Skip to main content

Azken bideoak: Kultura

bideoa prestatzen
Darabilbo berriz ere martxan dago

2020-06-03
Darabilbo, Euskaltegi Sareak, Bilboko Udalarekin batera, Bilbon euskaraz aritzeko antolatzen duten egitasmoa bueltan da. Ekainerako egitarau berezi eta moldatua antolatu dute. Ekimenak, martxotik, Covid-19aren pandemia hasi zenetik hain zuzen, bertan behera utzi zituen ekintza guztiak eta tailer, dastaketa edo topaketak egiteari utzi zuten. Orain, pandemiaren larritasuna txikitu denean, egitarau moldatua eskainiko dute Darabilboko ekainerako, online eta tailer fisikoak uztartuz. Hasteko, bi garagardo dastaketa antolatu dituzte ekainaren 11 eta 25erako…. Online dastaketak! “Jitsi” plataformaren bidez egingo dira eta Mario Birretik gidatuko du dastaketa. Izena ematerakoan adieraziko da nola lortu garagardoa, aipatutako egunetan denok batera online topa egin dezaten. Horrez gain, ekainaren 22 eta 29an 6 lagunentzako gozogintza tailerrak antolatu dituzte. Hauek bai, presentzialak izango dira, Indautxuko kale partikularreko 3. zenbakian “Lord Cupcake” egokitutako gune batean. Iker Hernandez Vitores-ek emango ditu gozogintza tailerrak, konfinamendu garaian etxetik egin duen bezala. 6 lagun bilduko dira gehienez tailerretan, baina jende gehiagok izena ematekotan, tailer gehiago egiteko aukera zabalduko dute hurrengo egunetan.
bideoa prestatzen
Ipar Euskal Herriko euskarazko kazetaritzak erreferente bat galdu du

2020-06-03
Mattin Larzabal hil da, Ipar Euskal Herriko kazetaritzan ezinbesteko erreferentzia. Larzabalek 30 urteko ibilbide luzea egin zuen irratian, eta, besteak beste, Rikardo Arregi Kazetaritza Sariaren 24. aldiko Ohorezko aipamena jaso zuen 2012an.
bideoa prestatzen
‘Speed Light’ single berria aurkeztu du Lendakaris Muertos taldeak

2020-06-01
Droga kontsumoaren gehiegikeriei eta horren inguruko jarrerei lotu zaie Lendakaris Muertos punk talde iruindarra ‘Speed Light’ single berrian. Udazkenean argitaratuko duten ‘Spainkiller’ diskoaren aurrerapen abestia da.
bideoa prestatzen
'Kaleko Urdangak taldearen kontzertua izango da gaur Doka tartean

2020-05-29
Kaleko Urdangak taldeak 'Kaleak sutan' diskoa aurkeztuko du gaur Doka tartean. 19:00etik aurrera, ikusgai izango duzue Hamaika Telebistan, www.hamaika.eus webgunean eta sare sozialetan.
bideoa prestatzen
Etxeko sessions | Iñigo Diaz

2020-05-29
Aste honetako Etxeko Sessions saioan Iñigo Diaz ikus-entzunezko artista izango dugu. I+D+I 2020 proiektuaren 18. edizioa ospatzen dute sesioarekin. Igo bolumena eta gozatu!
bideoa prestatzen
Izaskun Mujika (Ipuin-kontalaria): “Hasieran online bidezko formatua SOS formatu bat izan zen, baina beharbada geratzeko etorri da”

2020-05-27
COVID19ak behartuta internet bidez eskaini ditu Izaskun Mujika bere ipuin kontakizunak, Donostia Kulturaren eskutiko edota Ahoz-aho ahozkotasunaren jaialdiaren eskutik, esaterako. Bere ustez, geratzeko heldu den formatua izan daiteke baina argi du denok izango dugula kultura zuzenean kontsumitzeko beharra.