Skip to main content
bannerra

Azken bideoak: Kultura

bideoa prestatzen
Euskaltzaindiak bere "lana gizarteratzea" jarri du erronka gisa mendeurreneko balantzean

2019-10-22
Ehun urte bete dituen honetan, Euskaltzaindiak mendeurreneko balantzea egin du gaur, Bilboko Plaza Berrian duen egoitzan. Mendeurreneko ibilbidea aintzat hartuta, hiru ideia nagusi bildu dituzte euskararen adituek. Elkarlana beste eragile publiko, pribatu eta sozialekin, ekarpena euskararen biziberritze prozesuari, eta etorkizuna, atzera baino, aurrera begiratzen duena. Oro har, behin eta berriz errepikatu duten kontzeptua, eta Euskaltzaindiak errotuta duen bokazioa dena, gizarteratzea da.
bideoa prestatzen
Nafarroa Oinezerako finkatutako helburuak bete ez zirela eta, elkartasun deia luzatu du Argia Ikastolak

2019-10-20
Eguraldiak Nafarroa Oinezen aurreikuspenei eustea ekidin zuen. Giro aldetik balorazio bikaina egin zuten Argia Ikastolako kideek atzoko ikastolen festaren inguruan, baina aurreikuspen ekonomikoetara iristeko zailtasunak izango dituztela aitortu dute gaurkoan. Zergati nagusia eguraldia izan zen. Ekitaldi bat ere bertan behera gelditu ez bazen ere, arratsalde hasieran eroritako euriteak jende kopurua apaldu zuen.
bideoa prestatzen
Hamaika Telebista: Gasteizen, kanal aldaketa

2019-10-21
Hamaika Telebistak LTD frekuentzia berria izango du Gasteizen. Orain arte, 56. kanalean jaulkitzen genuen eta, aurrerantzean, 42. kanalean egongo gara. Hortaz, zuen telebistak berriro ere sintonizatu beharko dituzue. Honatx, jarraitu beharreko prozedura.
bideoa prestatzen
Joker liburudenda eta Marika Vila, protagonista Getxoko Komiki Azokan

2019-10-21
Komikien saltokiaz gain, hitzaldi, erakusketa, sinatze-txandak eta abar eskaini ditu asteburuan zehar Getxoko Komiki Azokaren 18. edizioak. Gainera, 25 urte bete dituen Bilboko Joker liburudenda eta Marika Vila artista katalana saritu ditu.
bideoa prestatzen
Milaka lagun izan dira euskararen 'Argia' Tuteran

2019-10-20
‘Izan argi’ lemapean, euskararen uzta jasotzeko eguna izan da gaur Tuteran: urte osoko prestaketen ondoren, Nafarroa Oinez jaialdia ospatu dute, Argia ikastola anfitrioi lanetan dela, laugarrenez. Euskararen normalizazioaren mesedetan lan nekeza egiten dute bertatik eta, hala, «errespetua» eskatu dute Nafarroako hizkuntzarekiko.
bideoa prestatzen
Deustuko Trikijaialdiak hazten jarraituko du bere II. edizioan

2019-10-17
Bigarren urtez triki-jaialdia ospatuko dute Deustun. Helburua da Deustuko eta Bilboko trikitilari eta panderojoleen arnasgune izango den plaza, beste urte batez sortzea. Aurreko urteko arrkasta ikusita, eguna eta egitaraua errepikatuko dute. Jende andana espero da triki-poteoa, bazkaria, dantzak etb. izango duen egunean. Horren guztiaren inguruan hitz egiteko, Ibon Urrutia antolatzaileetako batekin izan gara.