Skip to main content
bannerra

Azken bideoak: Herri mugimendua

bideoa prestatzen
Eusko Legebiltzarrean Herri Ekimen Legegilea bozkatzean ezezkoa atera da

2019-02-07
Euskal Herriko Eskubide Sozialen Kartak aurkeztutako Herri Ekimen legegilea bozkara eraman da gaur Eusko Legebiltzarrean. 51.000 sinadura bildu zituen Herri Ekimen Legegileak, Araba Bizkaia eta Gipuzkoan. Janire Landaluze, ekimena aurrera atera duten eragileen ordezkarietako bat, osoko bilkuran Ekimen Legegilearen defentsa egin ostean, bozkara eraman da proposamena. 75 legebiltzarkidetik, baiezkoa 29k eman dute, eta gailendu den ezezkoa 46 izan dira. Gauzak horrela, baiezko botoak EH Bilduk eta Elkarrekin Podemos alderdiek eman dituzte; ezekoa, ordea, EAJ, PSE eta PPk eman dute. Eskubide Sozialen Kartak, Herri Ekimen Legegilean ezezkoa bozkatu duten talde politikoak aintzat hartuta, mobilizazioa egitea erabaki dute. Otsailaren 13rako deitu dute, eta PP, PSE eta EAjren egoitzak lotuko dituen giza katea eratzera dei egin dute.
bideoa prestatzen
LAbek langile publikoen ezegonkortasuna salatu du

2019-01-25
Administrazioko langile publikoek salbuespen egoera jasangaitza bizi dutela adierazi du Gorka Berastegi LABeko ordezkariak. Langileen behin-behinekotasuna, ehuneko berrogeitik gorakoa da kasu batzuetan. Gainera, behin-behineko postuetan dago, adinean gora egiten ari den jendea. Postu hauetan dauden asko, emakumeak direla azaldu dute. Era berean Eusko jaurlaritzaren erantzukizuna azpimarratu dute, eta, sindikatuak, enpleguen kotsolidazioa egonkortzeko lege berria sortzeko proposamena egin du.
bideoa prestatzen
Bilboko eremu metropoliarrari buruz hausnartzeko Plaza Hutsa

2019-01-23
Iragan den urtarrilaren 12an, Durangon egindako saioaren ostean, Ezker Abertzaleak bultzatutako Plaza Hutsa ekimenak Bilboko eremu metropoliarra izango du ardatz. Sektore, esperientzia eta eragile ezberdinen parte hartzearekin, Euskal Herriko biztanleriaren herena eta eragin politiko, mediatiko eta sozial erraldoia duen eremuaren inguruko gogoetak partekatuko dituzte otsailaren 8 eta 9an Bilbon eta Porugaleten. Ibon Meñika Hiriburuan saioan egon zen iniziatibaren ingurukoak azaltzen.
bideoa prestatzen
Foro Sozialak sufrimenduaren kartografia integrala osatzeko eskaera egin du Nafarroako parlamentuan

2018-12-19
Foro Sozialaren ordezkaritza bat Nafarroako parlamentuko presidente Ainhoa Aznarezekin elkartu da. Bilkuran, sufrimenduaren kartografia integrala egitearen beharra azpimarratu zuten, biolentzia oro eta biktima guztien aitortza eta erreparazioari ateak irekiz.
bideoa prestatzen
Carles Puigdemont-ek Demokrazia Bai babestu du

2018-12-19
Bruselatik, Carles Puigdemont-ek erabakitzeko eskubidea eta estatus berriaren alde artikulatutako Demokrazia Bai mugimendua babestu zuen. Euskal jendarteko sektore ezberdinetako herritarrek parte hartu zuten ekitaldian, Puigdemont-ek bidalitako mezua proiektatu zuten.
bideoa prestatzen
Protestak Biarritzen G7-ko gailurra prestatzeko bileraren kontra

2018-12-18
Biarritzera joan da Jean-Yves Le Drian Kanpo Harremanetarako ministro frantsesa, 2019ko udan G7 taldeak bertan egingo duen goi-bilera prestatzeko lanen baitan. Segurtasun neurri handiak ezarri dituzten arren, tentsio uneak izan dira, herritarrek, tartean «txaleko horiek» eta Bizi! mugimenduko kideek, Macron-en dimisioa eskatuz kalean protesta egin eta Poliziarekin istiluak sortu dira hauek negar-gasa eta gomazko pilotekin kargak eginez.