Skip to main content

Azken bideoak: Alderdiak

bideoa prestatzen
Donostiako EH Bilduk kezkagarritzat jo du "udal gobernuaren norabidea"

2019-04-03
Donostiako EH Bilduren udal taldeak 2015-2019ko agintaldiaren balorazioa egin du. Bertan bi “jarduera mota” nabarmendu ditu; alde batetik, iragarri direnak eta bete ez direnak, berandu bete direnak edo oker bete direnak. Eta bestetik, isilpean edo iragarri gabeko proiektuak, Donostiako etorkizuna hipotekatzen eta norabide kezkagarrian jartzen ari diren erabakiak. Horrekin batera alderdiak hirugarren zerrenda bat egin du, egin behar zirenak eta egin ez dituztenak jaso dituzte zerrenda honetan. Bertan, Donostia norabide kezkagarrian jarri dituzten ekimen, ekintza edo egitasmoen argazkia jaso dute. Alderdiak adierazi du beraien balantzea negatiboa eta kezkagarria dela, Udal gobernuak azken urtetan hartutako erabakiak desegokiak izan direlako eta garrantzitsutzat jo dute Donostia norabide hobean kokatzea.
bideoa prestatzen
Elkarrekin Podemos taldeko kideak Deustuko erriberara hurbildu dira auzokideen protestak jasotzeko

2019-04-03
Helburua izan da urteetan auzokideek izan dituzten protestak bildu eta ondoren Udaletxera eramatea. Iraganaz, orainaz eta Zorrozaurreren etorkizunaz hitz egin nahi dutela adierazi dute, Bilbo hobe eta inklusiboago bat eraikitzeko asmotan. Salatu nahi izan dute auzoan urteetan zehar egin den industria espoliazioa. Industria ondarea babestua izan behar dela azaldu dute, babestua, zaindua eta errespetatua. Artiach lantegiaren eraikina da egoera kaxkarrean dauden eraikinetako bat, adibidez. Hauek babesteko lege proposamenari egin diote emendakina.
bideoa prestatzen
Koldo Martinezek CAN ikerketa batzordearen ondorioak azaldu ditu

2019-04-02
Koldo Martinezek, CAN auziaren inguruan Nafarroako Kutxako batzordeko zortzi kide ohiek Diario de Navarra kazetan argitaratutako idatzia erantzuteko agerraldia egin du. Martinezek kutxa publikoko agintari izandakoei gezurra eta ikerketa batzordearen ondorioen txostena irakurri ez izana leporatu die.
bideoa prestatzen
EAJk "herritarren ongizatea" defendatuko duela adierazi du

2019-04-02
EAJk Kongresuko eta Senatuko legegintzaldiaren balantzea egin du Donostian. Joseba Agirretxeak nabarmendu du bi helburu nagusi dituztela. Alde batetik, orain arte lortutakoa mantentzea (autogobernua, erakundeak). Bestetik, dagokigunaren aldarrikapena herri bezala ditugun beharrak eskatzea eta erakundeen aldetik hartutako erabakiak hartzea.
bideoa prestatzen
Bilboko EH Bilduk "hiritarren eskariak" aintzat hartzen dituen zerrenda osatu du Udalerako

2019-04-01
Esan dute nagusiak gogoan izanda bihotz gazte batetik sortu nahi izan dutela zerrenda. Azaldu dute garrantzitsua ez dela nork gobernatzen duen edo nork daukan agintea. Azpimarratu dute helburua dela herritarrekin elkarrizketa bultzatzea, politikariak eta herritar oro maila berean daudelarik. Azaldu dute Bilborentzako ez dela ideia loriatsuak izateko garaia baizik zintzoak izateko eta herritarren defentsan aritzeko garaia dela. Gidalerro hauen baitan sortu dute Udalerako zerrenda. Adierazi dute Bilboko identitatea mantendu nahi dutela eta herritarren oinarrizko eskubideak mantendu.
bideoa prestatzen
Elkarrekin Podemosek Donostia eta Gipuzkoarako hautagaiak aurkeztu ditu

2019-03-26
Gipuzkoako Batzar Nagusietako eta Donostiako alkatetzarako hautagaiak aurkeztu ditu gaur Elkarrekin Podemosek. Aitzole Araneta Donostiako alkatetzarako hautagaia izango litzateke eta Batzar Nagusietarako Maria Valiente. Donostia feminista, inkusiboa, anitza eta solidarioa eraikiko dute adierazi dute. Herritarrak erdigunean jartzen dituen lurraldea nahi dute, herritarren bizitzak hobetuko dituzten kalitatezko zerbitzu publikoekin. Era berean adierazi dute Donostiarrak kanporatuko ez dituen hiria eraikitzeko lan egingo dutela eta azpimarratu dute herritarrei ahotsa emango dietela beren egunerokotasunean eragina duten gaiei buruz.