Skip to main content
bannerra

Azken bideoak: Kultura

bideoa prestatzen
Kalakan taldeak hiru kontzertu eskainiko ditu Saran, irailaren 20tik 22ra

2019-09-04
Kalakan taldeak hiru kontzertu eskainiko ditu Sarako leizeetan irailaren 20tik 22ra. Musika gaelikoa, musika korala eta euskal musika traidizonala omenduko dituzte hiru kontzertu hauetan. Hainbat artistek hartuko dute parte: Kim Carnie, Innes White, Loinatz abesbatza, Bercaits Anaiak, Andoni Agirre eta Doinique Le Guichaoua.
bideoa prestatzen
Euskal zinegileen 21 obra Zinemaldiaren 67. edizioan

2019-09-03
Zinemaldiaren 67. edizioak zinemaren hiriburu bihurtuko du Donostia irailaren 20tik 28ra. Aitor Arregi, Jon Garaño eta Jose Mari Goenaga euskaldunen 'La trinchera infinita' lana urrezko maskorra lortzeko lehian egongo da. Denera, 21 izango dira egile euskaldunen obrak Zinemaldian eta horietatik, hiru dira partzialki edo osorik euskaraz sortutakoak.
bideoa prestatzen
Getxophoto nazioarteko irudi jaialdia aurkeztu dute

2019-09-03
Irailaren 4tik aurrera Getxo argazki eta irudiz beteko da. Izan ere, jaialdia hirian zehar paseatzeko eta erakusketak presa barik ikusteko diseinatuta dago. Aurten, Monica Allende komisarioaren “trantsizioaren trilogia” lanaren azken urtea izango da. 2017an hasi zen eta aldaketen garaiaren zentzu zabala arakatu zuten. Hurrengo urtean, aldiz, gatazkaren inguruan bildu ziren. Aurten, trilogiarekin bukatzeko, etorkizuna izango dute hizpide. Lanak edozein ordutan ikusteko aukera egongo da, areto itxietan dauden apurrak izan ezik. Horrez gain, larunbat honetan, Matthieu Gafsou, Jan Hoek, Federico Estol eta Anaïs López artistak Getxon egongo dira eta euren erakusketetan beraiekin hitz egiteko aukera eskainiko dute.
bideoa prestatzen
AEK-k 2019-2020 ikasturtea aurkeztu du gaur Gasteizen

2019-09-03
AEK-k kurtso berrirako matrikulazio epea ireki du gaur, Gazteizen egin duen aurkezpenean. Euskaraldia eta Korrika ardatz izan dituen urtea igarota, “zu hemen zaude, AEK ere bai” lelopean egingo diote aurre ikasturte berriari. Azken urteetan AEK-ko koordintzaile lanetan egon den Mertxe Mugijak kargua utzi eta Alizia Iribarrenek hartuko duela ardura. Euskara maila hobetzea, euskara erabiltzen jarraitzea eta euskararen presentzia urria den auzoetan matrikulazioa handitzea dira aurtengo erronketako batzuk.
bideoa prestatzen
Nafarroako Nazioarteko Zinema Festibala ospatu da lehen aldiz

2019-09-03
Asteburuan ospatu zen Nafarroako Nazioarteko Zinema Festibalaren lehendabiziko edizioa. Gizarte gaiak hizpide, fikziozko zinemagintzan oinarritzen da batez ere. Sortzaileen arteko topagunea izateko helburuarekin bultzatu zuen NIFF, Baztanen egoitza duen Estudios Meliton zinemagintza enpresak.
bideoa prestatzen
Iritsi da Marijaiari agur esateko unea

2019-08-25
Bilboko Aste Nagusia bukaerara heldu da. Konpartsetako kideek azken indarrekin heldu diote jaietako bederatzigarren egunari. Kaskagorri eta Pa... Yaren arteko guda zikinean ere izan gara gaur, horren ostean erromeriaz girotuta pasa dute iluntzea Marijaia erre baino lehen.