Skip to main content
bannerra

Azken bideoak: Herri mugimendua

bideoa prestatzen
Pentsiodunek azaroko "mobilizazio erraldoira" batzeko deia egin diete gizarteko hainbat sektoreri

2019-06-10
Protestak handiagotu nahi dituzte eta horretarako langile, ikasle eta gizarteko beste hainbat kolektiborekin elkartu nahi dira. 17 hilabete daramatzate jada Euskal Herriko herri eta hirietan instituzioek egin dizkieten promesak aldarrikatzen. Aurreko astean elkartu ziren EAE eta Nafarroako pentsiodunen ordezkariak. Han ateratako ondorio bat azaldu dute gaur. Aberastasunaren %13a pentsioetara bideratuz gero, eskatzen duten gutxiengoa beteko litzatekeela, hain zuzen ere. Eskaera hauek Madrilera eramatea aurreikusten dute datorren udazkenean. Salatu dute 225.000 pertsona daudela EAEn eta Nafarroan 825 eurotik beherako pentsioarekin. Eskatzen dituzten 1.080 euroetatik urrun dago oraindik. Hala, mobilizatzen jarraitzeko deia egin dute.
bideoa prestatzen
Gehiengo sindikalak elkarretaratzea egin du azken hilabeteko lan-istripuak salatzeko

2019-05-28
Eusko Jaurlaritzaren Bilboko egoitzaren aurrean, gehiengo sindikalak agerraldi bateratua egin du gaur goizean. Azken hilabetean izandako lan-istripuak ardatz, Jaurlaritzari langileen segurtasuna lehen lerrora ekartzea eskatu diote. Hainbat salaketa plazaratu dituzte, tartean, eskulan merkeak eta prekarietateak dakartzaten ondorio latzak, askotan hildakoak eragiten dituztela. Azken hilabetean 5 hildako egon dira lanean zihardutela. Sindikatuen bozeramaileek garraiolarien egoera bereziki larria dela adierazi dute, azken hilabetean 4 hildako izanik. Bestalde, UGT sindikatuak agerraldi propioa egin du arrazoi berdinarengatik, Bilbon duen egoitzan.
bideoa prestatzen
Goizeder Tabernan: Frantziar Estatuaren orokortasunean gertatukoaren aurka, Macronek emaitza onak atera ditu Ipar Euskal Herrian

2019-05-27
Frantziar Estatuan Le Pen-ek eta ultraeskuinak azaldutako indarraren aurrean, Ipar Euskal Herrian Macron presidentearen mugimenduak emaitza onak lortu ditu. Hala zehaztu digu Goizeder Tabernak.
bideoa prestatzen
'Kapitalari planto!' plataforma aurkeztu dute Bilbon

2019-05-22
Kapitalismoaren erasoari erantzun soziala emateko, Euskal Herriak Kapitalari planto plataforma aurkeztu dute Bilbon. Salaketa, mobilizazio eta desobedientzia zibil baketsuaren bidez, enpresa transnazionalei merkataraitza akordioen bitartez jartzen zaien alfonbra gorria salatuko dutela adierazi dute.
bideoa prestatzen
Pentsiodunak beste astelehen batez elkartu dira Bilboko Udaletxean

2019-05-13
Astelehenero bezala, pentsiodunak Bilboko Udaletxearen atarian bildu dira, pentsio duinak aldarrikatzeko. Gaurkoa, burutu duten 71. kontzentrazioa izan da, larunbatean Euskal Herriko eta Espainiako hainbat hiriburutan egindako mobilizazioak eta gero. Astero errepikatzen dituzten eskariekin batera, larunbateko mobilizazioen balorazioa egin dute. Hainbat hiriburu mobilizatu zirela adierazi dute, nahiz eta aurretik egindako beste manifestaldi handietan baino jende gutxiago hurbildu zen. Hala ere mugimenduaren aniztasuna eta batasuna sendo jarraitzen duela adierazi dute, eta mobilizazioekin jarraituko dutela, gutxieneko eskubide duin batzuk lortu arte. Estatuko hauteskundeen emaitzetan Pedro Sanchez irabazle atera izana ez dute begi txarrez ikusi. Hala ere, konfidantzarik ez dute parlamentuak haien egoera aldatuko duenik. Indarra eta aldatzeko gaitasuna beraiengan dagoela ondorioztatu dute, eta gauzak aldatzeko esperantzarik galdu ez dutela.
bideoa prestatzen
Eta segi aurrera! liburua aurkeztu dute Añorgako zinema zaharrean

2019-05-07
Eta segi aurrera! Liburua aurkeztu zuten maiatzaren 6an Añorgako zinema zaharrean. Izan ere, 1979ko maiatzaren 6an sortu zen Jarrai gazte antolakundea, orain dela 40 urte. Liburuan ezker abertzaleko gazte antolakundeek lau hamarkadatan eginiko topaketak, eztabaidak, gogoetak eta landutako gaiak jaso dituzte: soldadutza, drogen kudeaketa, feminismoa, hezkuntza, Ipar eta Hego Euskal Herriaren arteko harremanak, besteak beste. Txalaparta argitaletxeak argitaratu du liburua, eta koordinazio lanetan Markel Ormazabal, Irati Sienra eta Xabier Iraola aritu dira beste zazpi lagunekin batera. Artxiboko lanaz gain, garai ezberdinetako 53 pertsona elkarrizketatu dituzte zazpi taldetan banatuta. Horretaz gain, pasarte batzuk lehen pertsonan daude idatzita, testigantza gisa. Sortzaileek Eduardo Galeanoren eltzearen ipuinaren kontzeptua erabili dute gazte antolakundearen bilakaera erakusteko.