Skip to main content

Azken bideoak: Gaikakoa

bideoa prestatzen
EGUNEKOA: politika, gizarte eta kultura albisteen bilduma

2018-12-21
Nafarroako Ahal Duguren barneko gatazkari, Etxeratek presoak Zaballako espetxera gerturatzeko egindako eskaerari eta LAB sindikatuak Iruñean egindako manifestazioari erreaparatu diegu gai politikoetan. Gizarte arloan, San Tomas egunez Bilbobusek eta Bizkaibusek egindako grebaren jarraipen zabala izan dugu hizpide. Azkenik, kultura albisteetan, Donostiako San Tomas egunaren eta Bilboko Zabalguneko 'Izen, izan' baso artistikoaren berri jaso dugu.
bideoa prestatzen
EGUNEKOA: politika, gizarte eta kultura albisteen bilduma

2018-12-20
Arlo politikoan, Nafarroako Ahal Dugu-Orain Bai talde parlamentarioan izandako kanporatzeak, Euskal Herriko hamar sindikatuk euskal presoen auzia konpontzeko egindako eskaera eta Kataluniako preso politikoen gose grebaren amaiera aipatu ditugu. Gizarte gaietan, Olarizuko gurutze frankistaren aurkako erasoaz eta 'Iruñea harrera hiria' dinamikaz aritu gara. Azkenik, kultura albisteetan, Iruñeko Olentzerozaleen elkartearen egunotarako egitarauaren berri eman dugu.
bideoa prestatzen
EGUNEKOA: politika, gizarte eta kultura albisteen bilduma

2018-12-19
Arlo politikoan, 2015eko uztailean Ortzaizen atxilotutakoei ezarritako zigorrak, Sarek Txus Martin presoa askatzeko egindako eskaera, 'De Miguel auziaren' abaiera eta Pedro Sanchezen eta Quim Torraren osteguneko bilkura hartu ditugu hizpide. Gizarte gaietan, urtarrilaren 17 eta 18an Euskaltzaindiak Iruñean egingo duen Jagon jardunaldia aipatu dugu. Azkenik, Izaro Andresen amaiera birari buruzkoak jaso ditugu kultura atalean.
bideoa prestatzen
EGUNEKOA: politika, gizarte eta kultura albisteen bilduma

2018-12-18
Arlo politikoan, G7ko bilkuraren prestaketagatik Miarritzen sortutako istiluei, Demokrazia Bai plataformak aurkeztutako manifestuari, Kataluniako buruzagi independentisten aurkako auziari eta Foro Sozial Iraunkorrak Nafarroako Parlamentura egindako bisitari erreparatu diegu. Gizarte gaietan, merkataritzan jai egunak jai egiteko aldarrikapena aipatu dugu. Azkenik, kultura albisteetan, Jazz Hitz aldizkariaren sorrera hartu dugu hizpide.
bideoa prestatzen
EGUNEKOA: albiste nagusien bilduma

2018-12-17
Bost euskal herritarren aurka Parisen abiatutako epaiketa eta Altsasuko gazteei ezarritako 600 euroko isuna aipatu ditugu arlo politikoan. Gizarte gaietan, ELAko idazkari nagusi izateko hautagaia Mitxel Lakuntza izango dela, pentsiodunek mobilizazioei eutsiko dietela eta Nafarroako Gobernuak LGTBI+ kolektibora bideratutako ekintza plana aurkeztu duela zehaztu dugu. Kutlura eremuan, 2019ko Donostiako Urrezko Danborra Rosa Garciak jasoko duela kontatu dugu, eta, kiroletan, Aitor Zabaleta hiltzea egotzi zioten Ricardo Guerra Belgikan atxilotu dutela.
bideoa prestatzen
Bizi duina aldarrikatuko dute pentsiodunek Hego Euskal Herriko hiriburuetan

2018-12-14
Gobernuan puri purian dago aurrekontuen gaia, Jaurlaritzak atzera bota du. Pentsiodunen plataformak eta mugimenduek sinatutako manifestazioak, abenduaren 15ean Hego Euskal Herriko hiriburu guztietan egingo dira. Berriz ere, elkarteek beren aldarrikapenak kalera aterako dituzte, bizimodu duinago baten alde oihukatuz.