzeko beharrezko tresna direla esan dute.
bideoa prestatzen
Langabeziak behera egin du apirilean Hego Euskal Herrian

2019-05-07
150.000 langabe baino gutxiago zeuden apirilean Hego Euskal Herrian. 2009ko urtarrilaz geroztik lehen aldia da langabe erregistratuen kopurua 150.000tik jaisten dela. Aste santuaren ondorioz ia 5.600 langile gehiago izan ziren joan den hilabetean Araba, Bizkaia, Gipuzkoa eta Nafarroan. Aldi berean, baina, behera egin du kontratu mugagabeen kopuruak.
bideoa prestatzen
Zaharren egoitzetako langileek 56 egun daramatzate greban akordiorik gabe

2019-05-06
Gipuzkoako zaharren egoitzetako langileek 56 egun daramatzate greban, eta gaur mobilizazioa egin dute Gipuzkoako Foru Aldundiaren (egoitzaren) atarian. Mitxel Lakuntza ELAko koordinatzaile nagusiak adierazi du aldundia gezurretan ari dela eta jarrera “hipokrita” mantentzen ari dela. ELAko koordinatzaile nagusiak larritzat jo du Gipuzkoako Foru Aldundiaren jarrera. Akordiorik ez dela lortu esanaz, ELA eta patronalaren arteko akordioa faltsutu izana leporatu dio Lakuntzak aldundiari. Horrela, Lakuntzak salatu du aldundiak gatazka luzatzearen ardura sindikatuaren eta patronalaren gain utzi nahi duela, bere erantzukizunari aurre egin beharrean. Bestalde, ELAko ordezkariek egoera bideratzeko bilera egin nahi izan dute Markel Olano Gipuzkoako ahaldun nagusiarekin, baina Lakuntzak salatu du honek uko egin diola biltzeari. Lakuntzak azpimarratu du grebari eustea beste aukerarik ez dutela. Mitxelek gogora ekarri ditu greban dauden komisaldegi eta epaitegietako garbitzaileak eta baita Tabakalerako UBIk liburutegiko langileak ere. Era berean, azpimarratu du zaharren egoitzetako greba greba feminista dela eta aldarrikapen feministak ez direla martxoaren 8ra mugatu behar.
bideoa prestatzen
Zaharren egoitzetako langileek protesta egin dute 50.greba egunean

2019-04-29
50.greba eguna dute gaur zaharren egoitzetako langileek eta elkarretaratzea egin dute Gipuzkoako Foru Aldundiaren aurrean. ELAko ordezkari den Txomin Lasak nabarmendu du Matia fundazioarekin sinatutako akordioari “tinko” eutsiko diotela. Izan ere, adierazi du akordio horrek kalitatezko zerbitzu bat ematea ahalbidetzen duela, langileen baldintzak hobetzeaz gain. LAB sindikatuak grebara deitu du aste honetan eta positibotzat jo du Lasak beste sindikatuek ere grebara deitzea. Txomin Lasa ELAko ordezkariak gehitu du maiatzaren 10era arte beste hamar greba egun dituztela aurretik, eta orain arte bezala jarraituko dutela Gipuzkoako Foru Aldundiak akordioa betetzen ez duen bitartean