Skip to main content
bannerra

Azken bideoak: Herri mugimendua

bideoa prestatzen
50.000 pertsona bildu dira Bilbon, 11/13 makroepaiketako auziperatuei babesa adierazteko

2019-09-14
50.000 pertsona bildu dira NAIZen arabera, 11/13 makroepaiketako auziperatuei babesa adierazteko. 47 euskal herritar epaituko dituzte euskal presoen eskubideak defendatzeagatik.
bideoa prestatzen
11/13 makroepaiketako auziperatuei elkartasuna erakutsi die Ernaik

2019-09-12
Madrilen epaituko dituzten 47en alde Ernai gazte antolakundeak deituta, mobilizazioak egon dira gaur eguerdian Hego Euskal Herriko unibertsitate campusetan. Astelehenetik aurrera Madrilen epaituko dituzte 47 euskal herritar presoen eta euren senide eta lagunen eskubideen alde lan egiteagatik. Gazte antolakundeak adierazi du tribunal arrotzetan ebatziko dutela, beste behin ere hamarnaka euskal herritarren etorkizuna. Horregatik, elkartasuna adierazi nahi izan die epaituak izango diren kideei eta haien senide eta lagunei. Nabarmendu dute gatazkak elikatzen dituen sektore erreakzionarioentzat “goxokia” dela makroepaiketa hau. Hala, larunbateko Bilboko manifestazioan parte hartzeko deia egin du.
bideoa prestatzen
"Mugak zabalduz" karabana Andaluziara abiatu da

2019-07-12
Mugak Zabalduz karabanaren Bilboko blokea irten da gaur. 9 egunetan zehar migranteek pairatzen duten egoera larria salatu nahi dute. Andaluziara eta Ceutara joango dira. Izan ere, bertatik sartzen dira Espainiar estatura doazen migrante gehienak. Mugak Zabalduz karabanak Europako hegoaldeko mugako errealitatea salatuko du aurten. Euskal Herritik eta Espainiatik eta Europako beste leku batzuetatik abiatuko da bederatzi eguneko karabana. Antolatzaileek adierazi dutenez, Nazioarteko ekimen honen helburua da beste erakunde batzuekin aliantzak eratzea. Salatu dute migranteen krisiarekin agerian geratu direla harrera-sistema instituzionalak dituen "gabeziak".
bideoa prestatzen
Aranzadik Gerra Zibileko Saseta Defentsa Sisteman erabilitako kanoien erakustaldia egin du

2019-07-11
1936ko abuztuan, defentsa sistema sortu zuten erresistentzia antifaxistako gudariek matxinatuen erasoengatik kanoiak abandonatu zituzten Andoaingo Belkoain tontorraren pean. 6 urtetan zehar ibili dira erresistentzia gune hau industen. Izan ere, Erniotik hasi eta Belkoain bitartean osatutako defentsa sistema izan zen, 40 kilometro karratuko eremua hartzen zuelarik. Azaldu dutenez, elkarrekin komunikatzen zen defentsa sistema bat osatu zen oso denbora laburrean eta eraginkorra izan zen, 31 egunez eutsi baitzieten frankistei.
bideoa prestatzen
German Rodriguez gogoan izan dute Iruñean

2019-07-08
Haren hilketaren 41. Urteurrenean, arduradunen zigorgabetasuna salatu dute. San Fermines 78 Gogoan plataformak auzia Iruñea eta Argentinako epaitegietara eramatearekin batera, “Martin Villa epaitu” ekimena abiarazi duela jakinarazi du.
bideoa prestatzen
Pau Sarrate aktoreak jaso du EHGAMen Urrezko Hirukia

2019-06-28
Sari honek helburutzat du berdintasunerako mugimenduan aniztasunaren alde lagundu duten pertsona, elkarte edo erakundeak saritzea. Pau Sarrate aktoreak, Il Circo Italiano-n Paute pailazoaren rola betetzen du. Adierazi dute, saria eman diotela ume eta nagusiei zuzenduriko ikuskizunean dibertsitatea ikusarazi eta berdintasuna eta inklusibotasuna bultzatzeagatik. Eskertuta agertu da Sarrate. Esan du, beti normaltasunez onartu eta adierazi duela bere sexualitatea. Horregatik, gaineratu du, ikuskizunean ere gaia naturaltasunez jorratzen duela. Bestalde, Trapuzko Espartina ere entregatu dute urtero bezala. Ana Beltran PPko diputatuarentzat izan da, LGBTIQ+ eskubideak zapaltzeagatik eta mespretxuzko adierazpenak egiteagatik.