Skip to main content

Azken bideoak: Herri mugimendua

bideoa prestatzen
Lourdes Azurmendi: [Semea Mont de Marsanera hurbiltzea] guretzat berealdiko aldaketa izan da"

2020-01-09
SAREk urtero antolatzen duen euskal presoen aldeko manifestazioaren atarian, Etxeratek bi euskal presoren amen testigantzak bildu ditu. Juana Zumalde eta Lurdes Auzmendi Igor Suberviola eta Ekaitz Sirvent presoen amak dira, tartean bake eragileen eta Frantziako Gobernuaren arteko elkarrizketaren ondorioz, beren semeak Mont de Marsaneko espetxera hurbildu dituztenak, Euskal Herritik 200 bat kilometrora, Frantziako hurbilena.
bideoa prestatzen
Sarek "itxaropena" agertu du Espainiako Gobernu berriak euskal presoen egoera aldatuko duelakoan

2020-01-09
Urtero euskal presoen eskubideen alde egiten den manifestazioak Giza Eskubideen errespetuan eta akordioetan oinarrituko den jendarte bat eraikitzeko aldarria izango du. Gaineratu dut gobernu berriaren osaketarekin baikor dagoela. Izan ere, azaldu du gobernu berri hau osatzen duten bi alderdi nagusien euskal ordezkariek behin eta berriz erakutsi dutela espetxe politika aldatzeko borondatea. Sare Herritarrak nabarmendu nahi izan du elkarbizitzaren eta bakearen alde zein espetxe politika aldatzearen aldeko indarraren batuketaren aurrean dagoela Euskal Herria.
bideoa prestatzen
"Spain Sit and Talk" mezua mundura zabaldu du Tsunami Democratic-ek

2019-12-19
Tsunami demokratikoak ezin izan zuen Bartzelona-Madril partiduan egin nahi zuena burutu. Mugimenduko kideek Catalunya Radion azaldu dutenez, dronen bitartez sartu behar zituzten bi pankarta erraldoi baina Mossoek gelditu zituzten. Hala ere, eta erabateko arrakasta ez dela izan onartu arren, arreta mediatikoa bereganatu izana ospatu du mugimenduak sare sozialetan.
bideoa prestatzen
Frankismoaren bukaera azkartu zenekoa

2019-12-20
Luis Carrero Blanco duela 46 urte hil zuen ETAk Espainiako Gobernuko presidentea zela. Pieza giltzarria zen Carrero erregimenarentzat, eta, beste hainbat faktorerekin batera, frankismoaren krisia areagotu zuen haren heriotzak.
bideoa prestatzen
Eskubide Sozialen Kartak topaketak antolatu ditu U30eko greba ardatz

2019-12-13
Eskubide Sozialen Karta osatzen duten eragileek topaketak antolatu dituzte gaur, Barakadoko BEC-en. Urtarrilaren 30eko Greba Orokorra ardatz, aldaketa sozialerako aukera berriak jorratu dituzte. Urtarrileko Greba Orokorra ipar, “lan, pentsio, bizitza” duina leloan sakondu, eta antolakuntzara deitu dute lan zentruetan, herri eta auzoetan. Karta, batasun behar batekin sortu zen, eragile eta sindikatuak, eskubide sozialen esparruan behintzat, batera aurre egiteko. Hizlariek, emandako aurrerapausoak azpimarratu dituzte, adibidez talde feministek eta bereziki emakume gazteek egindako borroka, ekologistena, ekonomia sozialean egindakoa, borroka sindikala eta, nola ez, greba orokorraren zutabeetako bat den pentsiodunen mugimenduarena.
bideoa prestatzen
5000 pentsionistek aldarrikapenez bete dute Gasteiz

2019-12-12
Milaka pentsionista Gasteizen mobilizatu dira beraien aldarrikapenak Eusko Legebiltzarreraino eramateko, antolatzaileen arabera 5.000 pertsonek parte hartu dute. Araba, Bizkaia eta Gipuzkoatik joandako pentsionistek Gasteizko kaleak hartu dituzte. Pentsio publikoen defentsan borrokan jarraituko dutela adierazi eta urtarrilaren 30eko greba orokorrera batzeko deia egin dute. Izan ere, lanuzte honen atariko ekintzetako bat izan da.